ദിവസം 80 ടെസ്റ്റുകൾമാത്രം; ഒ​റ്റ​പ്പാ​ല​ത്ത് ഡ്രൈ​വി​ംഗ് ടെ​സ്റ്റു​ക​ൾ പ്ര​തി​സ​ന്ധി​യി​ൽ
Saturday, September 14, 2024 1:43 AM IST
ഒറ്റ​പ്പാ​ലം: ഒ​റ്റ​പ്പാ​ലം ജോയിന്‍റ് ​ആ​ർ​ടി​ഒ ഓ​ഫീ​സി​ൽ ഡ്രൈ​വിംഗ് ടെ​സ്റ്റി​നു​ള്ള അ​പേ​ക്ഷ​ക​ൾ കു​മി​ഞ്ഞുകൂ​ടി. മൂ​വാ​യി​ര​ത്തി​ലേ​റെ അ​പേ​ക്ഷ​ക​ളാ​ണ് ഓ​ഫീ​സി​ൽ കെ​ട്ടി​ക്കിട​ക്കു​ന്ന​ത്. ഡ്രൈ​വി​ംഗ് ടെ​സ്റ്റു​ക​ൾ സൂ​ക്ഷ്മ​മാ​യി മാ​റാ​നും ഗു​ണ​നി​ല​വാ​രം മെ​ച്ച​പ്പെ​ടു​ത്താ​നും ല​ക്ഷ്യ​മി​ട്ടു ഗ​താ​ഗ​തവ​കു​പ്പ് പു​റ​പ്പെ​ടു​വി​ച്ച സ​ർ​ക്കു​ല​റി​നു പി​ന്നാ​ലെ തു​ട​ങ്ങി​യ പ്ര​തി​സ​ന്ധി​യാ​ണി​ത്.

ഓ​രോ മോ​ട്ടോർ വെ​ഹി​ക്കി​ൾ ഇ​ൻ​സ്പെ​ക്ട​റും അ​സി​സ്റ്റ​ന്‍റ് മോ​ട്ടോർ വെ​ഹി​ക്കി​ൾ ഇ​ൻ​സ്പെ​ക്ട​റും ഉ​ൾ​പ്പെ​ട്ട സം​ഘം ദി​വ​സ​വും പ​ര​മാ​വ​ധി 40 ടെ​സ്റ്റു​ക​ളാ​ണു ന​ട​ത്തു​ന്ന​ത്. നി​ല​വി​ൽ ഒ​റ്റ​പ്പാ​ല​ത്ത് ഉ​ദ്യോ​ഗ​സ്ഥ​രെ 2 ബാ​ച്ചു​ക​ളാ​ക്കി തി​രി​ച്ചു പ്ര​തി​ദി​നം 80 ടെ​സ്റ്റു​ക​ൾ ന​ട​ത്തു​ന്നു​ണ്ടെ​ങ്കി​ലും പ്ര​തി​സ​ന്ധി മ​റി​ക​ട​ക്കാ​നാ​കാ​ത്ത സാ​ഹ​ച​ര്യ​മാ​ണ്. സ​ർ​ക്കു​ല​ർ പു​റ​ത്തി​റ​ങ്ങും മു​മ്പ് പ്ര​തി​ദി​നം 120 ടെ​സ്റ്റു​ക​ളാ​ണ് ഒ​റ്റ​പ്പാ​ല​ത്തു ന​ട​ന്നി​രു​ന്ന​ത്. ഇ​ക്കാ​ല​ത്ത് ഒ​രു​പ​രി​ധി​വ​രെ അ​പേ​ക്ഷ​ക​ൾ സ​മ​യ​ബ​ന്ധി​ത​മാ​യി തീ​ർ​പ്പാ​ക്കാ​ൻ ക​ഴി​ഞ്ഞി​രു​ന്നു.​ ഇ​പ്പോ​ൾ എ​ട്ട് മാ​സ​ത്തോ​ള​മാ​യി ടെ​സ്റ്റി​ന് അ​വ​സ​രം കാ​ത്തു ക​ഴി​യു​ന്ന​വ​ർ ഉ​ൾ​പ്പെ​ടെ കൂ​ട്ട​ത്തി​ലു​ണ്ട്.

ജോ​ലി​ക്കായി ഇ​ത​ര സം​സ്ഥാ​ന​ങ്ങ​ളി​ലേ​ക്കും വി​ദേ​ശ രാ​ജ്യ​ങ്ങ​ളി​ലേ​ക്കും പോ​കേ​ണ്ട​വ​ർ പോ​ലും ടെ​സ്റ്റ് പൂ​ർ​ത്തി​യാ​ക്കാ​നും ലൈ​സ​ൻ​സ് ല​ഭി​ക്കാ​നു​മു​ള്ള കാ​ത്തി​രി​പ്പി​ലാ​ണ്. തി​ങ്ക​ൾ, ചൊ​വ്വ, വ്യാ​ഴം, വെ​ള്ളി ദി​വ​സ​ങ്ങ​ളി​ൽ പാ​ല​പ്പു​റം ചി​ന​ക്ക​ത്തൂ​ർ​ക്കാ​വ് മൈ​താ​നി​യി​ലാ​ണു ടെ​സ്റ്റു​ക​ൾ ന​ട​ക്കു​ന്ന​ത്. എ​ൻ​ഫോ​ഴ്സ്മെ​ന്‍റ് സ്ക്വാ​ഡി​ൽ നി​ന്നു​ള്ള ഉ​ദ്യോ​ഗ​സ്ഥ​രെക്കൂടി താ​ത്കാ​ലി​ക​മാ​യി നി​യോ​ഗി​ച്ചി​ട്ടും പ്ര​തി​സ​ന്ധി മ​റി​​ക​ട​ക്കാ​നാ​കു​ന്നി​ല്ല. വാ​ഹ​ന​ങ്ങ​ളു​ടെ ഫി​റ്റ്ന​സ് ‌‌ടെ​സ്റ്റ് ഉ​ള്ള ദി​വ​സ​ങ്ങ​ളി​ൽ ഒ​രു എം​വി​ഐ​യെ​യും എ​എം​വി​ഐ​യെ​യും നി​യോ​ഗി​ക്കു​ന്ന​തോ​ടെ ഡ്രൈ​വി​ംഗ് ടെ​സ്റ്റ് 80ൽ ​നി​ന്നു 40 ആ​യി കു​റ​യു​ന്ന സാ​ഹ​ച​ര്യം ഒ​ഴി​വാ​ക്കാ​നാ​ണു ബ​ദ​ൽസം​വി​ധാ​നം.


ഊ​ഴംകാ​ത്തു ക​ഴി​യു​ന്ന​വ​രു​ടെ എ​ണ്ണം വ​ർ​ധി​ച്ച​തോ​ടെ​യാ​ണ് പാ​ല​ക്കാ​ട്ടെ സ്ക്വാ​ഡി​ൽനി​ന്നു​ള്ള ഉ​ദ്യോ​ഗ​സ്ഥ​രെക്കൂടി ഡ്യൂ​ട്ടി​ക്കു പ്ര​യോ​ജ​ന​പ്പെ​ടു​ത്തു​ന്ന​ത്. അ​തേ​സ​മ​യം, ടെ​സ്റ്റ് ന​ട​ത്തു​ന്ന ഡ്രൈ​വിം​ഗ് സ്കൂ​ള​ധി​കൃ​ത​രും ടെ​സ്റ്റി​നു കാ​ത്തി​രി​ക്കു​ന്ന​വ​രും ത​മ്മി​ൽ ക​ശ​പി​ശ​ക​ൾ ഉ​ണ്ടാ​കു​ന്ന​തും പ​തി​വാ​യിത്തീ​ർ​ന്നി​രി​ക്കുക​യാ​ണ്. ടെ​സ്റ്റു​ക​ൾ​ക്ക് അ​വ​സ​രം ല​ഭി​ക്കാ​ത്ത​താ​ണ് പ്ര​ശ്ന​ത്തി​നു കാ​ര​ണം.