റിയാദ് : കെ.എംസിസി ന്യൂ സനയ്യ ഏരിയ ട്രഷററും ദീമാ ബിസ്ക്കറ്റ് കന്പനിയിലെ സെയിൽസുമാനുമായ ഷറഫൂദ്ദിൻ പയ്യനാടിന് സെൻട്രൽ കമ്മിറ്റി യാത്രയയപ്പു നൽകി.
എട്ടു വർഷമായി ദീമാ ബിസ്ക്കറ്റ് കന്പനിയിൽ ജോലി ചെയ്തു വരുന്ന ഷറഫുദ്ദീൻ സെൻട്രൽ കമ്മിറ്റിയുടെ കോവിഡ് മിഷൻ കാരുണ്യ പ്രവർത്തനങ്ങളിലെ നിറസാന്നിധ്യമായിരുന്നു. ലോക്ക്ഡൗണ് കാലയളവിൽ ഭക്ഷണത്തിനും മരുന്നിനുമായി പ്രയാസപ്പെട്ടിരുന്ന ആയിരങ്ങൾക്ക് ആശ്വാസമേകിയ റിയാദ് കെഎംസിസിയുടെ റിലീഫ് പ്രവർത്തനങ്ങളീൽ മുൻപന്തിയിലുണ്ടായിരുന്ന ഷറഫുദ്ദീൻ രോഗം മൂലം പ്രയാസമനുഭവിച്ച നിരവധി പേരെ ആശുപത്രിയിലെത്തിക്കുന്നതിനും നിസ്വാർഥമായ സേവനമായിരുന്നു ചെയ്തു വന്നിരുന്നത്.
കെ എംസിസി ഓഫീസിൽ നടന്ന യോഗം വെൽഫെയർ ചെയർമാൻ സിദ്ദീഖ് തുവ്വൂർ ഉദ്ഘാടനം ചെയ്തു. പ്രസിഡന്‍റ് സി.പി മുസ്തഫ അധ്യക്ഷത വഹിച്ചു. സെൻട്രൽ കമ്മറ്റിയുടെ ഉപഹാരം മുതിർന്ന നേതാവ് ഉമ്മർ അമാനത്ത് സമ്മാനിച്ചു. ജലീൽ തിരൂർ, അബ്ദുൽ മജീദ്, കെ.ടി അബൂബക്കർ, അബ്ദുറഹിമാൻ ഫറോഖ്, അഷ്റഫ് വെള്ളപ്പാടം, റഫീഖ് പൂപ്പലം, മുത്തു കട്ടുപ്പാറ, ഹംസക്കോയ, അഷ്റഫ് അച്ചൂർ, ഇൻഷാദ്, ഉനൈസ്, സിദ്ദീഖ് ആനപ്പടി, നജീബ്, ഹബീബ് അൽ അബീർ, മജീദ് പരപ്പനങ്ങാടി, സഫ്നാസ്, അബൂബക്കർ, ഇസ്മായിൽ കരോളം, നാസർ നിലന്പൂർ, റാഫി കൂട്ടായി, ജാസിം കാസർക്കോട്, ഷെമീർകണ്ണൂർ എന്നിവർ പ്രസംഗിച്ചു. ആക്ടിംഗ് സെക്രട്ടറി സുബൈർ അരിന്പ്ര സ്വാഗതവും സഫീർ പറവണ്ണ നന്ദിയും പറഞ്ഞു.
റിപ്പോർട്ട്: ഷക്കീബ് കൊളക്കാടൻ