എരുമപ്പെട്ടി: എരുമപ്പെട്ടി പഞ്ചായത്തിലെ പ്രളയബാധിത പ്രദേശങ്ങൾ എ.സി. മൊയ്തീൻ എംഎൽഎ സന്ദർശിച്ചു. കാഞ്ഞിരക്കോട്, കുണ്ടന്നൂർ, മുട്ടിക്കൽ, നെല്ലുവായ്, കോട്ടപ്പുറം പ്രദേശങ്ങളും കുന്നംകുളം - വടക്കാഞ്ചേരി സംസ്ഥാനപാതയിൽ വെള്ളംമൂടിയ നെല്ലുവായ് റോഡും എംഎൽഎ സന്ദർശിച്ചു. എരുമപ്പെട്ടി പഞ്ചായത്ത് പ്രസിഡന്റ് എസ്. ബസന്ത് ലാൽ, എരുമപ്പെട്ടി പോലീസ് ഇൻസ്പെക്ടർ സി.വി. ലൈജുമോൻ എംഎൽഎയോടൊപ്പമുണ്ടായിരുന്നു. കുന്നംകുളം നിയോജകമണ്ഡലത്തിൽ അഞ്ച് ദുരിതാശ്വാസക്യാമ്പുകൾ പ്രവർത്തിക്കുന്നുണ്ട്.