അബുദാബി: യുഎഇയിലെ കാസർഗോഡ് ജില്ലയിലെ പ്രവാസികളുടെ സാമൂഹ്യ സാംസ്കാരിക കൂട്ടായ്മയായ ഷാഡോ സോഷ്യൽ ഫോറം വിവിധ സ്ഥാപനങ്ങളുടെ സഹകരണത്തോടെ സംഘടിപ്പിച്ച ’ലീമാക്സ് സേഫ് ലൈൻ ഷാഡോ വോളി ഫെസ്റ്റ് സീസണ്‍ 2’ വിൽ, ഒണ്‍ലി ഫ്രഷ് ദുബായ് ജേതാക്കളായി. യുഎഇയിലെ പ്രശസ്ത ടീമുകളുടെ ബാനറിൽ വിവിധ രാജ്യങ്ങളിൽ നിന്നുള്ള പ്രമുഖ അന്താരാഷ്ട്ര താരങ്ങൾ അണിനിരന്ന ടൂർണമെന്‍റിൽ ബിഗ് മാർട്ട് ദുബായ് രണ്ടാം സ്ഥാനം നേടി.
അബുദാബി അൽനഹദ നാഷണൽ സ്കൂൾ ഹാളിൽ നടന്ന ടൂർണമെന്‍റ് ഇന്ത്യ സോഷ്യൽ ആൻഡ് കൾച്ചറൽ സെന്‍റർ (ISC) പ്രസിഡന്‍റ് രമേഷ് വി. പണിക്കർ ഉദ്ഘാടനം ചെയ്തു. പ്രദീപ് കുമാർ കുറ്റിക്കോൽ സ്വാഗതം ആശംസിച്ച ചടങ്ങിൽ സലിം ചിറക്കൽ അധ്യക്ഷത വഹിച്ചു. അബുദാബി കേരള സോഷ്യൽ സെന്‍റർ പ്രസിഡന്‍റ് എ.കെ ബീരാൻകുട്ടി, അബുദാബി കേരള സോഷ്യൽ സെന്‍റർ ജനറൽ സെക്രട്ടറി ബിജിത് കുമാർ, ഇന്ത്യൻ ഇസ്ലാമിക് സെന്‍റർ ജനറൽ സെക്രട്ടറി ഉസ്മാൻ കരപ്പത്ത്, പ്രശസ്ത വോളിബാൾ താരം മൊയ്ദീൻ കുഞ്ഞി എന്നിവർ സംബന്ധിച്ചു.
അർജുന അവാർഡ് ജേതാവും മുൻ ദേശീയ വോളി ടീം ക്യാപ്റ്റനുമായ കപിൽ ദേവ്, കേരള സീനിയർ വോളി ടീം കോച്ച് അബ്ദുൾ നാസർ, മുൻ താരം മുഹമ്മദ് ജോഷി, ഒണ്‍ലി ഫ്രഷ് വോളി ടീം ഉടമ ശിവകുമാർ മേനോൻ, ബിഗ് മാർട്ട് വോളി ടീം ഉടമ ഖാസിം ഹംസ, പ്രൊ വോളി ടീം കാലിക്കറ്റ് ഹീറോസ് ഉടമ സഫീർ പി.ടി, ദേശീയ വോളി റഫറി കേദാർ ഭാട്യ, എന്നിവരെ ആദരിച്ചു. സേഫ് ലൈൻ മാനേജിങ് ഡയറക്റ്റർ അബൂബക്കർ, ലീമാക്സ് മാനേജിംഗ് ഡയറക്റ്റർ അബ്ദുൾ സമദ്, അബുദാബി മലയാളി സമാജം പ്രസിഡന്‍റ് ടി.എ. നാസർ എന്നിവർ വിജയികൾക്ക് സമ്മാനങ്ങൾ വിതരണം ചെയ്തു. ജയകുമാർ പെരിയ , സുരേഷ് കുമാർ, കെ.കെ.ശ്രീ പിലിക്കോട്, അബ്ദുൾ ഖാദർ, തരുണ്‍ ലീ ജോർജ്, രവീന്ദ്രൻ കളക്കര, വിനോദ് കുമാർ, ശ്രീയേശൻ വെള്ളാല, ഉമേഷ് കാഞ്ഞങ്ങാട്, സുനീഷ് കളക്കര, ശ്രീജിത്ത് എ.കെ., ഹരീഷ് വെള്ളാല, ബിജുരാം, ഉണ്ണി, പ്രശാന്ത് എന്നിവർ നേതൃത്വം നൽകി.
റിപ്പോർട്ട്: അനിൽ സി. ഇടിക്കുള