റിയാദ് : റിയാദ് കെഎംസിസി കോഴിക്കോട് ജില്ലാ കമ്മിറ്റിയുടെ നേത്യത്വത്തിൽ സംസ്ഥാന ജനറൽ സെക്രട്ടറി കെ.പി.എ മജീദ്, മുസ്ലിംലീഗ് കോഴിക്കോട് ജില്ലാ ജനറൽ സെക്രട്ടറി എം.എ റസാഖ് മാസ്റ്റർ, ദേശീയ മുസ്ലിംയൂത്ത്ലീഗ് ജനറൽ സെക്രട്ടറി സി.കെ.സുബൈർ, ദേശീയ എം.എസ്.എഫ് ഉപാധ്യക്ഷ ഫാത്തിമ തഹ്ലിയ എന്നിവർക്ക് സ്വീകരണം നൽകി.
പ്രവാസികൾക്ക് വേണ്ടി ദീർഘവീക്ഷണത്തോടെയുള്ള പദ്ധതികളും, പ്രവർത്തനങ്ങളും കണ്ടെത്തി നടപ്പിൽ വരുത്താനുള്ള ഉൗർജ്ജിത ശ്രമങ്ങൾ കെ.എംസിസി പ്രവർത്തകരുടെ ഭാഗത്ത് നിന്നുണ്ടാവണമെന്ന് കെഎംസിസി ഓഫീസിൽ സംഘടിപ്പിച്ച സ്വീകരണയോഗത്തിൽ പങ്കെടുത്ത് കൊണ്ട് നേതാക്കൾ സംസാരിച്ചു. റിയാദ് കെ.എംസിസി സെൻട്രൽ കമ്മിറ്റി വൈസ് പ്രസിഡന്റ് അക്ബർ വേങ്ങാട്ട് പരിപാടി ഉദ്ഘാടനം ചെയ്തു. എം.എ റസാഖ് മാസ്റ്റർക്ക് ലത്തീഫ് മടവൂർ, അബ്ദുറസാഖ് മയങ്ങിൽ, ശഹീൽ കല്ലോട്, അഹമ്മദ് കോയ മൂഴിക്കൽ, സിദ്ധീഖ് കുറോളിയും സി.കെ. സുബൈറിന് ഹനീഫ മൂർഖനാട്, മുഹമ്മദ് പേരാന്പ്ര, അബ്്ദുനാസർ പൂനൂർ എന്നിവരും ഹാരാർപ്പണം നടത്തി. കെ.പി മുഹമ്മദ്കുട്ടി, അഷ്റഫ് വേങ്ങാട്ട്, സി.പി മുസ്തഫ, നാസർ മാങ്കാവ്് എന്നിവർ ആശംസകൾ നേർന്ന് സംസാരിച്ചു.
റിയാദ് കെഎംസിസി കോഴിക്കോട് ജില്ലാ പ്രസിഡന്റ് അഷ്റഫ് അച്ചൂരിന്റെ അധ്യക്ഷതയിൽ ചേർന്ന സ്വീകരണ പരിപാടിയിൽ ജനറൾ സെക്രട്ടറി അബ്ദുറഹിമാൻ ഫറോക്ക് സ്വാഗതവും, ട്രഷറർ ജാഫർസാദിഖ് നന്ദിയും പറഞ്ഞു.
റിപ്പോർട്ട്: ഷക്കീബ് കൊളക്കാടൻ