കൊടുങ്ങല്ലൂർ: ചെട്ടിക്കാട് വിശുദ്ധ അന്തോണീസിന്‍റെ തീർഥാടനകേന്ദ്രത്തിൽ അഭിഷേകപ്രാർഥന നടത്തി. ആഴക്കടൽ മീൻപിടിത്ത നിരോധനത്തിനുശേഷം മത്സ്യബന്ധനത്തിന് ഒരുങ്ങുന്ന മത്സ്യത്തൊഴിലാളികൾക്കും മത്സ്യസമ്പത്ത് വർധവിനുമായാണ് അഭിഷേക പ്രാർഥന. . രാവിലെ 6.15 മുതൽ വൈകീട്ട് 6.30 വരെ തുടർച്ചയായി ദിവ്യബലി, നൊവേന, ആരാധന എന്നിവ നടന്നു. മത്സ്യത്തൊഴിലാളികളും മത്സ്യമേഖലയിൽ പണിയെടുക്കുന്നവരുമായ നിരവധിപേർ പ്രാർഥനാശുശ്രൂഷയിൽ പങ്കെടുത്തു.മത്സ്യബന്ധന ബോട്ടുകളിലും വള്ളങ്ങളിലും കെട്ടുന്നതിനായി വിശുദ്ധ അന്തോണീസിന്‍റെ ചിത്രം ആലേഖനംചെയ്ത ആശീർവദിച്ച സംരക്ഷണപതാക മത്സ്യത്തൊഴിലാളികൾക്കു വിതരണം ചെയ്തു. റെക്ടർ റവ. ഡോ. ബെന്നി വാഴക്കൂട്ടത്തിൽ, ഫാ. ജോളി തപ്പലോടത്ത്, ഫാ. അജയ് ആന്‍റണി പുത്തൻപറമ്പിൽ എന്നിവർ നേതൃത്വം നൽകി.