ശ്രീ​നാ​രാ​യ​ണ​പു​രം: രൂ​ക്ഷ​മാ​യ കു​ടി​വെ​ള്ള​ക്ഷാ​മം​മൂ​ലം ദു​രി​ത​ത്തി​ലാ​യ വീ​ട്ട​മ്മ​മാ​ർ വാ​ട്ട​ർ അ​ഥോ​റി​റ്റി ഓ​ഫീ​സ് ഉ​പ​രോ​ധി​ച്ചു. ശ്രീ​നാ​രാ​യ​ണ​പു​രം പ​ഞ്ചാ​യ​ത്തി​ലെ കോ​ത​പ​റ​മ്പ് മാ​ന്തു​രു​ത്തി​ക​ട​വ് നി​വാ​സി​ക​ളാ​ണു മ​തി​ല​ക​ത്തെ വാ​ട്ട​ർ അ​ഥോ​റി​റ്റി ഓ​ഫീ​സ് ഉ​പ​രോ​ധി​ച്ച​ത്. ഇ​ന്ന​ലെ ഉ​ച്ച​തി​രി​ഞ്ഞ് മൂ​ന്നി​നാ​യി​രു​ന്നു അ​റു​പ​തോ​ളം​വ​രു​ന്ന സ്ത്രീ​ക​ൾ ഉ​ൾ​പ്പെ​ടെ​യു​ള്ള​വ​ർ മ​തി​ല​ക​ത്തെ വാ​ട്ട​ർ അ​ഥോ​റി​റ്റി സെ​ക്ഷ​ൻ ഓ​ഫീ​സി​ലെ​ത്തി​യ​ത്.

ഒ​രു​വ​ർ​ഷ​ത്തോ​ള​മാ​യി ഈ ​മേ​ഖ​ല​യി​ൽ വാ​ട്ട​ർ അ​ഥോ​റി​റ്റി​യു​ടെ കു​ടി​വെ​ള്ള​മെ​ത്തി​യി​ട്ട്. നാ​ട്ടി​ക ഫ​ർ​ക്ക ശു​ദ്ധ​ജ​ല പ​ദ്ധ​തി പ്ര​കാ​ര​മാ​ണ് ഇ​വി​ടേ​ക്കു വെ​ള്ള​മെ​ത്തു​ന്ന​ത്. ദേ​ശീ​യ​പാ​ത വി​ക​സ​ന​വു​മാ​യി ബ​ന്ധ​പ്പെ​ട്ട് പ​ണി​യാ​രം​ഭി​ച്ച​തോ​ടെ ഈ ​ഭാ​ഗ​ത്തേ​ക്കു​ള്ള പൈ​പ്പ് മു​റി​ച്ചു​മാ​റ്റ​പ്പെ​ട്ട​താ​ണു വെ​ള്ള​മെ​ത്താ​ത്ത​തി​നു കാ​ര​ണ​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.

ഇ​തു ശ​രി​ക്കാ​ൻ വാ​ട്ട​ർ അ​ഥോ​റി​റ്റി​യൊ, നാ​ഷ​ണ​ൽ ഹൈ​വേ നി​ർ​മി​ക്കു​ന്ന ശി​വാ​ല​യ ക​രാ​ർ ക​മ്പ​നി​യോ ത​യാ​റാ​കാ​ത്ത​താ​ണു പ്ര​ശ്നം. പ​ല​ത​വ​ണ ജ​ന​പ്ര​തി​നി​ധി​ക​ൾ, ജി​ല്ലാ ക​ള​ക്ട​ർ, വാ​ട്ട​ർ അ​ഥോ​റി​റ്റി അ​ധി​കൃ​ത​ർ എ​ന്നി​വ​ർ​ക്കു പ​രാ​തി ന​ൽ​കി​യി​ട്ടും ന​ട​പ​ടി​യെ​ടു​ക്കാ​താ​യ​തോ​ടെ​യാ​ണു നാ​ട്ടു​കാ​ർ ഒ​ന്ന​ട​ങ്കം വാ​ട്ട​ർ ഓ​ഫീ​സി​ലെ​ത്തി ശ​ക്ത​മാ​യ പ്ര​തി​ഷേ​ധം ഉ​യ​ർ​ത്തി​യ​ത്. അ​സി​സ്റ്റ​ന്‍റ് എ​ൻ​ജി​നീ​യ​റു​ടെ മു​റി​യി​ൽ സം​സാ​രി​ക്കാ​നാ​യി ക​യ​റി​യ നാ​ട്ടു​കാ​ർ ഉ​ദ്യോ​ഗ​സ്ഥ​യു​മാ​യി ത​ർ​ക്ക​മാ​കു​മെ​ന്നു ക​ണ്ട​തോ​ടെ മ​തി​ല​കം എ​സ്ഐ ര​മ്യ കാ​ർ​ത്തി​കേ​യ​ൻ നാ​ട്ടു​കാ​രെ പു​റ​ത്തേ​ക്കി​റ​ക്കി.

വാ​ട്ട​ർ അ​ഥോ​റി​റ്റി ഉ​ദ്യോ​ഗ​സ്ഥ​രെ​യും ശി​വാ​ല​യ ക​മ്പ​നി അ​ധി​കൃ​ത​രെ​യും വി​ളി​ച്ചു​വ​രു​ത്തി പ്ര​ശ്നം പ​രി​ഹ​രി​ക്കാ​ൻ ആ​വ​ശ്യ​മാ​യ ന​ട​പ​ടി സ്വീ​ക​രി​ക്കാ​മെ​ന്ന് എ​സ്ഐ പ​റ​ഞ്ഞ​തി​ന്‍റെ അ​ടി​സ്ഥാ​ന​ത്തി​ൽ നാ​ട്ടു​കാ​ർ ഉ​പ​രോ​ധം അ​വ​സാ​നി​പ്പി​ച്ചു. ഇ​നി​യും കു​ടി​വെ​ള്ള​മെ​ത്തി​യി​ല്ലെ​ങ്കി​ൽ ദേ​ശീ​യ​പാ​ത​യി​ൽ കു​ത്തി​യി​രി​പ്പു സ​മ​രം ചെ​യ്യു​മെ​ന്ന് മു​ന്ന​റി​യി​പ്പ് ന​ൽ​കി​യാ​ണു വീ​ട്ട​മ്മ​മാ​ർ പി​രി​ഞ്ഞു​പോ​യ​ത്.