പാലക്കാട് : ജില്ലയുടെ കാർഷിക സംസ്കൃതി വിളിച്ചോതുന്ന നിശ്ചല ദൃശ്വത്തിന്‍റെ അകന്പടിയോടെ കർഷക കോണ്ഗ്രസ് വിളംബര ജാഥ സംഘടിപ്പിച്ചു. കലപ്പയേന്തിയ കർഷകനും കറ്റകളവും കറ്റ തല്ലലും ഉൾപ്പടെയുള്ള ദൃശ്യങ്ങളാണ് ജാഥയിലിടം പിടിച്ചത്. ഭാരത് ജോഡോ യാത്രയുടെ പ്രചരണാർത്ഥമാണ് കർഷക കോണ്ഗ്രസ് പാലക്കാട് ജില്ല കമ്മറ്റിയാണ് ജാഥ സംഘടിപ്പിച്ചത് വിക്ടോറിയ കോളജിൽ നിന്നാരംഭിച്ച ജാഥ സ്റ്റേഡിയം ബസ് സ്റ്റാൻഡ് പരിസരത്ത്
സമാപിച്ചു. ഡിസിസി പ്രസിഡന്‍റ് എ.തങ്കപ്പൻ ഉദ്ഘാടനം ചെയ്തു. കർഷക
കോണ്ഗ്രസ് ജില്ല പ്രസിഡന്‍റ് ബി.ഇക്ബാൽ അധ്യക്ഷനായി. സംസ്ഥാന പ്രസിഡന്‍റ് കെ.സി. വിജയൻ ഫ്ലാഗ് ഓഫ് ചെയ്തു. സി.ചന്ദ്രൻ, എ.ഡി. സാബുസ്, പി.സി. ഗിവർഗീസ്, യു.ശാന്തകുമാർ, രവീന്ദ്രൻ വള്ളിക്കോട്, എം.സി. വർഗീസ്, ഇ.എം. ബാബു, കണ്ണൻ കുട്ടി, എ.ഫിറോസ് ബാബു, രാധാകൃഷ്ണൻ, അരവിന്ദാക്ഷൻ, വി.മോഹൻദാസ്, കുഞ്ഞുണ്ണി, ബിനു, ഉണ്ണി പട്ടാന്പി, എ.സി. സിദ്ധാർത്ഥൻ, മോഹൻദാസ് ചിറ്റിലഞ്ചേരി, ജോയി എന്നിവർ നേതൃത്വം നല്കി.