റിയാദ്: നേരിനായി പോരാടുക, നീതിക്കായി സംഘടിക്കുക എന്ന സന്ദേശവുമായി മുസ്ലിം യൂത്ത് ലീഗ് നയിക്കുന്ന ക്യാന്പയിന്‍റെ പ്രചരണാർഥം റിയാദ് മലപ്പുറം ജില്ല കഐംസിസി പ്രചാരണ സമ്മേളനം സംഘടിപ്പിച്ചു. അഭിമാനകരമായ അസ്തിത്വം നില നിർത്തുന്നതിന് വേണ്ടിയുള്ള പോരാട്ടം കൂടുതൽ കരുത്തോടെ മുന്നോട്ട് കൊണ്ട് പോകേണ്ട സാഹചര്യമാണുള്ളതെന്നു സൗദി നാഷണൽ കഐംസിസി ജനറൽ സെക്രട്ടറി ഖാദർ ചെങ്കള അഭിപ്രായപ്പെട്ടു. അപ്പോളോ ഡിമോറ ഓഡിറ്റോറിയത്തിൽ സംഘടിപ്പിച്ച പ്രചാരണ സമ്മേളനം ഉദ്ഘാടനം ചെയ്തു പ്രസംഗിക്കുകയിരുന്നു ഖാദർ.
മുസ്ലിം യൂത്ത് ലീഗ് ഉയർത്തിപ്പിടിച്ച സന്ദേശത്തിന് കരുത്ത് പകരാൻ കെഎംസിസിക്ക് കഴിയണമെന്നും അദ്ദേഹം കൂട്ടിച്ചേർത്തു. മലപ്പുറം ജില്ലാ കെഎംസിസി ജനറൽ സെക്രട്ടറി അസീസ് വെങ്കിട്ട അധ്യക്ഷത വഹിച്ചു.
മുസ്ലിം ലീഗിന്‍റെ പോഷക സംഘടനയായ കെ എംസിസി രാഷ്ട്രീയ പ്രവർത്തനങ്ങൾക്ക് മുൻതൂക്കം നൽകുന്ന പ്രവർത്തനങ്ങളുമായി മുന്നോട്ട് പോകണമെന്ന് നാഷണൽ കെഎംസിസി സാമൂഹ്യ സുരക്ഷാ പദ്ധതി ചെയർമാൻ സയ്യിദ് അഷ്റഫ് തങ്ങൾ പറഞ്ഞു.
ഭരണ സിരാ കേന്ദ്രങ്ങളിൽ മാറ്റത്തിന്‍റെ വിളിയാളം സാധ്യമാക്കിയ മുസ്ലിം ലീഗിന്‍റെ ചരിത്രം ഒരു ദൃശ്യാവിഷ്കാരമായി മുസ്ലിം യൂത്ത് ലീഗ് നിർമിച്ച ഡോക്യൂമെന്ററിയുടെ പ്രദർശനം നിറഞ്ഞ കൈയടിയോടെയാണ് സദസ് സ്വീകരിച്ചത്.
റിയാദ് കെ എംസിസി സെൻട്രൽ കമ്മിറ്റി പ്രസിഡന്‍റ് സി.പി. മുസ്തഫ, കോയാമു ഹാജി, ഉസ്മാനലി പാലത്തിങ്ങൽ, ഷുഹൈബ് പനങ്ങാങ്ങര, ഷൗക്കത് പാലപ്പള്ളി, അഷ്റഫ് അച്ചൂർ, പി.സി. അലി, ഷൗക്കത്ത് കടന്പോട്ട് എന്നിവർ പ്രസംഗിച്ചു. ഷാഹിദ് മാസ്റ്റർ, അക്ബർ വേങ്ങാട്ട്, ഹബീബ് പട്ടാന്പി, നാസർ മാങ്കാവ്, ബാവ ചേലേന്പ്ര, ഇസ്ഹാഖ് നിലന്പൂർ, മുഹമ്മദ് അലി ഹാജി പാലക്കാട് എന്നിവർ സംബന്ധിച്ചു. ജില്ലാ കെ എംസിസി ഭാരവാഹികളായ അഷ്റഫ് കൽപകഞ്ചേരി, ശരീഫ് അരീക്കോട്, യൂനുസ് കൈതക്കോടൻ, അഷ്റഫ് മോയൻ, ഹമീദ് ക്ലാരി, യൂനുസ് താഴേക്കോട്, ഇക്ബാൽ തിരൂർ, സിദ്ദിഖ് കോനാരി, കുഞ്ഞി മുഹമ്മദ് കാടാന്പുഴ എന്നിവർ നേതൃത്വം നൽകി. ജില്ല സെക്രട്ടറി ഷാഫി ചിറ്റത്തുപാറ സ്വാഗതവും ട്രഷറർ കുഞ്ഞിപ്പ തവനൂർ നന്ദിയും പറഞ്ഞു.
റിപ്പോർട്ട് : ഷക്കീബ് കൊളക്കാടൻ