പി.കെ മുസ്തഫക്ക് ഡോക്ടറേറ്റ്
Wednesday, October 9, 2019 9:33 PM IST
ദോഹ : പ്രമുഖ സംരംഭകനും സാമൂഹിക പ്രവര്‍ത്തകനുമായ പി.കെ മുസ്തഫക്ക് ഇന്‍റര്‍നാഷണല്‍ തമിഴ് യൂണിവേഴ്‌സിറ്റിയുടെ ഹോണററി ഡോക്ടറേറ്റ്. പ്രശംസനീയമായ സംരംഭകത്വത്തിനും ഉദാത്തമായ മാനവികതയ്ക്കും നല്‍കി വരുന്ന സംഭാവനകള്‍ പരിഗണിച്ചാണ് അദ്ദേഹത്തെ ഡോക്ടറേറ്റിന് തെരഞ്ഞെടുത്തതെന്ന് യൂണിവേഴ്‌സിറ്റി ചാന്‍സിലര്‍ ഡോ. എസ്.ശെല്‍വിന്‍ കുമാര്‍ പറഞ്ഞു.

ചെന്നൈയില്‍ നടന്ന ചടങ്ങില്‍ ഡോ. എസ്.ശെല്‍വിന്‍ കുമാര്‍, പ്രഫ. കെ. കാസിം ഐപിഎസ്, ഡോ. പെരുമാള്‍ജി, ഡോ. രവിവണ്ണന്‍ തുടങ്ങിയവര്‍ പങ്കെടുത്തു.

കഠിനാധ്വനത്തിന്‍റേയും സ്ഥിരോത്സാഹത്തിന്‍റേയും ഫലമായി സ്വന്തമായി ബിസിനസ് സ്ഥാപനങ്ങള്‍ കെട്ടിപ്പടുത്ത പി.കെ മുസ്തഫ ഖത്തറിലും നാട്ടിലുമായി നിരവധി സംരഭങ്ങള്‍ക്ക് നേതൃത്വം നല്‍കുന്നു. പി.കെ സ്റ്റാര്‍ ഗ്രൂപ്പ് മാനേജിംഗ് ഡയറക്ടറാണ്. ഖത്തര്‍ കെഎംസിസി സംസ്ഥാന വൈസ് പ്രസിഡന്‍റായ അദ്ദേഹം നിരവധി ജീവകാരുണ്യപ്രവര്‍ത്തനങ്ങളിലും സാമൂഹ്യ സേവനത്തിലും വ്യാപൃതനാണ്.

കര്‍ഷകനായിരുന്ന പാമ്പുകടിയന്‍ അലവിക്കുട്ടിയുടെയും കുട്ടശേരി ആമിനയുടെയും മൂത്തമകനാണ് പി.കെ മുസ്തഫ. ഭാര്യ: നസീറ പട്ടാണി. മകൻ: മിസ്അബ്.

Copyright @ 2022 , Rashtra Deepika Ltd.