നെ​ൽ​ക​ർ​ഷ​ക​രു​ടെ പ്ര​ശ്ന​ങ്ങ​ൾ​ക്ക് സ്ഥാ​യി​യാ​യ പ​രി​ഹാ​രം ഉടൻ: മു​ഖ്യ​മ​ന്ത്രി
Saturday, December 2, 2023 2:07 AM IST
ഷൊ​ർ​ണൂ​ർ: നെ​ൽ​ക​ർ​ഷ​ക​രു​ടെ പ്ര​ശ്ന​ങ്ങ​ൾ സ്ഥാ​യി​യാ​യ പ​രി​ഹാ​ര​ത്തി​ലേ​ക്ക് നീ​ങ്ങു​ക​യാ​ണെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ന​വ​കേ​ര​ള സ​ദ​സി​ന്‍റെ ഷൊ​ർ​ണൂ​ർ മ​ണ്ഡ​ല​ത്തി​ലെ യോ​ഗം ചെ​ർ​പ്പു​ള​ശേ​രി ഹ​യ​ർ സെ​ക്ക​ൻ​ഡ​റി സ്കൂ​ൾ മൈ​താ​ന​ത്ത് ഉ​ദ്ഘാ​ട​നം ചെ​യ്ത് പ്രസംഗിക്കു​ക​യാ​യി​രു​ന്നു അ​ദ്ദേ​ഹം.

നെ​ല്ല​റ​യു​ടെ നാ​ടാ​യ പാ​ല​ക്കാ​ട്ടെ നെ​ൽ​ക​ർ​ഷ​ക​ർ അ​നു​ഭ​വി​ക്കു​ന്ന വി​വി​ധ പ്ര​ശ്ന​ങ്ങ​ൾ സ​ർ​ക്കാ​രി​ന്‍റെ ശ്ര​ദ്ധ​യി​ലു​ണ്ട്. സ​ർ​ക്കാ​ർ ത​ല​ത്തി​ൽ ബാ​ങ്കു​ക​ളു​മാ​യി ച​ർ​ച്ച​ക​ൾ ന​ട​ത്തി ഒ​ട്ടേ​റെ പ്ര​ശ്ന​ങ്ങ​ൾ​ക്ക് പ​രി​ഹാ​രം ക​ണ്ടെ​ത്തി. നെ​ൽ​ക​ർ​ഷ​ക​ർ​ക്ക് ഒ​രു​ത​ര​ത്തി​ലു​മു​ള്ള പ്ര​യാ​സ​മു​ണ്ടാ​കാ​ത്ത പ​രി​ഹാ​ര​ത്തി​നാ​ണ് ഇ​ട​പെ​ട​ലു​ണ്ടാ​യ​ത്. സ്ഥാ​യി​യാ​യ പ​രി​ഹാ​ര​ത്തി​ലേ​ക്ക് നീ​ങ്ങു​ക​യാ​ണെ​ന്നും സ​ർ​ക്കാ​ർ ഒ​പ്പ​മു​ണ്ടാ​കു​മെ​ന്നും മു​ഖ്യ​മ​ന്ത്രി പ​റ​ഞ്ഞു.

കാ​ലാ​നു​സൃ​ത​മാ​യ പു​രോ​ഗ​തി നാ​ടി​നു​ണ്ടാ​ക​ണ​മെ​ന്നാ​ണ് ജ​ന​ങ്ങ​ൾ ആ​ഗ്ര​ഹി​ക്കു​ന്ന​ത്. അ​തി​നാ​ണ് സ​ർ​ക്കാ​ർ ശ്ര​മി​ക്കു​ന്ന​തും. സ​ർ​ക്കാ​രി​ന്‍റെ പ്ര​വ​ർ​ത്ത​ന പ​രി​പാ​ടി പ്ര​ക​ട​ന​പ​ത്രി​ക​യാ​യി പു​റ​ത്തി​റ​ക്കി അ​ത് ഓ​രോ​ന്നാ​യി പൂ​ർ​ത്തീ​ക​രി​ച്ച് പോ​കു​ക​യാ​ണ് ചെ​യ്യു​ന്ന​ത്.

ഇ​തോ​ടെ മു​ന്പ് സം​സ്ഥാ​ന​ത്തു​ണ്ടാ​യി​രു​ന്ന നി​രാ​ശ ഇ​ല്ലാ​താ​യി. നാ​ട് ത​ക​ർ​ന്നു പോ​കു​ന്ന ത​രം പ്ര​തി​സ​ന്ധി​ക​ൾ പ​ല​തും നാം ​അ​ഭി​മു​ഖീ​ക​രി​ച്ചു. ന​മ്മെ സ്നേ​ഹി​ക്കു​ന്ന​വ​രെ​ല്ലാം വേ​ദ​നി​ച്ചു. എ​ന്നാ​ൽ ഏ​റെ വേ​ദ​നി​പ്പി​ച്ച​ത് സ​ഹാ​യി​ക്കാ​ൻ ബാ​ധ്യ​സ്ഥ​രാ​യ​വ​ർ സ​ഹാ​യി​ക്കാ​തി​രു​ന്ന​പ്പോ​ഴാ​ണെ​ന്നും മു​ഖ്യ​മ​ന്ത്രി പ​റ​ഞ്ഞു. ജ​ന​ങ്ങ​ൾ കാ​ണി​ച്ച ഒ​രു​മ​യും ഐ​ക്യ​വും കൊ​ണ്ടാ​ണ് നാം ​പ്ര​തി​സ​ന്ധി​ക​ളെ നേ​രി​ട്ട​തെ​ന്നും അ​സാ​ധ്യ​മാ​യ​തൊ​ന്നു​മി​ല്ലെ​ന്ന സ​ന്ദേ​ശ​മാ​ണ് കേ​ര​ളം ഉ​യ​ർ​ത്തി​യ​തെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു.

കൊ​ച്ചി-​ബാം​ഗ്ലൂ​ർ വ്യാ​വ​സാ​യി​ക ഇ​ട​നാ​ഴി​യു​ടെ ഭാ​ഗ​മാ​യ ഗി​ഫ്റ്റ് സി​റ്റി പ​ദ്ധ​തി വ​രു​ന്ന​തോ​ടെ സം​സ്ഥാ​ന​ത്തി​ന്‍റെ മു​ഖ​ച്ഛാ​യ ത​ന്നെ മാ​റും. പ​ദ്ധ​തി​യു​ടെ ഗു​ണം ഏ​റെ ല​ഭി​ക്കു​ന്ന​ത് പാ​ല​ക്കാ​ട്, എ​റ​ണാ​കു​ളം ജി​ല്ല​ക​ളി​ലാ​കു​മെ​ന്നും മു​ഖ്യ​മ​ന്ത്രി പ​റ​ഞ്ഞു.

പി. ​മ​മ്മി​ക്കു​ട്ടി എം​എ​ൽ​എ അ​ധ്യ​ക്ഷ​നാ​യി. മ​ന്ത്രി​മാ​രാ​യ ജെ. ​ചി​ഞ്ചു​റാ​ണി, റോ​ഷി അ​ഗ​സ്റ്റി​ൻ, പി.​എ. മു​ഹ​മ്മ​ദ് റി​യാ​സ് എ​ന്നി​വ​ർ പ്ര​സം​ഗി​ച്ചു. മ​റ്റു മ​ന്ത്രി​മാ​ർ, ജ​ന​പ്ര​തി​നി​ധി​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തു. മ​ട്ട​ന്നൂ​ർ ശ​ങ്ക​ര​ൻ​കു​ട്ടി, രാ​മ​ച​ന്ദ്ര പു​ല​വ​ർ, അ​ന്താ​രാ​ഷ്ട്ര പു​ര​സ്കാ​ര ജേ​താ​വാ​യ ജ്യോ​തി​ശാ​സ്ത്ര​ജ്ഞ​ൻ ഡോ. ​അ​ശ്വി​ൻ ശേ​ഖ​ർ സ​ന്നി​ഹി​ത​രാ​യി.