ചോർന്നൊലിക്കുന്ന വി​ല്ലേ​ജ് ഓ​ഫീ​സ് കെ​ട്ടി​ടത്തിനു പരിഹാരം എപ്പോൾ?
Sunday, May 26, 2024 7:38 AM IST
ചി​റ്റൂ​ർ: മഴയിൽ മേ​ൽ​ക്കൂ​ര ന​ശി​ച്ച് ചോ​ർ​ന്നൊ​ലി​ച്ച് ഫ​യ​ലു​ക​ൾ​ക്ക് സം​ര​ക്ഷ​ണ​മി​ല്ലാ​ത്ത ചി​റ്റൂ​ർ വി​ല്ലേ​ജ് ഓ​ഫീ​സ് കെ​ട്ടി​ടം ഉ​ട​ൻ ന​വീ​ക​രി​ക്ക​ണ​മെ​ന്ന് പൊ​തു​ജ​ന​ങ്ങ​ൾ.ആ​റു​മാ​സം മു​ൻ​പാ​ണ് സ്ഥ​ലം എം​എ​ൽ​എ​യും മ​ന്ത്രി​യു​മാ​യ കെ.​കൃ​ഷ്ണ​ൻ കു​ട്ടി​യു​ടെ ഇ​ട​പെ​ട​ലി​നെ തു​ട​ർ​ന്ന് കെ​ട്ടി​ട നി​ർ​മാ​ണ​ത്തി​ന് 50 ല​ക്ഷം അ​നു​വ​ദി​ച്ച​ത്.

ഇ​തി​നു​ശേ​ഷം നി​ർ​മി​തി കേ​ന്ദ്രം ജീ​വ​ന​ക്കാ​രെ​ത്തി പ്രാ​ഥ​മി​ക ന​ട​പ​ടി​ക​ൾ സ്വീ​ക​രി​ച്ചി​രു​ന്നു. 80 വ​ർ​ഷ​ത്തി​നു മു​ന്പ് നി​ർ​മി​ച്ച കെ​ട്ടി​ട​ത്തി​ന്‍റെ മേ​ൽ​ക്കൂ​ര​യും ഭി​ത്തി​ക​ൾ​ക്കും ബ​ല​ക്ഷ​യ​മു​ണ്ടാ​യി​രി​ക്കു​ക​യാ​ണ്. വി​ല്ലേ​ജ് ഓ​ഫീ​സി​ൽ ജീ​വ​ന​ക്കാ​ർ ജോ​ലി ചെ​യ്യു​ന്ന​തും അ​പ​ക​ട ഭീ​ഷ​ണി​യി​ലാ​ണ്.
വി​വി​ധ ആ​വ​ശ്യ​ങ്ങ​ൾ​ക്കാ​യി ഓ​ഫീ​സി​ലെ​ത്തു​ന്ന​വ​ർ​ക്കും സു​ര​ക്ഷി​ത​മ​ല്ലാ​താ​യി​രി​ക്കു​ക​യാ​ണ്.
ഈ ​കെ​ട്ടി​ട​ത്തി​നു സ​മീ​പ​ത്താ​യി നി​ർ​മി​ച്ച കെ​ട്ടി​ട​വും ഉ​പ​യോ​ഗപ്രദമ​ല്ലാ​ത്ത അ​വ​സ്ഥ​യി​ലാ​ണു​ള്ള​ത്. ഏ​ക​ദേ​ശം 70 വ​ർ​ഷം മു​ന്പ് ഈ ​കെ​ട്ടി​ട​ത്തി​ൽ പ്ര​വ​ർ​ത്തി​ച്ചി​രു​ന്ന പ​ള്ളി​ക്കൂ​ടം അ​ണി​ക്കോ​ട്ടി​ലേ​ക്ക് മാ​റ്റി​യ​ശേ​ഷ​മാ​ണ് ഇ​വി​ടെ വി​ല്ലേ​ജ് ഓ​ഫി​സ് പ്ര​വ​ർ​ത്ത​നം ആ​രം​ഭി​ച്ച​ത്. വി​ല്ലേ​ജ് ഓ​ഫീ​സി​ന് വേ​ണ്ട​താ​യ സൗ​ക​ര്യ​ങ്ങ​ൾ ഒ​ന്നും ത​ന്നെ ഇ​ല്ല. ഫ​യ​ലു​ക​ൾ മേ​ശ​പ്പു​റ​ത്താ​ണ് നി​ര​ത്തി​വെ​ച്ചി​രി​ക്കു​ന്ന​ത്.


ഈ ​കെ​ട്ടി​ട​ത്തി​ന്‍റെ പ​ഴ​യ കാ​ല പ്ര​ഭാ​വം നി​ല​നി​ർ​ത്തി​ക്കൊ​ണ്ട് ത​ന്നെ പു​തി​യ കെ​ട്ടി​ടം നി​ർ​മാ​ണം ന​ട​ത്ത​ണ​മെ​ന്നാ​വ​ശ്യ​വും ഉ​യ​ർ​ന്നി​ട്ടു​ണ്ട്. എ​ന്നാ​ൽ ടൗ​ൺ മ​ധ്യ​ഭാ​ഗം ചി​റ്റൂ​ർ കാ​വി​ന​ടു​ത്തു​ള്ള വി​ല്ലേ​ജ് ഓ​ഫീസു​ള്ള സ്ഥ​ല​ത്ത് കെ​ട്ടി​ട സ​മു​ച്ച​യം പ​ണി​യ​ണ​മെ​ന്ന ജ​ന​കീ​യാ​വ​ശ്യ​വും ഉ​യ​രു​ന്നു​ണ്ട്. ഇ​ത്ത​വ​ണ കാ​ല​വ​ർ​ഷം അ​തി​ശ​ക്ത​മാ​വു​മെ​ന്ന് കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം മു​ന്ന​റി​യി​പ്പ് ന​ൽ​ക​യി​ട്ടു​ണ്ട്.

ക​ന​ത്ത മ​ഴ​യേ​യോ കാ​റ്റി​നേ​യോ പ്ര​തി​രോ​ധി​ക്കാ​ൻ കെ​ട്ടി​ട​ത്തി​നു ക​ഴി​യി​ല്ലെ​ന്ന​ത് ആ​ശ​ങ്ക​കൂ​ട്ടു​ന്നു​മു​ണ്ട്. വി​ല്ലേ​ജ് ഓ​ഫീ​സ് രേ​ഖ​ക​ൾ​ക്കും ജീ​വ​ന​ക്കാ​ർ​ക്കും സം​ര​ക്ഷ​ണം ല​ഭി​ക്കും വി​ധം മ​റ്റൊ​രു കെ​ട്ടി​ടം ക​ണ്ടെ​ത്തു​ക​യും കെ​ട്ടി​ട നി​ർ​മാ​ണം പൂ​ർ​ത്തി​യാ​ശേ​ഷം പു​ന​സ്ഥാ​പി​ക്ക​ണ​മെ​ന്ന​തും സ​ന്ദ​ർ​ഭോ​ജി​ത ന​ട​പ​ടി​യാ​യി​രി​ക്കു​ക​യാ​ണ്.

Copyright @ 2022 , Rashtra Deepika Ltd.