പൊ​തു​പ​രി​പാ​ടി​ക​ളി​ൽ പ​ങ്കെ​ടു​ക്കു​ന്ന​തി​നും ഓ​ഫീ​സു​ക​ളി​ൽ പ്ര​വേ​ശി​ക്കു​ന്ന​തി​നും അ​ൽ​ഹൊ​സി​നി​ൽ പ​ച്ച തെ​ളി​യ​ണം
Wednesday, June 9, 2021 11:33 PM IST
അ​ബു​ദാ​ബി : അ​ൽ​ഹൊ​സ​ൻ ആ​പ്ലി​ക്കേ​ഷ​നി​ൽ കോ​വി​ഡ് വാ​ക്സി​നേ​ഷ​നു​മാ​യി ബ​ന്ധ​പ്പെ​ട്ട് പു​തി​യ ക​ള​ർ കോ​ഡു​ക​ൾ ന​ൽ​കി​കൊ​ണ്ട് ആ​രോ​ഗ്യ - രോ​ഗ പ്ര​തി​രോ​ധ​മ​ന്ത്രാ​ല​യം പു​തി​യ ​ഔപ​ചാ​രി​ക പെ​രു​മാ​റ്റ​ച്ച​ട്ടം ന​ട​പ്പി​ലാ​ക്കു​ന്നു. കേ​ന്ദ്ര - പ്രാ​ദേ​ശി​ക സ​ർ​ക്കാ​ർ അ​ധി​കൃ​ത​ർ​ക്ക് അ​ൽ​ഹൊ​സ​ൻ ആ​പ്പി​ലെ ക​ള​ർ കോ​ഡു​ക​ൾ അ​നു​സ​രി​ച്ചു പ്ര​വേ​ശ​നാ​നു​മ​തി അ​ട​ക്ക​മു​ള്ള ന​ട​പ​ടി​ക്ര​മ​ങ്ങ​ളി​ൽ തീ​രു​മാ​ന​മെ​ടു​ക്കാ​മെ​ന്നാ​ണ് മ​ന്ത്രാ​ല​യം അ​റി​യി​ച്ചി​രി​ക്കു​ന്ന​ത്.

പൗ​ര·ാ​ർ​ക്കും താ​മ​സ​ക്കാ​ർ​ക്കും വി​നോ​ദ സ​ഞ്ചാ​രി​ക​ൾ​ക്കും സു​ര​ക്ഷി​ത​വും, ആ​രോ​ഗ്യ​പൂ​ർ​ണ​വു​മാ​യ അ​ന്ത​രീ​ക്ഷം ഒ​രു​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് പു​തി​യ പ​ദ്ധ​തി​ക​ൾ ആ​സൂ​ത്ര​ണം ചെ​യ്തു ന​ട​പ്പി​ലാ​ക്കു​ന്ന​ത്. കോ​വി​ഡ് വാ​ക്സി​ൻ ര​ണ്ടു ഡോ​സും സ്വീ​ക​രി​ച്ച് 28 ദി​വ​സ​ങ്ങ​ൾ പൂ​ർ​ത്തി​യാ​ക്കി​യ​വ​ർ, ഒ​രു ഡോ​സ് പൂ​ർ​ത്തി​യാ​ക്കി​യ​വ​ർ, വാ​ക്സി​ൻ എ​ടു​ക്കാ​ത്ത​വ​ർ, പി​സി​ആ​ർ ടെ​സ്റ്റ് എ​ടു​ത്ത​വ​ർ തു​ട​ങ്ങി​യ വി​വി​ധ ത​ര​ത്തി​ലു​ള്ള​വ​രെ ക്രോ​ഡീ​ക​രി​ച്ചാ​ണ് ക​ള​ർ കോ​ഡ് ന​ൽ​കി​യി​രി​ക്കു​ന്ന​ത്. ര​ണ്ടു ഡോ​സും എ​ടു​ത്ത​വ​ർ​ക്കു 30 ദി​വ​സം വ​രെ പ​ച്ച നി​റ​മാ​യി​രി​ക്കും അ​ൽ​ഹൊ​സ​ൻ ആ​പ്പി​ലു​ണ്ടാ​കു​ക.

ഗോ​ൾ​ഡ് സ്റ്റാ​ർ, ഇ ​എ​ന്നീ സ്റ്റാ​റ്റ​സു​ക​ൾ പി​സി​ആ​ർ എ​ടു​ത്തു 7 ദി​വ​സ​ത്തേ​ക്കാ​ണ് കാ​ണു​ന്ന​ത്. 30 ദി​വ​സ​ത്തി​ന് ശേ​ഷം ഇ​ത് ഗ്രേ ​ക​ള​ർ ആ​യി മാ​റും. സെ​ക്ക​ന്‍റ് ഡോ​സ് എ​ടു​ക്കു​ന്ന​തി​നാ​യി കാ​ത്തി​രി​ക്കു​ന്ന​വ​ർ പി​സി​ആ​ർ നെ​ഗ​റ്റീ​വ് ആ​ണെ​ങ്കി​ൽ 7 ദി​വ​സം വ​രെ ഗ്രീ​ൻ ക​ള​ർ കാ​ണി​ക്കും. സെ​ക്ക​ൻ​ഡ് ഡോ​സ് എ​ടു​ക്കാ​ൻ 48 ദി​വ​സ​ത്തി​ല​ധി​കം താ​മ​സി​ച്ചാ​ൽ പി​സി​ആ​ർ നെ​ഗ​റ്റീ​വ് ഫ​ലം മൂ​ന്നു ദി​വ​സ​ത്തേ​ക്ക് മാ​ത്ര​മേ ഗ്രീ​ൻ നി​റ​ത്തി​ൽ കാ​ണി​ക്കു​ക​യോ​ള്ളൂ. ഗ്രീ​ൻ നി​റ​ത്തി​ലു​ള്ള​വ​രു​ടെ വാ​ക്സി​ൻ സ്റ്റാ​റ്റ​സ് അ​നു​സ​രി​ച്ചു പി​സി​ആ​ർ ഫ​ലം തെ​ളി​യു​ന്ന​തി​നു ന​ൽ​കി​യി​ട്ടു​ള്ള നി​ശ്ചി​ത കാ​ല​യ​ള​വ് ക​ഴി​യു​ന്പോ​ൾ ഗ്രേ ​നി​റ​ത്തി​ലേ​ക്കു പോ​കും . അ​ൽ​ഹൊ​സ​ൻ ആ​പ്പി​ൽ ഗ്രേ ​നി​റം കാ​ണി​ക്കു​ന്പോ​ൾ അ​തി​ന്‍റെ അ​ർ​ഥം കോ​വി​ഡ് പ​രി​ശോ​ധ​ന ഫ​ല​ത്തി​ന്‍റെ കാ​ലാ​വ​ധി ക​ഴി​ഞ്ഞി​രി​ക്കു​ന്നു എ​ന്നാ​ണ്. പോ​സി​റ്റീ​വ് ഫ​ലം ല​ഭി​ക്കു​ന്ന​വ​ർ​ക്കാ​ണ് ആ​പ്പി​ൽ ചു​വ​പ്പ് നി​റം ല​ഭി​ക്കു​ന്ന​ത്. ചു​വ​പ്പ് ല​ഭി​ക്കു​ന്ന​വ​ർ മ​ന്ത്രാ​ല​യം ന​ൽ​കി​യി​രി​ക്കു​ന്ന അം​ഗീ​കൃ​ത നി​ബ​ന്ധ​ന​ക​ൾ പാ​ലി​ക്കാ​ൻ ബാ​ധ്യ​സ്ഥ​രാ​ണെ​ന്നും ആ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കു​ന്നു.

റി​പ്പോ​ർ​ട്ട്: അ​നി​ൽ സി. ​ഇ​ടി​ക്കു​ള

Copyright @ 2022 , Rashtra Deepika Ltd.