പാ​ല​ക്കാ​ട്: കേ​ര​ള​ത്തി​ന്‍റെ മാം​ഗോ സി​റ്റി​യാ​യ കൊ​ല്ല​ങ്കോ​ട്ടെ മു​ത​ല​മ​ട ക​ട​ന്നു​പോ​യ​തു മു​ന്പൊ​രി​ക്ക​ലും ദ​ർ​ശി​ക്കാ​ത്ത തീ​രാ​ദു​രി​ത​ത്തി​ലൂ​ടെ. ഇ​നി​യൊ​രി​ക്ക​ലും ഇ​ത്ത​രം അ​നു​ഭ​വ​മു​ണ്ടാ​ക​രു​തേ എ​ന്നാ​ണ് മാ​ങ്ങാ​ക​ർ​ഷ​ക​രു​ടെ പ്രാ​ർ​ഥ​ന.

സീ​സ​ൺ അ​വ​സാ​നി​ക്കു​ന്പോ​ൾ മാം​ഗോ സി​റ്റി​ക്കാ​രു​ടെ ക​ണ​ക്കു​ക​ൾ ഭീ​തി​പ്പെ​ടു​ത്തു​ന്ന​താ​ണ്. ഇ​ത്ത​വ​ണ മു​ത​ല​മ​ട​യി​ൽ പ​ത്തു ശ​ത​മാ​ന​ത്തി​ൽ മാ​ത്ര​മാ​യി​രു​ന്നു മാ​ങ്ങ ഉ​ത്പാ​ദ​നം.

വി​ള​വു കു​റ​ഞ്ഞ​തോ​ടെ മാം​ഗോ സി​റ്റി​ക്കു ന​ഷ്ടം 500 കോ​ടി​യി​ലേ​റെ. രാ​ജ്യാ​ന്ത​ര വി​പ​ണി​യി​ലും ഡ​ൽ​ഹി വി​പ​ണി​യി​ലും ഉ​യ​ർ​ന്ന വി​ല ല​ഭി​ക്കു​ന്ന സ​മ​യ​ത്തെ ഉ​ൽ​പാ​ദ​ന​ക്കു​റ​വാ​ണു വ​ൻ​ന​ഷ്ട​ത്തി​ലേ​ക്കു ക​ർ​ഷ​ക​രെ​യും വ്യാ​പാ​രി​ക​ളെ​യും ത​ള്ളി​വി​ട്ട​ത്.

ല​ക്ഷ​ങ്ങ​ൾ മു​ട​ക്കി തോ​ട്ടം പാ​ട്ട​ത്തി​നെ​ടു​ത്ത വ്യാ​പാ​രി​ക​ൾ​ക്കു മു​ട​ക്കു മു​ത​ൽ പോ​ലും തി​രി​ച്ചു കി​ട്ടി​യി​ല്ല.

‌ ഏ​റ്റ​വും കൂ​ടു​ത​ൽ മാ​ങ്ങ വി​പ​ണി​യി​ലെ​ത്തു​ന്ന മാ​ർ​ച്ചി​ൽ പോ​ലും തോ​ട്ട​ങ്ങ​ളി​ൽ 10 ശ​ത​മാ​ന​ത്തി​ന​ടു​ത്തു മാ​ത്ര​മാ​ണു മാ​ങ്ങ​യു​ണ്ടാ​യി​രു​ന്ന​ത്.

മു​ൻ​വ​ർ​ഷ​ങ്ങ​ളി​ൽ പ്ര​തി​ദി​നം ശ​രാ​ശ​രി 100- 150 ട​ൺ മാ​ങ്ങ ഉ​ത്ത​രേ​ന്ത്യ​ൻ വി​പ​ണി​ക​ളി​ലേ​ക്ക് അ​യ​ച്ചി​രു​ന്നു. എ​ന്നാ​ൽ, ഇ​ത്ത​വ​ണ 10 ട​ൺ മാ​ങ്ങ പോ​ലും ല​ഭി​ക്കാ​ത്ത സ്ഥി​തി​യു​ണ്ടാ​യി.

സീ​സ​ൺ ആ​രം​ഭി​ക്കു​ന്ന ജ​നു​വ​രി, ഫെ​ബ്രു​വ​രി മാ​സ​ങ്ങ​ളി​ൽ മു​ൻ വ​ർ​ഷ​ങ്ങ​ളു​മാ​യി താ​ര​ത​മ്യം ചെ​യ്യു​മ്പോ​ൾ അ​ഞ്ചു ശ​ത​മാ​നം മാ​ങ്ങ പോ​ലും ല​ഭി​ച്ചി​ല്ല.

മു​ത​ല​മ​ട​യി​ലെ ചി​ല മാ​ന്തോ​പ്പു​ക​ൾ ഇ​ത്ത​വ​ണ ഒ​രു ത​വ​ണ പോ​ലും പൂ​വി​ട്ടി​ല്ല.
മൂ​ന്നു ത​വ​ണ മാ​വു​ക​ൾ പൂ​വി​ട്ട​തു കൊ​ഴി​ഞ്ഞു പോ​യ തോ​ട്ട​ങ്ങ​ളു​ണ്ട്.

ന​ല്ല രീ​തി​യി​ൽ ഉ​ത്പാ​ദ​നം ന​ട​ക്കു​ന്ന സ​മ​യ​ത്തു മു​ത​ല​മ​ട കേ​ന്ദ്രീ​ക​രി​ച്ചു മാ​ത്രം 600 കോ​ടി​യോ​ളം രൂ​പ​യു​ടെ വി​റ്റു​വ​ര​വു പ​തി​വാ​ണ്.

ഇ​ത്ത​വ​ണ 100 കോ​ടി രൂ​പ പോ​ലും എ​ത്തി​യി​ട്ടി​ല്ലെ​ന്നു വ്യാ​പാ​രി​ക​ളും ക​ർ​ഷ​ക​രും പ​റ​യു​ന്നു. പ​ഞ്ചാ​യ​ത്തു​മാ​യി ബ​ന്ധ​പ്പെ​ട്ടു 6,000 ഹെ​ക്ട​റോ​ളം സ്ഥ​ല​ത്തു മാ​വു​കൃ​ഷി ചെ​യ്യു​ന്ന ര​ണ്ടാ​യി​ര​ത്തോ​ളം ക​ർ​ഷ​ക​രു​ണ്ട്.

സീ​സ​ണി​ൽ മാ​ങ്ങ ത​രം തി​രി​ച്ചു ക​യ​റ്റു​മ​തി​ക്കാ​യി ക്ര​മീ​ക​രി​ക്കു​ന്ന ഇ​രു​ന്നൂ​റ്റ​ൻ​പ​തോ​ളം സം​ഭ​ര​ണ​കേ​ന്ദ്ര​ങ്ങ​ൾ പ്ര​വ​ർ​ത്തി​ക്കാ​റു​ണ്ട്.

ഇ​തി​ൽ 10–15 കോ​ടി​യി​ല​ധി​കം വി​റ്റു​വ​ര​വു​ണ്ടാ​ക്കു​ന്ന ഇ​രു​പ​ത്ത​ഞ്ചി​ല​ധി​കം സം​ഭ​ര​ണ​കേ​ന്ദ്ര​ങ്ങ​ളു​ണ്ടാ​യി​രു​ന്നു. എ​ല്ലാ​വ​ർ​ക്കും ന​ഷ്ട​ക്ക​ണ​ക്ക് സ​മ്മാ​നി​ച്ചാ​ണ് മാം​ഗോ സി​റ്റി​യി​ലെ മാ​ങ്ങാ സീ​സ​ൺ ക​ട​ന്നു​പോ​കു​ന്ന​ത്.