അബുദാബി: അബുദാബി മലയാളീ സമാജം യുഎഇ എക്സ്ചേഞ്ച് യുഎഇ ഓപ്പണ്‍ അത്ലറ്റിക് മീറ്റ് ഫോഴ്സ് ഓഫിസേഴ്സ് ക്ലബ് സ്റ്റേഡിയത്തിൽ യുഎഇ എക്സ്ചേഞ്ച് ഇവന്‍റ് ഹെഡ് മാനേജർ വിനോദ് നന്പ്യാർ ഉദ്ഘാടനം ചെയ്തു. അബുദാബി മലയാളീ സമാജം പ്രസിഡന്‍റ് ടി.എ നാസർ അധ്യക്ഷത വഹിച്ചു. സമാജം ജനറൽ സെക്രട്ടറി നിബു സാം ഫിലിപ്പ് , യുഎഇ എക്സ്ചേഞ്ച് ഏരിയ മാനേജർ മനോജ്, സമാജം കായിക വിഭാഗം സെക്രട്ടറി ശ്രീ. ഉമ്മർ നാലകത്ത് എന്നിവർ പ്രസംഗിച്ചു.
യുഎഇയിലെ വിവിധ എമിറേറ്റുകളിൽനിന്നുള്ള 300ൽ പരം സ്കൂൾ കുട്ടികളും വിവിധ തൊഴിൽ മേഖലകളിൽനിന്നുള്ള കായിക താരങ്ങളും സമാജം അംഗങ്ങളും അണിനിരന്ന് വർണാഭമായ മാർച്ച് പാസ്റ്റോടെ ഒൻപതിന് അത്ലറ്റിക് മീറ്റ് ആരംഭിച്ചു. 6 വയസിനു താഴെയുള്ള ആണ്‍ കുട്ടികൾക്കും പെണ്‍കുട്ടികൾക്കും പ്രത്യേകം പ്രത്യേകം മത്സരങ്ങളായിരുന്നു. കൂടാതെ 6 വയസ്സുമുതൽ 18 വയസുവരെയുള്ള കുട്ടികൾക്കും മത്സരം പ്രത്യേകമായിരുന്നു. ഫാമിലിക്കും 45 വയസിനു മുകളിലുള്ളവർക്കും മത്സരങ്ങൾ ഉണ്ടായിരിരുന്നു. മത്സരത്തിൽ വിജയിച്ചവർക്ക് സർട്ടിഫിക്കറ്റും, മെഡലും വിതരണം ചെയ്തു. മത്സരങ്ങൾക്ക് ജയരാജ്, പുന്നൂസ് ചാക്കോ, യേശുശീലൻ, വിജയരാഘവൻ, പള്ളിക്കൽ ഷുജാഹി, എ.എം. അൻസാർ, അഷ്റഫ് പട്ടാന്പി, അനിൽ കുമാർ എ.പി , അബ്ദുൽ കാദർ തിരുവത്ര, അഹദ് വെട്ടൂർ, സന്തോഷ് സി.പി , ബിജു വാരിയർ , ബാബു ഷാജിൻ, അജാസ്, ഷാജഹാൻ ഹൈദരലി, ഷാജി കുമാർ, സതീഷ് കൊല്ലം, അപർണ സന്തോഷ്, അനുപ ബാനർജി, നൗഷിദ ഫസൽ എന്നിവർ നേതൃത്വം നൽകി.
റിപ്പോർട്ട്: അനിൽ സി. ഇടിക്കുള