കുവൈത്ത് സിറ്റി: 101 തരം ചായകളുമായി ‘ദുബായ് ദുബായ് കറക് മക്കാനി’ ബുധനാഴ്ച മുതൽ കുവൈത്തിലെ ഫർവാനിയയിൽ പ്രവർത്തനമാരംഭിക്കും. ഫർവാനിയ റൗണ്ട് എബൗട്ടിന് സമീപം ലുലു എക്സ്പ്രസിനടുത്ത് പ്രവർത്തിക്കുന്ന സ്ഥാപനം രാവിലെ 10.30ന് എം.എ. യൂസഫലി ഉദ്ഘാടനം ചെയ്യും.
കറക് ടീ, കറക് വാനില, കറക് ചോക്ലേറ്റ്, സിന്നമൻ ടീ, റോസ് വാട്ടർ ടീ, കറക് കോൺഫ്ലേക്, കറക് ബിസ്കറ്റ്, കറക് സഫ്രാൻ, കറക് കാർഡമൻ, കറക് ജിൻജർ തുടങ്ങി ചായയുടെ വൈവിധ്യം തന്നെയാണ് ഇൗ സ്ഥാപനത്തിന്‍റെ പ്രത്യേകത.
ചായകൾ, എണ്ണക്കടികൾ, വിവിധതരം ജ്യൂസുകൾ, വിവിധതരം പൊറോട്ട തുടങ്ങി രുചി വൈവിധ്യത്തിന്‍റെ പെരുമയുമായാണ് ‘ദുബായ് ദുബായ് കറക് മക്കാനി’ പ്രവർത്തിക്കുക. പേരുപോലെ തന്നെ വൈവിധ്യമുള്ളതായിരിക്കും ഇവിടുത്തെ ഭക്ഷ്യ വിഭവങ്ങളെന്ന് അധികൃതർ വ്യക്തമാക്കി.
24 മണിക്കൂറും പ്രവർത്തിക്കുന്ന കറക് മക്കാനിയിൽ സ്വന്തം സ്പെഷലൈസഡ് മസാലകൾ മാത്രമാണ് ഉപയോഗിക്കുന്നതെന്നും ആരോഗ്യത്തിന് ഹാനികരമായ ഒന്നും ഉപയോഗിക്കാതെ തന്നെ രുചിമേളമൊരുക്കാൻ കഴിയുമെന്നും ഡയറക്ടർമാരായ മുഹമ്മദ് കുഞ്ഞി, ജമാൽ,ആബിദ് മുളയങ്കാവ്, ഹിജാസ് എന്നിവർ പറഞ്ഞു.
റിപ്പോർട്ട്: സലിം കോട്ടയിൽ