നെന്മാ​റ: ക​രി​മ്പ​ന നൊ​ങ്കി​ന് ആ​വ​ശ്യ​ക്കാ​ർ ഏ​റെ​യാ​യ​തോ​ടെ വി​ല്പ​ന സ​ജീ​വം. വേ​ന​ൽ ചൂ​ട് അ​ധി​ക​രി​ച്ച​തോ​ടെ​യാ​ണ് നൊ​ങ്കി​ന് ആ​വ​ശ്യ​ക്കാ​രും വി​ല്പ​ന​യും കൂ​ടി​യ​ത്. നെ​ന്മാ​റ-പോ​ത്തു​ണ്ടി റോ​ഡി​ൽ ക​ൽ​നാ​ട്ടി​ലാ​ണ് നൊ​ങ്ക് ക​ച്ച​വ​ടം ന​ട​ക്കു​ന്ന​ത്.

ചാ​യ​ക്ക​ട​യും ക​രി​ക്കു വി​ല്പ​ന​യും ന​ട​ക്കു​ന്ന​തി​നൊ​പ്പ​മാ​ണ് പ​ന​നൊ​ങ്ക് വി​ല്പനയും. ചെ​മ്മ​ന്തോ​ട്, അ​ക​മ്പാ​ടം, പോ​ത്തു​ണ്ടി, തേ​വ​ർ മ​ണി പ്ര​ദേ​ശ​ങ്ങ​ളി​ൽ നി​ന്നാ​ണ് നൊ​ങ്ക് വി​ല്പന​യ്ക്ക് എ​ത്തി​ക്കു​ന്ന​ത്. വ​ഴി​യ​രി​കി​ൽ കു​ല​ക​ളോ​ടെ കെ​ട്ടി​ത്തൂ​ക്കി​യും കൂ​ട്ടി​വെ​ച്ചും ക​രിക്കി​നോ​ടൊ​പ്പ​മാ​ണ് വി​ല്പ​ന. പോ​ത്തു​ണ്ടി, നെ​ല്ലി​യാ​മ്പ​തി ഭാ​ഗ​ങ്ങ​ളി​ലേ​ക്കു​ള്ള വി​നോ​ദ​സ​ഞ്ചാ​രി​ക​ളാ​ണ് പ്ര​ധാ​ന​മാ​യും ആ​വ​ശ്യ​ക്കാ​ർ. പ്രാ​ദേ​ശി​ക​മാ​യി പ​നനൊ​ങ്ക് ല​ഭ്യ​മ​ല്ലാ​ത്ത ദി​വ​സ​ങ്ങ​ളി​ൽ കൊ​ഴി​ഞ്ഞാ​മ്പാ​റ, മീ​നാ​ക്ഷി​പു​രം, ഗോ​വി​ന്ദാ​പു​രം മേ​ഖ​ല​ക​ളി​ൽ നി​ന്ന് വ്യാ​പാ​രി​ക​ൾ വാ​ഹ​ന​ത്തി​ൽ കൊ​ണ്ടു​വ​ന്ന് ക​ച്ച​വ​ട​ക്കാ​ർ​ക്ക് ക​രി​ക്കി​നൊ​പ്പം എ​ത്തി​ച്ചു ന​ൽ​കു​ന്നു​ണ്ട്. ഒ​രു നൊ​ങ്കി​ൽ മൂ​ന്ന് ചു​ള​ക​ളും അ​പൂ​ർ​വ​മാ​യി നാ​ല് ചു​ള​ക​ളും ല​ഭി​ക്കും.

ഒ​രു ചു​ള​യ്ക്ക് പ​ത്തു രൂ​പ നിര​ക്കി​ലാ​ണ് വി​ല്പ​ന. മു​റി​ച്ചെ​ടു​ത്ത് നൊ​ങ്കി​ൽ നി​ന്ന് ചു​ള വേ​ർ​പ്പെ​ടു​ത്തി ക​വ​റു​ക​ളി​ലാ​ക്കി ഐ​സ് ബോ​ക്സി​നു​ള്ളി​ൽ വ​ച്ചും വി​ല്പന ന​ട​ത്തു​ന്നു​ണ്ട്. മു​റി​ക്കാ​ത്ത ഒ​രു നൊ​ങ്ക് മു​ഴു​വ​നാ​യും വേ​ണ​മെ​ന്നു​ള്ള​വ​ർ​ക്ക് 30 രൂ​പ​ക്കാ​ണ് വി​ല്പ​ന. പ​ന​യി​ൽ നി​ന്ന് താ​ഴെ വീ​ണ് പൊ​ട്ടാ​ത്ത രീ​തി​യി​ൽ വെ​ട്ടി​ക്കൊ​ണ്ടു​വ​രു​ന്ന​തി​ന് ചെ​ല​വു​ള്ള​തി​നാ​ലാ​ണ് വി​ല കൂ​ടി​യ​തെ​ന്ന് ക​ച്ച​വ​ട​ക്കാ​ർ പ​റ​ഞ്ഞു. അ​ടു​ത്തി​ടെ ത​മി​ഴ്നാ​ട് ക​രി​മ്പ​ന​യെ പൈ​തൃ​ക മ​ര​മാ​യി പ്ര​ഖ്യാ​പി​ച്ച​തോ​ടെ ത​മി​ഴ്നാ​ട്ടി​ൽ ക​രി​മ്പ​ന മു​റി​ക്കു​ന്ന​തി​ന് നി​യ​ന്ത്ര​ണ​വും വ​ന്നു. ഇ​ത് കൂ​ടു​ത​ൽ നൊ​ങ്ക് വി​പ​ണി​യി​ൽ ല​ഭി​ക്കു​ന്ന​തി​ന് കാ​ര​ണ​മാ​യി.