ജിദ്ദ: രാഷ്ട്ര ശിൽപികൾ നമുക്ക് സമ്മാനിച്ച സ്വാതന്ത്ര്യത്തെ അപ്പാടെ തകർത്തെറിയുന്ന ഭരണഘടനാ വിരുദ്ധ നിലപാടുകളാണ് ഇപ്പോൾ ലക്ഷദ്വീപിലും ഇന്ത്യയുടെ മറ്റു പല ഭാഗങ്ങളിലു നടന്നുകൊണ്ടിരിക്കുന്നതെന്ന് ലഷദ്വീപ് ഫാസിസ്റ്റുകളുടെ പരീക്ഷണഭൂമിയോ എന്ന ശീർഷകത്തിൽ ഗ്രന്ഥപ്പുര ജിദ്ദ സംഘടിപ്പിച്ച വെബിനാർ അഭിപ്രയപെട്ടു.
ബ്രിട്ടീഷ് ഇന്ത്യയിൽ നമ്മൾ വൈദേശിക അടിമത്വത്തിനെതിരെ സമരം ചെയ്തുവെങ്കിൽ സമകാലീക ഇന്ത്യയിൽ ഭരണകൂട പാരതന്ത്ര്യത്തിനെതിരെ ദേശവ്യാപകയുമായി കൈകോർക്കേണ്ട സമയം അതിക്രമിച്ചു എന്ന് കഐംസിസി ജിദ്ദ സെൻട്രൽ കമ്മറ്റി ജനറൽ സെക്രട്ടറി അബൂബക്കർ അരിന്പ്ര അഭിപ്രായപ്പെട്ടു പരിപാടി ഉദ്ഘാടനം ചെയ്തു സംസാരിക്കുകയായിരിന്നു അദ്ദേഹം, ഷാജു അത്താണിക്കൽ അധ്യക്ഷത വഹിച്ച പരിപാടിയിൽ സൗദിയിൽ നിന്നും ഇന്ത്യയിൽ നിന്നും പ്രമുഖർ പങ്കെടുത്തു.
മനുഷ്യവംശത്തിനെതിരെയുള്ള ഇത്തരം ആക്രമണങ്ങളെ ഒറ്റക്കെട്ടായി നാം നേരിടേണ്ടകാലമാണിതെന്ന് ഗോപി നെടുങ്ങാടിയും രാഷ്ട്രീയമോ മതമോ ജാതിയോ നോക്കാതെ എല്ലാവരും ഒന്നിച്ച് പ്രവർത്തിക്കേണ്ട സമയം സംജാതമായിരിക്കുന്നുവെന്ന് വി.കെ. റൗഫും തുടങ്ങിയവർ അഭിപ്രായപ്പെട്ടു.
പരിപാടിയിൽ ലക്ഷദ്വീപ് കവരത്തി നിവാസി അബ്ദുൽ റാസാഖ്, പുതിയ സാഹചര്യങ്ങളുടെ പക്ഷാത്തലത്തിൽ ദ്വീപ് നിവാസികൾ ഇപ്പോൾ അനുഭവിക്കുന്ന പ്രശ്നങ്ങൾ വിവരിച്ചു സംസാരിച്ചു.
വിവിധ സാമൂഹിക സാംസകാരിക സംഘടനകളെ പ്രതിനിധീകരിച്ചു ബഷീർ വള്ളിക്കുന്ന് (ബ്ലോഗർ), ഷിബു തിരുവനന്ദപ്പുരം (നവോദയ), സിഒറ്റി അസീസ്, സാദിഖ് ചാലിയാർ (ആർഎസ്സി), ബഷീർ തൊട്ടിയൻ, ഉസ്മാൻ ഇരുന്പുഴി,എം പി അഷറഫ്( പ്രവാസി സംസ്കാരിക വേദി),അസൈൻ ഇല്ലിക്കൽ(സമീക്ഷ),സലാഹ് കാരടൻ(ഇസ്ലാഹി സെന്റർ ഷറഫിയ), റഫീഖ് പത്തനാപ്പുരം, നാസർ വേങ്ങര(സ്പീകേഴ്സ് ഫോറം), ഉസ്മാൻ കുണ്ടുകാവി, അൻവ വണ്ടൂർ, കൊന്പൻ മൂസ, യൂനസ് (ചേതന), ഹക്കീം വേങ്ങൂർ, ഇസ്മയിൽ കല്ലായി എന്നിവർ സംസാരിച്ചു. കിസ്മത്ത മന്പാട്, ഖലീൽ റഹ്മാൻ, സലാം ഒളവട്ടൂർ, ദിനേശ് ചൊവ്വാണ, സമദ് കാരാടൻ, അബ്ദുൽ മജീദ് നഹ, കെ.എം. ഇർഷാദ്, അബ്ദു റഹിമാൻ, അരുവി, മൻസൂർ അലി കാരടൻ,മുജീബ്,സേതുമാധവൻ,ജമാൽ തുടങ്ങിയവർ സംബന്ധിച്ചു. ഫൈസൽ മന്പാട് സ്വാഗതവും മുഹമ്മദ് സാദത്ത് നന്ദിയും പറഞ്ഞു.
റിപ്പോർട്ട്: മുസ്തഫ കെ.ടി. പെരുവള്ളൂർ