സീ​വേ​ജ് പ്ലാ​ന്‍റ് നി​ർ​മ്മി​ക്കു​ന്ന​തി​ൽ ഒറ്റപ്പാലം ന​ഗ​ര​സ​ഭ​ക്ക് വീ​ഴ്ച
Monday, March 1, 2021 11:35 PM IST
ഷൊ​ർ​ണൂ​ർ: ന​ഗ​ര​സ​ഭാ പ്ര​ദേ​ശ​ത്ത് നി​ന്ന് ഭാ​ര​ത​പ്പുഴ​യി​ലേ​ക്ക് ഒ​ഴു​കി​യെ​ത്തു​ന്ന മ​ലി​ന​ജ​ലം ശു​ദ്ധീ​ക​രി​ക്കാ​ൻ സീ​വേ​ജ് പ്ലാ​ന്‍റ് നി​ർ​മ്മി​ക്കു​ന്ന​തി​ൽ ന​ഗ​ര​സ​ഭ​ക്ക് വീ​ഴ്ച.
ഭാ​ര​തപ്പുഴ​യി​ലേ​ക്ക് നേ​രി​ട്ട് മ​ലി​ന​ജ​ലം ഒ​ഴു​കു​ന്നി​ല്ലെന്ന് ന​ഗ​ര​സ​ഭ​യു​ടെ വി​ചി​ത്ര വാ​ദം. എ​ന്നാ​ൽ മ​ലി​ന ജ​ലം ഒ​ഴു​കി​യെ​ത്തു​ന്ന​ത് നേ​രി​ട്ട് ക​ണ്ട നി​യ​മ​സ​ഭ പ​രി​സ്ഥി​തി സ​മി​തി​യേ പോ​ലും മു​ഖ​വി​ല​ക്കെ​ടു​ക്കാ​തെ​യാ​ണ് ന​ഗ​ര​സ​ഭ വാ​ദ​ങ്ങ​ളു​ന്ന​യി​ക്കു​ന്ന​തെ​ന്ന് വി​മ​ർ​ശ​നം.
സീ​വേ​ജ് പ്ലാ​ന്‍റ് നി​ർ​മ്മി​ക്കാ​ൻ ന​ഗ​ര​സ​ഭ​യ്ക്ക് പു​ഴ​യോ​ര​ത്ത് സ്ഥ​ലം ഇ​ല്ലെ​ന്നാ​ണ് ഷൊ​ർ​ണൂ​ർ ന​ഗ​ര​സ​ഭ​യു​ടെ മ​റ്റൊ​രു വാ​ദം. ഭാ​ര​ത​പ്പു​ഴ​യെ മ​ലി​ന​മാ​ക്കു​ന്ന​ത് ത​ട​യാ​ൻ അ​ടി​യ​ന്തി​ര ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന ഹ​രി​ത ട്രൈ​ബ്യൂ​ണ​ൽ ഉ​ത്ത​ര​വ് പ്ര​കാ​ര​മാ​ണ് സീ​വേ​ജ് പ്ലാ​ന്‍റ് വി​വാ​ദം ഉ​യ​ർ​ന്ന​ത്. ഈ ​ഉ​ത്ത​ര​വി​നെ​തി​രെ​യാ​ണ് വി​ചി​ത്ര​മാ​യ വാ​ദ​ങ്ങ​ൾ ന​ഗ​ര​സ​ഭ ഉ​ന്ന​യി​ക്കു​ന്ന​ത്.
2021 മാ​ർ​ച്ച് 31ന​കം പ്ലാ​ന്‍റ് നി​ർ​മ്മി​ക്ക​ണ​മെ​ന്നാ​ണ് ഹ​രി​ത ട്രി​ബ്യൂ​ണ​ൽ പ്രി​ൻ​സി​പ്പ​ൽ ബെ​ഞ്ചി​ന്‍റെ ഉ​ത്ത​ര​വ്. നേ​ര​ത്തെ ന​ഗ​ര​സ​ഭ കൗ​ണ്‍​സി​ൽ യോ​ഗ​ത്തി​ലും ഹ​രി​ത​ട്രി​ബ്യൂ​ണ​ലി​ന്‍റെ ഉ​ത്ത​ര​വ് ച​ർ​ച്ച ചെ​യ്തി​രു​ന്ന​താ​ണ്.
എ​ന്നാ​ൽ കോ​ട​തി ഉ​ത്ത​ര​വ് ന​ട​പ്പാ​ക്കാ​നു​ള്ള സ​മ​യ​പ​രി​ധി ഈ ​മാ​സം അ​വ​സാ​നി​ക്കു​ക​യാ​ണ്. ഇ​തി​നു​ള്ളി​ൽ പ്ലാ​ന്‍റ് നി​ർ​മ്മി​ക്കാ​ൻ ആ​വി​ല്ലെന്നു​റ​പ്പാ​ണ്. പു​ഴ​യി​ലേ​ക്ക് മ​ലി​ന​ജ​ലം ഒ​ഴു​ക്കി വി​ടു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്ക​ണ​മെ​ന്ന് ഉ​ത്ത​ര​വി​ൽ വ്യ​ക്ത​മാ​ക്കി​യി​രു​ന്നു. മ​ലി​നീ​ക​ര​ണം ന​ട​ത്തു​ന്ന​വ​രി​ൽ നി​ന്ന് ന​ഷ്ട​പ​രി​ഹാ​രം ഈ​ടാ​ക്കാ​നാ​ണ് വ്യ​വ​സ്ഥ ചെ​യ്യു​ന്ന​ത്. ഇ​തി​നാ​യി ക​ർ​മ്മ പ​ദ്ധ​തി ത​യ്യാ​റാ​ക്കി സ​മ​ർ​പ്പി​ക്കാ​നും തീ​രു​മാ​നം ഉ​ണ്ടാ​യി​രു​ന്നു.
മ​ലി​നീ​ക​ര​ണം ന​ട​ത്തു​ന്ന​വ​രി​ൽ നി​ന്ന് ഈ​ടാ​ക്കു​ന്ന ന​ഷ്ട​പ​രി​ഹാ​ര​ത്തു​ക മാ​ലി​ന്യ​ത്തി​ന്‍റെ തോ​ത് കു​റ​യ്ക്കു​ന്ന​തി​നാ​യി വി​നി​യോ​ഗി​ക്ക​ണം.
അ​ല്ലെ​ങ്കി​ൽ, മാ​ലി​ന്യ​ത്തി​ന് തോ​ത് കു​റ​യ്ക്കു​ന്ന​തി​നാ​യി പ്ര​ത്യേ​കം തു​ക ന​ഗ​ര​സ​ഭ​യി​ൽ നി​ന്ന് ഈ​ടാ​ക്കു​മെ​ന്നും ഉ​ത്ത​ര​വി​ൽ പ​റ​ഞ്ഞി​രു​ന്നു.
റെ​യി​ൽ​വേ​യു​ടെ മാ​ലി​ന്യ​വും പു​ഴ​യി​ലേ​ക്ക് ഒ​ഴു​ക്കു​ന്ന​ണ്ട​ന്നും ന​ഗ​ര​സ​ഭ​യും റെ​യി​ൽ​വേ​യും ചേ​ർ​ന്ന് ശു​ചീ​ക​ര​ണ പ്ലാ​ന്‍റ് നി​ർ​മ്മി​ക്കാ​ൻ ആ​ലോ​ചി​ക്കു​ന്നു​ണ്ടെ​ന്നു​മാ​ണ് നേ​ര​ത്തെ ന​ഗ​ര​സ​ഭ അ​ധി​കൃ​ത​ർ വ്യ​ക്ത​മാ​ക്കി​യി​രു​ന്ന​ത്. ഇ​തി​നു​ള്ള ആ​ദ്യ​ഘ​ട്ട ച​ർ​ച്ച ന​ട​ന്ന​താ​യും അ​റി​യു​ന്നു. അ​ടു​ത്ത ഘ​ട്ട ച​ർ​ച്ച​യി​ൽ ഇ​തു​സം​ബ​ന്ധി​ച്ച ധാ​ര​ണ​യാ​കു​മെ​ന്നും ഈ ​വ​ർ​ഷം ത​ന്നെ പ്ലാ​ന്‍റ് സ്ഥാ​പി​ക്കാ​നാ​ണ് ല​ക്ഷ്യ​മി​ടു​ന്ന​തെ​ന്ന​തെ​ന്നും ന​ഗ​ര​സ​ഭ സെ​ക്ര​ട്ട​റി പ​റ​ഞ്ഞു.
അ​തേ​സ​മ​യം ന​ഗ​ര​ത്തി​ലെ വി​വി​ധ ഇ​ട​ങ്ങ​ളി​ൽ നി​ന്നും ഷൊ​ർ​ണൂ​ർ ജം​ഗ്ഷ​ൻ റെ​യി​ൽ​വേ സ്റ്റേ​ഷ​നി​ൽ നി​ന്നു​മാ​യി വ​ൻ​തോ​തി​ൽ മ​ലി​ന​ജ​ലം ഭാ​ര​ത​പ്പു​ഴ​യി​ലേ​ക്ക് ഒ​ഴു​കി​യെ​ത്തു​ന്നു​ണ്ട്. പു​ഴ മ​ലി​ന​പ്പെ​ടാ​നും കോ​ളി​ഫോം ബാ​ക്ടീ​രി​യ​യു​ടെ വ​ർ​ദ്ധ​ന​വി​നും ഇ​ത് വ​ലി​യ പ​ങ്കു വ​ഹി​ക്കുമെ​ന്നു​മാ​ണ് ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.
ഭാ​ര​ത​പ്പു​ഴ​യി​ലെ കു​ടി​വെ​ള്ളം വ​ള​രെ​യേ​റെ മ​ലി​ന​മാ​കാ​നും ഇ​ത് കാ​ര​ണ​മാ​കു​ന്നു​ണ്ട്.