നെ​ന്മാ​റ: തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി​ ക​ടു​ത്ത വേ​ന​ലി​ൽ വൃ​ക്ഷത്തൈ ​ന​ടീ​ൽ. നെ​ന്മാ​റ പ​ഞ്ചാ​യ​ത്തി​ലെ ചാ​ത്ത​മം​ഗ​ലം ആ​റ്റു​വാ​യ് പു​ഴ​യോ​ര​ത്താ​ണ് ക​ടു​ത്ത വേ​ന​ലി​ൽ പ​ണി ന​ട​ത്തു​ന്ന​ത്. ന​ട്ട തൈ​ക​ൾ​ക്ക് ത​ണ​ലി​നാ​യി കു​ടി​ൽ നി​ർ​മാ​ണ​വും ന​ട​ത്തി. ക​ടു​ത്ത വേ​ന​ൽ ആ​യ​തി​നാ​ൽ ന​ട്ട തൈ​ക​ൾ ഉ​ണ​ങ്ങാ​ൻ തു​ട​ങ്ങി​യ​തോ​ടെ രാ​വി​ലെ​യും വൈ​കുന്നേരവും തൊ​ഴി​ലാ​ളി​ക​ൾ വെ​ള്ളം കോ​രി ന​ന​യ്ക്കു​ക​യാ​ണ്.

ജൂ​ൺ, ജൂ​ലൈ മാ​സ​ങ്ങ​ളി​ൽ ന​ട​ത്തേ​ണ്ട പ​ണി​ക​ൾ ക​ടു​ത്ത ചൂ​ടു​ള്ള സാ​മ്പ​ത്തി​ക വ​ർ​ഷാ​വ​സാ​നം ആ​രം​ഭി​ച്ച​തി​ൽ ക​ടു​ത്ത വി​മ​ർ​ശ​ന​മാ​ണ് ഉ​യ​രു​ന്ന​ത്. തൊ​ഴി​ലു​റ​പ്പ് തൊ​ഴി​ൽ ദി​ന​ങ്ങ​ൾ ക​ഴി​ഞ്ഞാ​ൽ തൈ​ക​ൾ സം​ര​ക്ഷി​ക്കാ​ൻ ക​ഴി​യു​ക​യി​ല്ലെ​ന്നും വേ​ന​ലി​ൽ ഉ​ണ​ങ്ങി​പ്പോ​കു​മെ​ന്നും നാട്ടു കാർ പ​റ​യു​ന്നു. സ​ർ​ക്കാ​ർ പ​ദ്ധ​തി രൂ​പ​രേ​ഖ ത​യ്യാ​റാ​ക്കി അം​ഗീ​കാ​രം കി​ട്ടു​മ്പോ​ഴേ​ക്കും സ​മ​യം വൈ​കി​യ​താ​ണ് വൃ​ക്ഷ​ത്തൈ ന​ടീ​ൽ പാ​ഴ് വേ​ല​യാ​യി മാ​റാ​ൻ കാ​ര​ണം. പു​ഴ​യു​ടെ തീ​ര​ത്ത് മു​ൾ​ച്ചെ​ടി​ക​ൾ വ​ള​ർ​ന്നു കാ​ടു​പി​ടി​ച്ച പ്ര​ദേ​ശം വെ​ട്ടി​ത്തെളി​ച്ചാ​ണ് വ​ന​വ​ത്കര​ണം ആ​രം​ഭി​ച്ച​ത്.

പൊ​തുശ്മ​ശാ​ന​ത്തി​ലേ​ക്ക് പോ​കു​ന്ന വ​ഴി​യു​ടെ ഇ​രു​വ​ശ​ങ്ങ​ളി​ലു​മാ​യി നൂ​റു​ക​ണ​ക്കി​ന് തൈ​ക​ളാ​ണ് ചൂ​ടു കൂ​ടി​യ സ​മ​യ​ത്ത് ന​ട്ടു​പി​ടി​പ്പി​ക്കാ​ൻ ശ്ര​മി​ക്കു​ന്ന​ത്. അ​മ്പ​തോ​ളം തൊ​ഴി​ലാ​ളി​ക​ൾ ര​ണ്ടാ​ഴ്ച​യി​ലേ​റെ ജോ​ലി ചെ​യ്താ​ണ് വൃ​ക്ഷ​ത്തൈ​ക​ൾ ന​ട്ട​ത്. പ​ദ്ധ​തി​ക്കാ​യി അ​നു​വ​ദി​ച്ച തു​ക ഈ ​സാ​മ്പ​ത്തി​ക വ​ർ​ഷം ത​ന്നെ ചെ​ല​വാ​ക്ക​ണം എ​ന്ന് നി​ബ​ന്ധ​ന​യാ​ണ് വേ​ന​ൽ​ക്കാ​ല​ത്ത് തൈ ​ന​ട്ടു​പി​ടി​പ്പി​ക്കു​ക എ​ന്ന സാ​ഹ​സ​ത്തി​ന് തൊ​ഴി​ലു​റ​പ്പ് അ​ധി​കൃ​ത​രെ പ്രേ​രി​പ്പി​ച്ച​ത്. ജൂ​ൺ​മാ​സം വ​രെ പ​ദ്ധ​തി നീ​ട്ടിവ​ച്ചി​രു​ന്നെ​ങ്കി​ൽ ഒ​രു വൃ​ക്ഷ​ത്തൈ പോ​ലും ഉ​ണ​ങ്ങാ​തെ പ​ദ്ധ​തി​യു​ടെ ഉ​ദ്ദേ​ശ ല​ക്ഷ്യ​ത്തി​ൽ എ​ത്താ​ൻ ക​ഴി​യു​മെ​ന്നും നാട്ടുകാർ പ​റ​യു​ന്നു.