മാ​ലി​ന്യ​മു​ക്ത കേ​ര​ളം: വ്യ​ത്യ​സ്ത പ്ര​ചാ​ര​ണ പ​രി​പാ​ടി​ക​ളു​മാ​യി കൊ​ല്ല​ങ്കോ​ട് പ​ഞ്ചാ​യ​ത്ത്
Sunday, June 4, 2023 7:04 AM IST
കൊല്ലങ്കോട് : മാ​ലി​ന്യ​മു​ക്തം ന​വ​കേ​ര​ളം ജ​ന​കീ​യ ക്യാ​ന്പ​യി​ന്‍റെ ഭാ​ഗ​മാ​യി വ്യ​ത്യ​സ്ത​മാ​യ പ്ര​ചാ​ര​ണ പ​രി​പാ​ടി​ക​ളു​മാ​യി കൊ​ല്ല​ങ്കോ​ട് ഗ്രാ​മ പ​ഞ്ചാ​യ​ത്ത്. മാ​ലി​ന്യ​ത്തി​നെ​തി​രെ ഗോ​ൾ എ​ന്ന പ​രി​പാ​ടി​യി​ലൂ​ടെ യു​വ​ജ​ന​ങ്ങ​ൾ ഉ​ൾ​പ്പെ​ടെ​യു​ള്ള​വ​രി​ൽ മാ​ലി​ന്യ​മു​ക്തം ന​വ​കേ​ര​ളം സ​ന്ദേ​ശം എ​ത്തി​ക്കാ​ൻ ക​ഴി​ഞ്ഞ​താ​യി പ​ഞ്ചാ​യ​ത്ത് അ​ധി​കൃ​ത​ർ അ​റി​യി​ച്ചു.

പ​ഞ്ചാ​യ​ത്തി​ന്‍റെ​യും ആ​ശ്ര​യം പ​രി​സ്ഥി​തി ക്ല​ബ്ബി​ന്‍റെ​യും നേ​തൃ​ത്വ​ത്തി​ൽ മൂ​ന്ന് ദി​വ​സം നീ​ണ്ടു നി​ന്ന ക​ലാ​ജാ​ഥ അ​വ​ത​ര​ണ​രീ​തി കൊ​ണ്ടും ജ​ന​പ​ങ്കാ​ളി​ത്തം കൊ​ണ്ടും ശ്ര​ദ്ധേ​യ​മാ​യി. പ്ലാ​സ്റ്റി​ക്ക് മാ​ലി​ന്യം ക​ത്തി​ക്കു​ന്ന​തി​ലൂ​ടെ ഉ​ണ്ടാ​കു​ന്ന ആ​രോ​ഗ്യ​പ്ര​ശ്ന​ങ്ങ​ൾ വി​വ​രി​ച്ച തെ​രു​വ് നാ​ട​കം സാ​ധാ​ര​ണ ജ​ന​ങ്ങ​ളെ ബോ​ധ​വ​ത്ക്ക​രി​ക്കാ​നും ഏ​റെ സ​ഹാ​യ​ക​ര​മാ​യി. കു​ടും​ബ​ശ്രീ അ​യ​ൽ​ക്കൂ​ട്ട​ങ്ങ​ളെ പ​ങ്കെ​ടു​പ്പി​ച്ചു കൊ​ണ്ടു​ള്ള മ​റ്റൊ​രു പ്ര​ചാ​ര​ണ പ​രി​പാ​ടി​യ്ക്ക് ഉ​ട​ൻ തു​ട​ക്ക​മി​ടു​മെ​ന്ന് കൊ​ല്ല​ങ്കോ​ട് ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്‍റ് കെ. ​സ​ത്യ​പാ​ൽ പ​റ​ഞ്ഞു. പ​ഞ്ചാ​യ​ത്തി​ലെ വാ​ർ​ഡു​ക​ളെ​ല്ലാം മാ​ലി​ന്യ​മു​ക്ത ഗ്രാ​മ​ങ്ങ​ളാ​യി ഇ​തി​ന​കം പ്ര​ഖ്യാ​പി​ച്ച് ക​ഴി​ഞ്ഞു.