നെ​ന്മാ​റ: കാ​ടു​കയറാ​തെ ഒ​റ്റ​യാ​ൻ കൃ​ഷി​യി​ട​ങ്ങ​ളി​ലും വീ​ട്ടു​വ​ള​പ്പു​ക​ളി​ലും വ്യാ​പ​ക നാ​ശം വ​രു​ത്തു​ന്ന​തി​ൽ വ​നം ജീ​വ​ന​ക്കാ​രും വാ​ച്ച​ർ​മാ​രും വ​ല​യു​ന്നു. ഇന്നലെ പു​ല​ർ​ച്ചെ ര​ണ്ടുമ​ണി​യോ​ടെ​യാ​ണ് ഒ​ലി​പ്പാ​റ, ഓ​വുപാ​റ​യി​ൽ ഒ​റ്റ​യാ​ൻ എ​ത്തി​യ​ത്. ക​നാ​ൽ ബ​ണ്ടി​ന് അ​രി​കി​ലാ​യി നി​ന്നി​രു​ന്ന തെ​ങ്ങ് ത​ള്ളി​യി​ട്ടു തേ​ങ്ങ തി​ന്ന് ഏ​റെ​നേ​രം റോ​ഡി​ൽ നി​ന്നു. തൊ​ട്ട​ടു​ത്ത ലീ​ലാ​മ്മ വ​ർ​ഗീ​സ് ഓ​ണാ​യി​ക്ക​ര, ബേ​ബി എ​ന്നി​വ​രു​ടെ കൃ​ഷി​യി​ട​ങ്ങ​ളി​ൽ എ​ത്തി ഇ​രു​പ​തോ​ളം വാ​ഴ​ക​ളും റ​ബർ​തൈ​ക​ളും ന​ശി​പ്പി​ച്ചു.

ശ​ബ്ദംകേ​ട്ട് സ​മീ​പ​ത്തെ വീ​ട്ടു​കാ​ർ ഉ​ണ​ർ​ന്ന് ടോ​ർ​ച്ച് വെ​ളി​ച്ച​ത്തി​ലാ​ണ് കാ​ട്ടാ​ന​യെ വീ​ട്ടു​വ​ള​പ്പി​ൽ നി​ൽ​ക്കു​ന്ന​ത് ക​ണ്ട​ത്. ഭ​യ​ച​കി​ത​രാ​യ ലീ​ലാ​മ്മ​യു​ടെ വീ​ട്ടു​കാ​രും നാ​യ​ക​ളും ഒ​ച്ചവ​ച്ചി​ട്ടും ഒ​റ്റ​യാ​ൻ തി​രി​കെ പോ​യി​ല്ല. ഫോ​ണി​ൽ അ​യ​ൽ​ക്കാ​രെ​യും മ​റ്റും വി​ളി​ച്ചെ​ങ്കി​ലും രാ​ത്രി​യി​ൽ ഒ​റ്റ​യാ​നാ​ണോ കൂ​ട്ട​മാ​ണോ എ​ന്ന​റി​യാ​ത്ത​തി​നാ​ൽ ആ​ർ​ക്കും പു​റ​ത്തി​റ​ങ്ങാ​ൻ ക​ഴി​ഞ്ഞി​ല്ല. തു​ട​ർ​ന്ന് വ​നം വാ​ച്ച​റെ വി​വ​ര​മ​റി​യി​ച്ച് വാ​ച്ച​ർ റ​ഷീ​ദ് പ​ട​ക്ക​വു​മാ​യി എ​ത്തി​യാ​ണ് കാ​ട്ടാ​ന​യെ ഒ​രു മ​ണി​ക്കൂ​റി​നു ശേ​ഷം കൃ​ഷി​യി​ട​ത്തി​ൽ നി​ന്നും തു​ര​ത്തി വി​ടാ​നാ​യ​ത്. നെ​ന്മാ​റ വ​നം ഡി​വി​ഷ​നി​ലെ തി​രു​വ​ഴി​യാ​ട് വ​നം സെ​ക്ഷ​ൻ ഓ​ഫീ​സി​ൽ വി​വ​ര​മ​റി​യി​ച്ച​തി​നെ തു​ട​ർ​ന്ന് വ​ന​പാ​ല​ക സം​ഘം രാ​വി​ലെ സ്ഥ​ല​ത്തെ​ത്തി നാ​ശ​ന​ഷ്ട​ങ്ങ​ൾ പ​രി​ശോ​ധി​ച്ചു.

ക​ഴി​ഞ്ഞ​യാ​ഴ്ച ഉ​ണ്ടാ​യ ഉ​രു​ൾ​പൊ​ട്ട​ലി​ലും ക​ന​ത്ത മ​ഴ​യി​ലും പ്ര​ദേ​ശ​ത്തെ വൈ​ദ്യു​ത വേ​ലി പ്ര​വ​ർ​ത്ത​ന​ര​ഹി​ത​മാ​ണ്. വ​നം വാ​ച്ച​ർമാ​രു​ടെ നേ​തൃ​ത്വ​ത്തി​ൽ വൈ​ദ്യു​ത​വേ​ലി ഭാ​ഗി​ക​മാ​യി പു​ന​ഃസ്ഥാ​പി​ക്കാ​നു​ള്ള ശ്ര​മ​ത്തി​ലാ​ണ്. ക​ഴി​ഞ്ഞ ര​ണ്ടാ​ഴ്ച​യോ​ള​മാ​യി ഈ ​ഒ​റ്റ​യാ​ൻ നേ​ർ​ച്ച​പ്പാ​റ, ഒ​ലി​പ്പാ​റ, പൂ​ഞ്ചേ​രി, ക​ൽ​ച്ചാ​ടി, ച​ള്ള തു​ട​ങ്ങി​യ പ്ര​ദേ​ശ​ങ്ങ​ളി​ൽ മാ​റി​മാ​റി കൃ​ഷി​യി​ട​ത്തി​ൽ വ​രാ​റു​ണ്ട്. ക​ഴി​ഞ്ഞ​യാ​ഴ്ച വ​ണ്ടാ​ഴി പ​ഞ്ചാ​യ​ത്തി​ലെ നേ​ർ​ച്ച​പ്പാ​റ​യി​ലാ​ണ് ഒ​റ്റ​യാ​ൻ തു​ട​ർ​ച്ച​യാ​യി ര​ണ്ടു​ദി​വ​സം കൃ​ഷി​യി​ട​ത്തി​ൽ എ​ത്തി​യ​ത്. അ​വി​ടെ നി​ന്ന് തു​ര​ത്തി​യ കാ​ട്ടാ​ന​യാ​ണ് കി​ലോ​മീ​റ്റ​റു​ക​ൾ മാ​റി അ​യി​ലൂ​ർ പ​ഞ്ചാ​യ​ത്തി​ലെ കൃ​ഷി​യി​ട​ങ്ങ​ളി​ൽ എ​ത്തു​ന്ന​തെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

മേ​ഖ​ല​യി​ൽ ഉ​ണ്ടാ​യി​രു​ന്ന മ​റ്റൊ​രു കൂ​ട്ടം കാ​ട്ടാ​ന​ക​ളെ​യും ക​ഴി​ഞ്ഞ​ദി​വ​സം വ​ന​പാ​ല​ക​ർ ഉ​ൾ​ക്കാ​ട്ടി​ലേ​ക്ക് തു​ര​ത്തിയിരു​ന്നു. കൂ​ട്ട​ത്തോ​ടെ ന​ട​ക്കു​ന്ന കാ​ട്ടാ​ന​ക​ൾ ഉ​ൾ​ക്കാ​ട്ടി​ലേ​ക്ക് പോ​കു​ന്നു​ണ്ടെ​ങ്കി​ലും കൂ​ട്ടം​തെ​റ്റി ന​ട​ക്കു​ന്ന ഒ​റ്റ​യാ​ൻ തു​ട​ർ​ച്ച​യാ​യി കൃ​ഷി​യി​ട​ങ്ങ​ളി​ൽ ഇ​റ​ങ്ങു​കയാണ്.

വൈ​ദ്യു​ത വേ​ലി അ​തി​വി​ദ​ഗ്ധ​മാ​യി ഒ​റ്റ​യാ​ൻ പ​ല​യി​ട​ങ്ങ​ളി​ലും മ​ര​ങ്ങ​ൾ ത​ള്ളി​യി​ട്ട് ന​ശി​പ്പി​ക്കു​ന്ന​ത് പ​തി​വാ​ണെ​ന്ന് വാ​ച്ച​ർ​മാ​രും പ​റ​യു​ന്നു. അ​യി​ലൂ​ർ, വ​ണ്ടാ​ഴി പ​ഞ്ചാ​യ​ത്തു​ക​ളി​ലെ മ​ല​യോ​ര​മേ​ഖ​ല​ക​ളി​ൽ സ്ഥി​ര​മാ​യി കാ​ണു​ന്ന ഒ​റ്റ​യാ​നെ പ്ര​ദേ​ശ​ത്തു​നി​ന്ന് മ​യ​ക്കു​വെ​ടി വ​ച്ച് നീ​ക്ക​ണ​മെ​ന്നാ​ണ് നാ​ട്ടു​കാ​രുടെ ആ​വ​ശ്യം.