യുഎഇയിൽ സ്ത്രീകൾക്കും കുടുംബത്തെ സ്‌പോൺസർ ചെയ്യാം
Wednesday, July 17, 2019 11:29 PM IST
അബുദാബി : കുടുംബ വീസ നിയമത്തിൽ നിർണായക അഴിച്ചു പണി നടത്തിയ യു എ ഇ യിൽ ഇനി കുടുംബാംഗങ്ങളെ സ്‌പോൺസർ ചെയ്യുന്നതിന് സ്ത്രീകൾക്കും അവസരമൊരുങ്ങി.

4000 ദിർഹം ശമ്പളം അല്ലെങ്കിൽ 3000 ദിർഹം ശമ്പളവും കമ്പനി നൽകുന്ന താമസസൗകര്യവും ഉള്ള സ്ത്രീകൾക്ക് ഭർത്താവിനെയും കുട്ടികളെയും സ്‌പോൺസർ ചെയ്യാം . നേരത്തെ ഇത് 10,000 ദിർഹം വേണ്ടിയിരുന്നു . അറ്റസ്റ്റ് ചെയ്ത വിവാഹപത്രം ,കുട്ടികളുടെ ജനന സർട്ടിഫിക്കറ്റ് , ശമ്പളം സംബന്ധിച്ച രേഖ എന്നിവ സഹിതം അപേക്ഷ സമർപ്പിച്ചാൽ മതിയാകും.

എന്നാൽ കുട്ടികളെ മാത്രമായി സ്‌പോൺസർ ചെയ്യുന്നതിന് ഭർത്താവിന്‍റെ സമ്മതപത്രവും ആവശ്യമാണ്. മുൻപ് ചില പ്രത്യേക ജോലികൾ ചെയ്യുന്നവർക്ക് മാത്രമായിരുന്നു കുടുംബത്തെ സ്‌പോൺസർ ചെയ്യുന്നതിന് അനുമതി വേണ്ടിയിരുന്നത്. ഇപ്പോൾ അത് ഭേദഗതി ചെയ്ത് ലഭിക്കുന്ന ശമ്പളം മാത്രമാണ് അടിസ്ഥാന യോഗ്യത . ഇതുമൂലം ധാരാളം കുടുംബങ്ങൾ യു എ ഇ ലേക്ക് എത്തുമെന്നാണ് പ്രതീക്ഷിക്കപ്പെടുന്നത് .

റിപ്പോർട്ട്:അനിൽ സി. ഇടിക്കുള

Copyright @ 2022 , Rashtra Deepika Ltd.