കുവൈറ്റ് സിറ്റി: നാഷണലിസ്റ്റ് കോണ്ഗ്രസ് പാർട്ടിയുടെ (എൻസിപി)യുടെ ഇരുപത്തിരണ്ടാമത് സ്ഥാപക ദിനത്തോടനുബന്ധിച്ച് ഓവർസീസ് എൻസിപിയുടെ ഗ്ലോബൽ കമ്മിറ്റി സൂം ആപ്ലിക്കേഷനിലൂടെ സ്ഥാപക ദിനാഘോഷം സംഘടിപ്പിച്ചു. എൻസിപി ഓവർസീസ് സെൽ ദേശീയ അധ്യക്ഷൻ ബാബു ഫ്രാൻസിസ് അധ്യക്ഷത വഹിച്ച ചടങ്ങ് എൻസിപി കേരള സംസ്ഥാന കമ്മിറ്റി പ്രസിഡന്റ് പി.സി. ചാക്കോ എക്സ് എം.പി. ഉദ്ഘാടനം ചെയ്തു.
ഇന്ത്യൻ രാഷ്ടീയത്തിലെ ശക്തമായ ദേശീയ പാർട്ടികളുടെ ഇടയിൽ നിർണായക ശക്തിയായ എൻസിപി യുടെ ഇടപെടലിൽ അതിവിദൂരമല്ലാത്ത രാഷ്ട്രീയ അടിയൊഴുക്കുകൾക്ക് സാധ്യതയുണ്ടെന്നും, അതിന്റെ ഭാഗമായി ഒരു മൂന്നാം മുന്നണി തരംഗം ഇന്ത്യയിൽ അലയടിക്കുമെന്നും പിസി ചാക്കോ പറഞ്ഞു . അതിന്റെ തുടർച്ചയായി കേരളത്തിൽ എൻസിപിയുടെ വേരോട്ടം കേരളത്തിലാകമാനം ഉറപ്പിക്കേണ്ടതുണ്ടെന്നും എൻ സിപിയെ കേരള രാഷ്ട്രീയത്തിൽ ഇടതുപക്ഷ മുന്നണികളിലെ നിർണായക ശക്തിയാക്കുമെന്നും പറഞ്ഞ പി സി ചാക്കോ അതിന് ഒഎൻസിപിയുടെ ഭാഗത്തുനിന്ന് വലിയ രീതിയിലുള്ള ഇടപെടലുകൾ നടത്തണമെന്നും യോഗത്തിൽ അഭ്യർഥിച്ചു.
ഒഎൻസിപിയുടെ യുഎഇ ചാപ്റ്റർ പ്രസിഡന്റ് രവി കൊമ്മേരി മോഡറേറ്ററായ ഓണ്ലൈൻ മീറ്റിംഗിൽ ഒ എൻസിപി ദേശീയ ജനറൽ സെക്രട്ടറി ജിയോ ടോമി സ്വാഗതവും പറഞ്ഞു. ഫൈസൽ എഫ് എം (ബഹ്റൈൻ കമ്മിറ്റി പ്രസിഡന്റ്), സജീവ് കാടാശേരിൽ ( അംഗോള - ആഫ്രിക്ക കമ്മിറ്റി പ്രസിഡന്റ്), ജീവ്സ് എരിഞ്ചേരി - (കുവൈറ്റ് കമ്മിറ്റി പ്രസിഡന്റ്), മുഹമ്മദ് ഹനീഫ് -സൗദി കമ്മിറ്റി സെക്രട്ടറി), സണ്ണി മിറാൻഡ (കർണാടക സ്റ്റേറ്റ് കമ്മിറ്റി), കെ.വി. രജീഷ് എൻസിപി കേരള സ്റ്റേറ്റ് കമ്മിറ്റി എന്നിവർ ആശംസകൾ നേർന്നു. വിവിധ കമ്മിറ്റികളെ പ്രതിധീകരിച്ചു. അഡ്വ. ബാബു ലത്തീഫ്, അരുൾ രാജ് കെ.വി., ജോഫ്രി സി.ജി. മാക്സ് വെൽ ഡിക്രൂസ്, മാത്യുജോണ്, നോബിൾ ജോസ്, ശ്രീബിൻ ശ്രീനിവാസൻ, സിദ്ധിഖ് ചെറുവീട്ടിൽ, രവീന്ദ്രൻ ടി.വി. അജ്മൽ മാങ്കാവ്, അഖിൽ പൊന്നാരത്ത് ,ഗ്രിസോം കോട്ടോമണ്ണിൽ, എന്നിവർ പരിപാടികൾക്ക് നേതൃത്വം നൽകി.കൂടാതെ നിരവധി രാജ്യങ്ങളിൽ നിന്നുള്ള പ്രതിനിധികളും, മറ്റ് പ്രവാസി റിട്ടേണീസ് ഫോറം
പ്രതിനിധികളും ചടങ്ങിൽ പങ്കെടുത്തു.
വീഡിയോ ലിങ്ക്
https://we.tl/t-hiA5odp9bj
റിപ്പോർട്ട്: സലിം കോട്ടയിൽ