കുവൈത്ത് സിറ്റി : വിശ്വകർമ ഓർഗനൈസേഷൻ ഫോർ ഐഡിയൽ കരിയർ ആൻഡ് എജുക്കേഷൻ ( വോയ്സ് കുവൈത്ത് ) പതിനഞ്ചാം വാർഷികാഘോഷം ന്ധ വിശ്വകല - 2019 ന്ധ ഡിസംബർ 20 ന് നടക്കും. വൈകിട്ട് 3 മുതൽ അബാസിയ ഓക്സ്ഫോർഡ് പാക്കിസ്ഥാനി ഇംഗ്ലീഷ് സ്കൂൾ ഓഡിറ്റോറിയത്തിലാണ് പരിപാടി നടത്തപ്പെടുന്നത്. പ്രസിഡൻറ് ഷനിൽ വെങ്ങളത്തിന്റെ അധ്യക്ഷതയിൽ അബാസിയൽ ചേർന്ന ജനറൽ ബോഡി യോഗത്തിൽ സ്വാഗതസംഘം രൂപവത്കരിച്ചു . രക്ഷാധികാരി പി.ജി.ബിനു പരിപാടികളെകുറിച്ചു വിശദീകരിച്ചു.
ഭാരവാഹികളായി കെ.വി. ഷാജി ( ജനറൽ കണ്വീനർ), എം.ജി. റെജിമോൻ (കണ്വീനർ), സരിത രാജൻ (ആർട്സ്), കെ. വിജയൻ, സൂരജ് ദാമോദരൻ (റാഫിൾ), എം. സുനിൽ കുമാർ, ജോഷി ബാലൻ ( സുവനീർ), കെ.ബിബിൻ ദാസ്, പ്രമോദ് മാണുക്കര, എം. ചന്ദ്രശേഖരൻ (വാഹനം), പ്രമോദ് കക്കോത്ത് ( വോളന്റിയർ), കേളോത്ത് വിജയൻ (സാന്പത്തികം), വിബിൻജാ (മീഡിയ), എ.ആർ. സത്യൻ (സ്റ്റേജ്), ഉഷാലക്ഷ്മി, ലത സത്യൻ, ഷർമിള സൂരജ്, ടി.കെ.രജനി (സ്വീകരണം) എന്നിവരെ തെരഞ്ഞെടുത്തു.
പരിപാടിയിൽ വോയ്സ് കുവൈത്ത് അംഗങ്ങളുടെയും, കുടുംബാംഗങ്ങളുടെയും മക്കളിൽ നിന്ന് എസ്എസ്എൽസി , പ്ലസ്ടു എന്നി ക്ലാസുകളിൽ ഉന്നത വിജയം നേടിയവർക്ക് വിദ്യാഭ്യാസ അവാർഡുകൾ നൽകും. ജനറൽ കണ്വീനർ കെ.വി.ഷാജി സ്വാഗതവും ട്രഷറർ ജോയ് നന്ദനം നന്ദിയും പറഞ്ഞു.
റിപ്പോർട്ട്: സലിം കോട്ടയിൽ