കണ്ണാകും കരുണ; വൈറലായി പുതുനഗരം സ്കൂൾ വിദ്യാർഥികൾ
Wednesday, February 28, 2024 12:32 AM IST
പു​തു​ന​ഗ​രം: ക​ണ്ണു​ള്ള​വ​ർ കാ​ണ​ണം വി​ദ്യാ​ര്‌​ഥി​ക​ളു​ടെ ഈ ​സ​ഹാ​യ​ഹ​സ്തം. കാ​ഴ്ച​യി​ല്ലാ​ത്ത വ​യോ​ധി​ക​യ്ക്കു ഉ​ൾ​ക്കാ​ഴ്ച​യാ​യി മാ​റി​യ പു​തു​ന​ഗ​രം മു​സ്ലിം സ്കൂ​ൾ വി​ദ്യാ​ർ​ഥി​ക​ളാ​ണ് സോ​ഷ്യ​ൽ മീ​ഡി​യ​യി​ൽ വൈ​റ​ലാ​കു​ന്ന​ത്.

വാ​ഹ​ന തി​ര​ക്കേ​റി​യ പു​തു​ന​ഗ​രം നാ​ൽ​ക്ക​വ​ല​യി​ൽ റോ​ഡി​ന്‍റെ മ​റു​വ​ശം എ​ത്താ​ൻ ക​ഴി​യാ​തെ നി​ൽ​ക്കു​ക​യ​യാ​യി​രു​ന്ന അ​ന്ധ​വൃ​ദ്ധ​യെ കൈ​പി​ടി​ച്ച് സു​ര​ക്ഷി​ത​മാ​യി എ​ത്തി​ച്ചാ​ണ് വി​ദ്യാ​ര്‌​ഥി​ക​ൾ മാ​തൃ​ക കാ​ട്ടി​യ​ത്.

ആ​റാം ക്ലാ​സു​കാ​രാ​യ അ​ൽ​ഫ​ഹ​ദ്, അ​ൽ അ​ർ​ഫാ​ദ്, മു​ഹ​മ്മ​ദ്ഫൈ​ജാ​സ് എ​ന്നി​വ​രാ​ണ് സ്കൂ​ളി​ലും നാ​ട്ടി​ലും മി​ന്നും താ​ര​ങ്ങ​ളാ​യ​ത്.

ഇ​ക്ക​ഴി​ഞ്ഞ ദി​വ​സം ഉ​ച്ച​യ്ക്ക് പു​തു​ന​ഗ​രം ടൗ​ണി​ലാ​യി​രു​ന്നു സം​ഭ​വം.
പാ​ക്കോ​ട് റോ​ഡി​ൽ നി​ന്നും കൊ​ല്ല​ങ്കോ​ടു പാ​ത​യി​ലേ​ക്കാ​ണ് പോ​വാ​നാ​ണ് വ​യോ​ധി​ക വ​ന്ന​ത്. വാ​ഹ​ന​ങ്ങ​ളു​ടെ പെ​രു​പ്പ​വും ശ​ബ്ദ​വും ഹോ​ൺ മു​ഴ​ക്ക​വും കാ​ര​ണം വൃ​ദ്ധ​യ്ക്കു റോ​ഡ് മു​റി​ച്ചു ക​ട​ക്കാ​ൻ ക​ഴി​യാ​തെ ഏ​റെ​നേ​രം വെ​യി​ല​ത്ത് റോ​ഡി​ൽ നി​ൽ​ക്കേ​ണ്ട​താ​യി വ​ന്നു. ഈ ​സ​മ​യ​ത്താ​ണ് മൂ​ന്നു വി​ദ്യാ​ർ​ഥി​ക​ളും സ​ഹാ​യ​മാ​യെ​ത്തി​യ​ത്.


പി​ന്നീ​ട് സ​മീ​പ​ത്തു ത​ന്നെ​യു​ള്ള ഒ​രു ഹോ​ട്ട​ലി​ലെ​ത്തി​ച്ചു ഭ​ക്ഷ​ണ​വും വാ​ങ്ങി​ച്ചു ന​ൽ​കി.
വി​ദ്യാ​ർ​ഥി​ക​ളാ​യ മൂ​വ​രും കൈ​യി​ലു​ണ്ടാ​യി​രു​ന്ന പ​ണം സ​മാ​ഹ​രി​ച്ച് ഹോ​ട്ട​ലു​ട​മ​യ്ക്ക് ന​ൽ​കാ​ൻ ത​യാ​റാ​യ​പ്പോ​ൾ മ​റ്റൊ​രു മ​ഹാ​മ​ന​സ്ക​ൻ പ​ണം താ​ൻ ന​ൽ​കാ​മെ​ന്നു പ​റ​ഞ്ഞു.
മാ​ത്ര​മ​ല്ല, വി​ദ്യാ​ർ​ഥി​ക​ളെ പ​രി​സ​ര​ത്തു​ള്ള​വ​രെ​ല്ലാം അ​നു​മോ​ദി​ക്കു​ക​യും ചെ​യ്തു.

ഈ ​സം​ഭ​വ​മെ​ല്ലാം സ്ഥ​ല​ത്തെ ഒ​രു ഫോ​ട്ടോ​ഗ്രാ​ഫ​ർ പ​ക​ർ​ത്തി സോ​ഷ്യ​ല്‌ മീ​ഡി​യ​യി​ൽ പോ​സ്റ്റു ചെ​യ്യു​ക​യാ​യി​രു​ന്നു. ഇ​താ​ണ് പി​ന്നീ​ട് വൈ​റ​ലാ​യ​ത്.

സ്കൂ​ളി​ൽ പി​ന്നീ​ട് വി​ദ്യാ​ർ​ഥി​ക​ളെ പ്ര​ധാ​നാ​ധ്യാ​പി​ക എ​സ്.​എ. ബീ​ഗ​ത്തി​ന്‍റെ നേ​തൃ​ത്വ​ത്തി​ൽ അ​നു​മോ​ദി​ക്കു​ക​യും ചെ​യ്തു.

മൂ​ന്നു വി​ദ്യാ​ർ​ഥി​ക​ൾ​ക്കും അ​ടു​ത്ത വ​ർ​ഷ​ത്തെ പാ​ഠ​പു​സ്ത​ക​ങ്ങ​ൾ വാ​ങ്ങി​ന​ൽ​കു​മെ​ന്നും അ​ധ്യാ​പ​ക​ർ പ​റ​ഞ്ഞു.

Copyright @ 2022 , Rashtra Deepika Ltd.