മോ​ഷ്ടി​ച്ച കാ​റു​മാ​യി ക​ട​ന്ന യു​വാ​വി​നെ ഓ​ടി​ച്ചി​ട്ടു പി​ടി​കൂ​ടി
Sunday, August 4, 2024 2:57 AM IST
പു​തു​ക്കാ​ട്: മ​ല​പ്പു​റം കാ​ളി​കാ​വി​ല്‍നി​ന്ന് മോ​ഷ്ടി​ച്ച കാ​റു​മാ​യി ക​ട​ന്ന യു​വാ​വി​നെ പു​തു​ക്കാ​ട് പോ​ലീ​സ് സാ​ഹ​സി​ക​മാ​യി പി​ടി​കൂ​ടി. ആ​ല​പ്പു​ഴ അ​രൂ​ക്കു​റ്റി സ്വ​ദേ​ശി പെ​രി​ങ്ങാ​ട്ട് വീ​ട്ടി​ല്‍ ഫൈ​സ​ല്‍ (28)ആ​ണ് പു​തു​ക്കാ​ട് പോ​ലീ​സി​ന്‍റെ പി​ടി​യി​ലാ​യ​ത്. വെ​ള്ളി​യാ​ഴ്ച വൈ​കീ​ട്ടാ​യി​രു​ന്നു സം​ഭ​വം.

മ​ല​പ്പു​റ​ത്തു​നി​ന്ന് കാ​ര്‍ മോ​ഷ്ടി​ച്ച് ക​ട​ന്ന യു​വാ​വി​നെ കു​റി​ച്ച് പോ​ലീ​സി​ന് വി​വ​രം ല​ഭി​ച്ചി​രു​ന്നു. ഇ​തേ തു​ട​ര്‍​ന്ന് പാ​ലി​യേ​ക്ക​ര ടോ​ള്‍ പ്ലാ​സ​യി​ല്‍ വച്ച് പ​രി​ശോ​ധ​ന ന​ട​ത്തു​ന്ന​തി​നി​ടെ പോ​ലീ​സി​നെ വെ​ട്ടി​ച്ച് ക​ട​ന്ന കാ​റി​നെ പി​ന്തു​ട​രു​ക​യാ​യി​രു​ന്നു. പു​തു​ക്കാ​ട് സ്റ്റേ​ഷ​നു മു​ന്നിലെ യുടേ​ണി​ല്‍ വച്ച് പോ​ലീ​സ് കാ​ര്‍ ത​ട​ഞ്ഞെ​ങ്കി​ലും യു​വാ​വ് പു​റ​ത്തേ​ക്കി​റ​ങ്ങി ഓ​ടു​ക​യാ​യി​രു​ന്നു.​

പി​ന്നാ​ലെ ഓ​ടി​യ പോ​ലീ​സ് പ്ര​തി​യെ പി​ടി​കൂ​ടി.

പി​ന്നീ​ട് കാ​ളി​കാ​വ് പോ​ലീ​സി​ന് പ്ര​തി​യെ കൈ​മാ​റി. നി​ര​വ​ധി മോ​ഷ​ണ കേ​സു​ക​ളി​ലെ പ്ര​തി​യാ​ണ് ഇ​യാ​ളെ​ന്ന് പോ​ലീ​സ് പ​റ​ഞ്ഞു. പു​തു​ക്കാ​ട് എ​സ്എ​ച്ച്ഒ വി.​സ​ജീ​ഷ് കു​മാ​റി​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.