അബുദാബി : മലപ്പുറം ജില്ലാ കെഎംസിസി അബുദാബി ഡോം റൗദത്ത് സ്റ്റേഡിയത്തിൽ സംഘടിപ്പിച്ച ഒന്നാമത് എൽഎൽഎച്ച് മലബാർ സൂപ്പർ ലീഗ് സെവൻസ് ഫുട്ബോൾ ടൂർണമെന്‍റിൽ ചാലഞ്ചേഴ്സ് തിരൂരങ്ങാടി ജേതാക്കളായി.
മലപ്പുറം ജില്ലയിലെ പതിനാറ് ടീമുകൾ മണ്ഡലങ്ങളുടെ നേതൃത്വത്തിൽ യുഎഇയിലെ പ്രമുഖരായ കളിക്കാരെയാണ് ഗ്രൗണ്ടിൽ ഇറക്കിയത്. രാവിലെ 9ന് ആരംഭിച്ച ടൂർണമെന്‍റ് അബുദാബി സ്റ്റേറ്റ് കഐംസിസി പ്രസിഡന്‍റ് ഷുക്കൂർ അലി കല്ലിങ്ങൽ ടൂർണ്ണമെന്‍റ് ഉൽഘാടനം ചെയ്തു.
ഒന്നാം റണ്ണർ അപ്പ് സ്ഥാനത്ത് ന്ധവാഗണ്‍ വാരിയേഴ്സ് തിരൂരും രണ്ടാം റണ്ണർ ആപ്പ് ആയി ന്ധഗ്രീൻ ബോയ്സ് വേങ്ങരന്ധ യും ട്രോഫികൾക്ക് അർഹരായി.
മികച്ച കളിക്കാരൻ ടോപ് സ്കോറർ റോമിയോ (വാഗണ്‍ വാരിയേഴ്സ് തിരൂർ), മികച്ച പ്രോമിസിംഗ് പ്ലേയർ മെഹദി (ചലഞ്ചേഴ്സ് തിരൂരങ്ങാടി), മികച്ച ഗോൾ കീപ്പർ ഹാഷിം (തിരൂർ വാഗണ്‍ വാരിയേഴ്സ് ) മികച്ച ഡിഫെൻഡർ നവാസ് (തിരൂരങ്ങാടി) ആയും, സ്ട്രൈക്കേഴ്സ് മഞ്ചേരി നല്ല അച്ചടക്ക ടീമായും തെരഞ്ഞെടുത്തു.
എൽഎൽഎച്ച് ഹോസ്പിറ്റൽ കാർഡിയോളോജിസ്റ്റ് ഡോക്ടർ ജോസ് ജോണ് ജേതാക്കൾക്കുള്ള ട്രോഫികളും കാഷ് അവാർഡും നൽകി. സമ്മാനദാന ചടങ്ങിന് ജില്ലാ പ്രസിഡന്‍റ് ടി. ഹിദായത്തുള്ള, ടൂർണമെന്‍റ് ജനറൽ കണ്‍വീനർ റഫീഖ് പി ടി, സെക്രട്ടറി ഹംസക്കോയ, ട്രഷറർ ഹംസ ഹാജി, ഭാരവാഹികളായ അബ്ദുസലാം പുറത്തൂർ, അബ്ദുറഹ്മാൻ തങ്ങൾ, ഖാദർ ഒളവട്ടൂർ, കാദർ പൊന്നാനി, റഷീദ് മാറാക്കര, അബുഹാജി പകര, കുഞ്ഞിപ്പ മോങ്ങം, ഹുസൈൻ സി.കെ, ലത്തീഫ് ആതവനാട്, സഹീർ മൂന്നിയൂർ എന്നിവർ നേതൃത്വം നൽകി.
കെഎംസിസി സംസ്ഥാന പ്രസിഡന്‍റ് ഷുക്കൂർ അലി കല്ലിങ്ങൾ, സീനിയർ വൈസ് പ്രസിഡന്‍റ് അസീസ് കാളിയാടൻ, ഇന്ത്യൻ ഇസ്ലാമിക് സെന്‍റർ ഭാരവാഹികളായ അബ്ദുസലാം ടി.കെ, ഹംസ നടുവിൽ, അബുദാബി ഇൻകാസ് പ്രസിഡന്‍റ് ഗഫൂർ പൊന്നാനി, മുസ്തഫ കാച്ചടി , സംസ്ഥാന നേതാക്കളായ അഷറഫ് പൊന്നാനി, ഹംസഹാജി മാറാക്കര, റഷീദ് അലി മന്പാട്, അബു ഹാജി കളപ്പാട്ടിൽ എന്നിവർ ചേർന്ന് ട്രോഫികളും മെഡലുകളും വിതരണം നിർവഹിച്ചു.