ദുബായ്: നിരവധി സിനിമാ ഷോകൾക്ക് സാക്ഷ്യം വഹിച്ച ദുബായി വേറിട്ട ചലച്ചിത്ര മാമാങ്കത്തിന് വേദിയാകുന്നു. മോഹൻലാലും അടുത്ത സുഹൃത്തുക്കളും സിനിമയിൽ എത്തിയതിന്റെ നാൽപത്തിയെന്നാം വാർഷികം മെഗാ ഷോ ആയി മാറ്റുകയാണ്.
മോഹൻലാൽ, പ്രിയദർൻ, ജി സുരേഷ്കുമാർ, അശോക് കുമാർ, മണിയൻ പിള്ള രാജു, എസ് കുമാർ, എം ജി ശ്രീകുമാർ, കിരീടം ഉണ്ണി എന്നീ സുഹൃത്തുക്കൾ കുടുംബസമേതം പങ്കെടുക്കുന്നു എന്നതാണ് പരിപാടിയുടെ പ്രത്യേകത.
താരമക്കളായ കീർത്തി സുരേഷ്, പ്രണവ് മോഹൻലാൽ, കല്യാണി പ്രിയദർശൻ, നിരഞ്ജൻ രാജു, കുഞ്ഞുണ്ണി എസ് കുമാർ, വിസ്മയ മോഹൻലാൽ, സിദ്ധാർത്ഥൻ പ്രിയദർശൻ, രേവതി സുരേഷ് എന്നിവർ ഒന്നിച്ചെത്തും.
ആശ ശരത്തിന്റെ നേതൃത്വത്തിൽ 111 നർത്തകർ നൃത്താവിഷ്ക്കാരം നടത്തുന്ന പരിപാടിയിൽ ഷംന കാസിം, ദുർഗകൃഷ്ണ, സ്വാസിക, വിഷ്ണുപ്രിയ, അർജുൻലാൽ എന്നിവരും നൃത്തം ചവിട്ടും. എം.ജി ശ്രീകുമാർ, കെ.എസ് ചിത്ര, മധു ബാലകൃഷ്ണൻ, ജ്യോത്സ്ന എന്നിവർ സംഗീത മഴ പെയ്യിക്കുന്ന പരിപാടിയിൽ മോഹൻലാലും മഞ്ജു വാര്യരും പാടും. ബിനുമോൻ, നോബി, നെൽസണ്, അനിഷ് തോമസ്, ലാൽ ബാബു എന്നിവർ ഹാസ്യപരിപാടിയുമായി കയ്യടി വാങ്ങാനെത്തും. കുമ്മനം രാജശേഖരൻ, ഇന്നസെന്റ്, നെടുമുടി വേണു, കെബി ഗണേഷ് കുമാർ ,ശങ്കർ, മേനക എന്നിവരുടെ പരിപാടിയുടെ പ്രൗഢി കൂട്ടും.
നവംബർ 22 ന് ഇത്തിസലാത്ത് അക്കാദമി ഗ്രൗണ്ടിൽ ജ·ഭൂമി ഒരുക്കുന്ന മെഹാ ഷോയുടെ ടെലിവിഷൻ പങ്കാളി ഫ്ളവേഴ്സ് ടിവിയാണ്.
റിപ്പോർട്ട്: പി. ശ്രീകുമാർ