23

ന്യൂ​ഡ​ൽ​ഹി: രാ​ജ്യ​ത​ല​സ്ഥാ​ന​ത്തു​ണ്ടാ​യ സ്ഫോ​ട​ന​ത്തി​ന് പി​ന്നാ​ലെ ഒ​രാ​ളെ ക​സ്റ്റ​ഡി​യി​ലെ​ടു​ത്ത​താ​യി റി​പ്പോ​ർ​ട്ട്. എ​ന്നാ​ൽ ഇ​ക്കാ​ര്യ​ത്തി​ൽ സ്ഥി​രീ​ക​ര​ണ​മി​ല്ല.

ലാ​ൽ​കി​ലാ മെ​ട്രോ സ്റ്റേ​ഷ​ന് സ​മീ​പ​മു​ണ്ടാ​യ​ത് ഐ​ഇ​ഡി സ്ഫോ​ട​ന​മാ​ണ് ന​ട​ന്ന​തെ​ന്നാ​ണ് സൂ​ച​ന. പ​തി​യെ വ​ന്ന വാ​ഹ​നം ട്രാ​ഫി​ക് സി​ഗ്ന​ലി​ൽ പൊ​ട്ടി​ത്തെ​റി​ക്കു​ക​യാ​യി​രു​ന്നു. എ​ൻ​ഐ​എ ഉ​ൾ​പ്പ​ടെ​യു​ള്ള എ​ല്ലാ ഏ​ജ​ൻ​സി​ക​ളും സ്ഥ​ല​ത്തെ​ത്തി​യി​ട്ടു​ണ്ട്.

അ​തേ​സ​മ​യം, സ്ഫോ​ട​ന​ത്തി​ന് പി​ന്നാ​ലെ ക​ണ്ട​ത് ര​ക്തം​മ​ര​വി​ക്കു​ന്ന കാ​ഴ്ച​ക​ളാ​ണെ​ന്ന് പ​റ​യു​ക​യാ​ണ് ദൃ​സാ​ക്ഷി​ക​ൾ. ശ​രീ​ര​ഭാ​ഗ​ങ്ങ​ൾ പ​റ​ന്ന് റോ​ഡി​ൽ വീ​ഴു​ന്ന​ത് ത​ന്‍റെ തൊ​ട്ടു​മു​ന്നി​ൽ ക​ണ്ട​താ​യി ഒ​രാ​ൾ വി​റ​യ​ലോ​ടെ പ​റ​ഞ്ഞു.

സ്ഫോ​ട​നം വ​ള​രെ ഉ​ച്ച​ത്തി​ലാ​യി​രു​ന്നു​വെ​ന്നും കു​റ​ച്ചു നേ​രം ത​ന്‍റെ ചെ​വി വേ​ദ​നി​ച്ചി​രു​ന്നു​വെ​ന്നും അ​ദ്ദേ​ഹം ഓ​ർ​മി​ച്ചു. "ഒ​രാ​ളു​ടെ ശ​രീ​രം ക​ഷ​ണ​ങ്ങ​ളാ​യി മു​റി​ഞ്ഞി​രു​ന്നു. റോ​ഡി​ൽ ഒ​രു കൈ ​ഞാ​ൻ ക​ണ്ടു. എ​നി​ക്ക് അ​ത് വാ​ക്കു​ക​ളി​ൽ വി​വ​രി​ക്കാ​ൻ ക​ഴി​യി​ല്ല. അ​ത് വ​ള​രെ ശ​ക്ത​മാ​യ ഒ​രു സ്ഫോ​ട​ന​മാ​യി​രു​ന്നു'. അ​ദ്ദേ​ഹം കൂ​ട്ടി​ച്ചേ​ർ​ത്തു.

സ്ഫോ​ട​ന​ത്തി​ന്‍റെ ആ​ഘാ​തം കാ​ര​ണം സ​മീ​പ​ത്തെ കെ​ട്ടി​ട​ങ്ങ​ളും ജ​ന​ൽ ചി​ല്ലു​ക​ളും വാ​തി​ലു​ക​ളും ത​ക​ർ​ന്ന​താ​യി മ​റ്റൊ​രു ദൃ​ക്‌​സാ​ക്ഷികൾ പ​റ​ഞ്ഞു.

"വ​ലി​യ തീ​ഗോ​ളം ഉ​യ​രു​ന്ന​ത് എ​ന്‍റെ വീ​ടി​ന്‍റെ ടെ​റ​സി​ൽ നി​ന്ന് ഞാ​ൻ ക​ണ്ടു, എ​ന്താ​ണ് സം​ഭ​വി​ച്ച​തെ​ന്ന് കാ​ണാ​ൻ ഞാ​ൻ താ​ഴേ​യ്ക്ക് ഓ​ടി വ​ന്നു. സ്ഫോ​ട​നം വ​ള​രെ ഉ​ച്ച​ത്തി​ലാ​യി​രു​ന്നു. എ‍​ന്‍റെ വീ​ട് ഗു​രു​ദ്വാ​ര​യ്ക്ക​ടു​ത്താ​ണ്'. ഒ​രു താ​മ​സ​ക്കാ​ര​ൻ പ​റ​ഞ്ഞു.

Tags : Delhi Blast Eyewitness Body Torn Into Pieces Hand Lying On Road police death iedBlast