ഇ​ന്ദി​രാ​ഗാ​ന്ധി​ക്ക് ശ്ര​ദ്ധാ​ഞ്ജ​ലി അ​ർ​പ്പി​ച്ച് പ​ര്യ​ട​നത്തിന് ആ​രം​ഭം
Tuesday, September 27, 2022 12:07 AM IST
ഷൊ​ർ​ണൂ​ർ: ജി​ല്ല​യി​ൽ രാ​ഹു​ൽ ഗാ​ന്ധി പ​ര്യ​ട​നം ആ​രം​ഭി​ച്ച​ത് മു​ൻ പ്ര​ധാ​ന​മ​ന്ത്രി​യും, മു​ത്ത​ശ്ശി​യു​മാ​യ ഇ​ന്ദി​രാ​ഗാ​ന്ധി​ക്ക് മു​ന്പി​ൽ ശ്ര​ദ്ധാ​ഞ്ജ​ലി അ​ർ​പ്പി​ച്ചു കൊ​ണ്ട്. ഭാ​ര​ത് ജോ​ഡോ യാ​ത്ര​യു​ടെ സ്വാ​ഗ​ത​സം​ഘം ഓ​ഫീ​സ് പ്ര​വ​ർ​ത്തി​ക്കു​ന്ന ഷോ​ർ​ണൂ​ർ എ​സ് എം ​പി ജം​ഗ്ഷ​നി​ലെ മൂ​ന്നും കൂ​ടി​യ റോ​ഡി​ൽ മ​ധ്യ​ഭാ​ഗ​ത്താ​യി സ്ഥാ​പി​ച്ചി​ട്ടു​ള്ള ഇ​ന്ദി​രാ​ഗാ​ന്ധി​യു​ടെ സ്മാ​ര​ക സ്തൂ​പ​ത്തി​ൽ പു​ഷ്പാ​ർ​ച്ച​ന ന​ട​ത്താ​ൻ രാ​ഹു​ൽ​ഗാ​ന്ധി തീ​രു​മാ​നി​ക്കു​ക​യാ​യി​രു​ന്നു.
യാ​ത്ര​യി​ൽ പ​ങ്കാ​ളി​ക​ളാ​കാ​ൻ എ​ത്തി​ച്ചേ​ർ​ന്ന ആ​യി​ര​ക്ക​ണ​ക്കി​ന് പ്ര​വ​ർ​ത്ത​ക​രെ​യും അ​നു​ഭാ​വി​ക​ളെ​യും സാ​ക്ഷി​നി​ർ​ത്തി സ്മാ​ര​ക​ത്തി​ൽ രാ​ഹു​ൽ​ഗാ​ന്ധി പു​ഷ്പാ​ർ​ച്ച​ന ന​ട​ത്തി ത​ല കു​ന്പി​ട്ട​പ്പോ​ൾ ദി​ക്കു​ക​ൾ പ്ര​ക​ന്പ​നം കൊ​ള്ളി​ച്ചു​കൊ​ണ്ട് ഇ​ന്ദി​രാ​ഗാ​ന്ധി​ക്കും ജയ് വി​ളി​ക​ൾ ഉ​യ​ർ​ന്നു. രാ​ജീ​വ് ഗാ​ന്ധി, ഇ​ന്ദി​രാ​ഗാ​ന്ധി എ​ന്നി​വ​രെ അ​നു​സ്മ​രി​ക്കു​ന്ന​തി​നു​ള്ള വേ​ദി കൂ​ടി​യാ​യി ഇ​ത് മാ​റി. യാ​ത്ര​യി​ൽ നി​ളാ ന​ദി​ക്ക് സ​മാ​ന്ത​ര​മാ​യി പു​രു​ഷാ​രം ഒ​ഴു​കി​യെ​ത്തി​യ​പ്പോ​ൾ കോ​ണ്‍​ഗ്ര​സി​ന്‍റെ ന​ഷ്ട​പ്പെ​ട്ടെ​ന്ന് ക​രു​തി​യ ശ​ക്തി വീ​ണ്ടെ​ടു​ക്കു​ന്ന​തി​ന്‍റെ പ്ര​തി​ഫ​ല​നം കൂ​ടി​യാ​യി ഇ​ത്.
ജ​ന​പു​രു​ഷാ​രം മൂ​ലം പ്ര​ധാ​ന നേ​താ​ക്ക​ൾ​ക്ക് പോ​ലും രാ​ഹു​ലി​ന് സ​മീ​പം എ​ത്താ​ൻ ക​ഴി​യാ​ത്ത സാ​ഹ​ച​ര്യ​വും ഉ​ണ്ടാ​യി. തു​ട​ർ​ന്ന് സു​ര​ക്ഷ ഉ​ദ്യോ​ഗ​സ്ഥന്മാ​രു​ടെ സം​ര​ക്ഷ​ണ​ത്തി​ൽ രാ​ഹു​ൽ​ഗാ​ന്ധി ഏ​റെ പ​ണി​പ്പെ​ട്ടാ​ണ് ഇ​ന്ദി​ര ഗാ​ന്ധി​യു​ടെ സ്മൃ​തി സ്തൂ​പ​ത്തി​ൽ പു​ഷ്പാ​ർ​ച്ച​ന ന​ട​ത്തി​യ​ത്. ഷൊ​ർ​ണൂ​ർ റെ​യി​ൽ​വേ സ്റ്റേ​ഷ​നും, ഷൊ​ർ​ണൂ​ർ ന​ഗ​ര ഹൃ​ദ​യ​വും സ്പ​ർ​ശി​ക്കാ​തെ​യാ​ണ് എ​സ് എം ​പി ജം​ഗ്ഷ​ൻ വ​ഴി പൊ​തു​വാ​ൾ ജം​ഗ്ഷ​നി​ലൂ​ടെ രാ​ഹു​ലി​ന്‍റെ യാ​ത്ര കു​ള​പ്പു​ള്ളി​യി​ലേ​ക്ക് നീ​ങ്ങി​യ​ത്. വാ​ഹ​ന​ങ്ങ​ൾ​ക്ക് ക​ർ​ശ​ന ഗ​താ​ഗ​ത നി​യ​ന്ത്ര​ണം ഏ​ർ​പ്പെ​ടു​ത്തി​യി​രു​ന്ന​തി​നാ​ൽ യാ​ത്ര​യ്ക്ക് ക​ട​ന്നു​പോ​കാ​ൻ മാ​ർ​ഗത​ട​സ​ങ്ങ​ൾ സൃ​ഷ്ടി​ക്ക​പ്പെ​ട്ടി​ല്ല. രാ​ഹു​ൽ ഗാ​ന്ധി ക​ട​ന്ന് പോ​കു​ന്ന പ​ട്ടാ​ന്പി കു​ള​പ്പു​ള്ളി പ്ര​ധാ​ന പാ​ത​യു​ടെ ഇ​രു​വ​ശ​വും നൂ​റു​ക​ണ​ക്കി​ന് ആ​ളു​ക​ളാ​ണ് അ​ദ്ദേ​ഹ​ത്തെ ഒ​രു നോ​ക്ക് കാ​ണാ​ൻ റോ​ഡി​ലേ​ക്ക് ഇ​റ​ങ്ങി നി​ന്നി​രു​ന്ന​ത്. ആ​രെ​യും നി​രാ​ശ​പ്പെ​ടു​ത്താ​തെ എ​ല്ലാ​വ​രെ​യും കൈ​വീ​ശി അ​ഭി​വാ​ദ്യം ചെ​യ്തു കൊ​ണ്ടാ​ണ് രാ​ഹു​ൽ ഗാ​ന്ധി മു​ന്നോ​ട്ടു നീ​ങ്ങി​യ​ത്. രാ​ഹു​ലി​ന് പു​റ​കി​ൽ പു​രു​ഷാ​രം മ​റ്റൊ​രു ന​ദി പോ​ലെ ഒ​ഴു​കി നീ​ങ്ങി. പ​ട്ടാ​ന്പി​യി​ൽ യാ​ത്ര എ​ത്തു​ന്പോ​ഴേ​ക്കും ഒ​രി​ഞ്ചു​പോ​ലും സ്ഥ​ലം ബാ​ക്കി​യി​ല്ലാ​ത്ത വി​ധം ജ​ന​ങ്ങ​ളെ കൊ​ണ്ട് റോ​ഡ് നി​റ​ഞ്ഞു ക​വി​ഞ്ഞു. പ​ട്ടാ​ന്പി​യി​ൽ കെഎസ്ബി​എ ത​ങ്ങ​ളു​ടെ നേ​തൃ​ത്വ​ത്തി​ലാ​ണ് സം​ഘാ​ട​ക​സ​മി​തി യാ​ത്ര​യ്ക്ക് സ്വീ​ക​ര​ണം ഒ​രു​ക്കി​യ​ത്.

Copyright @ 2022 , Rashtra Deepika Ltd.