പാ​ലി​യേ​ക്ക​ര: ച​വ​ള​ർ സൊ​സൈ​റ്റി​യു​ടെ സ​മ്മേ​ള​ന​ത്തി​നു​വ​ന്ന വാ​ഹ​ന​ങ്ങ​ൾ പാ​ലി​യേ​ക്ക​ര ടോ​ൾ​പ്ലാ​സ​യി​ൽ ത​ട​ഞ്ഞ​ത് പ്ര​തി​ഷേ​ധ​ത്തി​നി​ട​യാ​ക്കി.

സ​മ്മേ​ള​ന വാ​ഹ​ന​ങ്ങ​ൾ ടോ​ൾ ബൂ​ത്തു​ക​ളി​ൽ നി​ര​ത്തി​യി​ട്ട​തോ​ടെ ദേ​ശീ​യ​പാ​ത​യി​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​യി. ഇ​ന്ന​ലെ ഉ​ച്ച​തി​രി​ഞ്ഞ് മൂ​ന്നി​നാ​യി​രു​ന്നു സം​ഭ​വം. ശ്രീ​രാ​മ​വി​ലാ​സം ച​വ​ള​ര്‍ സൊ​സൈ​റ്റി​യു​ടെ പ്ലാ​റ്റി​നം​ജൂ​ബി​ലി സ​മ്മേ​ള​ന​ത്തി​ന് തൃ​ശൂ​രി​ലേ​ക്കു​പോ​യ ബ​സു​ക​ളാ​ണ് ടോ​ൾ​പ്ലാ​സ​യി​ൽ ത​ട​ഞ്ഞ​ത്. അ​തോ​ടെ എ​ല്ലാ ട്രാ​ക്കു​ക​ളി​ലും സ​മ്മേ​ള​ന​വാ​ഹ​ന​ങ്ങ​ള്‍ നി​ര്‍​ത്തി​യി​ട്ടു പ്ര​തി​ഷേ​ധി​ച്ചു. അ​വ​ധി ദി​വ​സ​മാ​യ​തി​നാ​ൽ മ​ണ​ലി​പാ​ലം വ​രെ വാ​ഹ​ന​ങ്ങ​ളു​ടെ നി​ര രൂ​പ​പ്പെ​ട്ടു.

അ​രമ​ണി​ക്കൂ​റോ​ളം ദേ​ശീ​യ​പാ​ത​യി​ൽ ഗ​താ​ഗ​ത​ത​ട​സ​മു​ണ്ടാ​യി. തൃ​ശൂ​രി​ലേ​ക്ക് സ​മ്മേ​ള​ന​ത്തി​നു പോ​കു​ന്ന ബ​സു​ക​ളെ ടോ​ളി​ല്‍​നി​ന്നു ഒ​ഴി​വാ​ക്കാ​മെ​ന്ന് ടോ​ൾ​പ്ലാ​സ അ​ധി​കൃ​ത​ര്‍ പ​റ​ഞ്ഞി​രു​ന്ന​താ​യി സം​ഘ​ട​നാ പ്ര​വ​ര്‍​ത്ത​ക​ര്‍ ജീ​വ​ന​ക്കാ​രെ അ​റി​യി​ച്ചെ​ങ്കി​ലും ത​ങ്ങ​ള്‍​ക്ക് പ്ര​ത്യേ​ക അ​റി​യി​പ്പൊ​ന്നും ല​ഭി​ച്ചി​ട്ടി​ല്ലെ​ന്നാ​യി​രു​ന്നു ജീ​വ​ന​ക്കാ​രു​ടെ നി​ല​പാ​ട്.

ഇ​തോ​ടെ പ്ര​വ​ര്‍​ത്ത​ക​ര്‍ ടോ​ള്‍​ബൂ​ത്തു​ക​ളി​ല്‍ ബ​സു​ക​ള്‍ നി​റു​ത്തി​യി​ട്ട് ടോ​ള്‍​പ്ലാ​സ​യി​ല്‍ ഇ​റ​ങ്ങി​നി​ന്നു. തു​ട​ർ​ന്ന് പി​റ​കെ​വ​ന്ന വാ​ഹ​ന​ങ്ങ​ളും നി​ര്‍​ത്തി​യി​ടേ​ണ്ടി​വ​ന്നു. പി​ന്നീ​ട് ടോ​ള്‍ ജീ​വ​ന​ക്കാ​ര്‍ മാ​നേ​ജ്‌​മെ​ന്‍റ് പ്ര​തി​നി​ധി​ക​ളു​മാ​യി സം​സാ​രി​ച്ച​ശേ​ഷം ബ​സു​ക​ള്‍ ക​ട​ത്തി​വി​ട്ടാ​ണ് ഗ​താ​ഗ​ത​ത​ട​സം ഒ​ഴി​വാ​യ​ത്. ഈ​സ​മ​യം നൂ​റു​ക​ണ​ക്കി​ന് വാ​ഹ​ന​ങ്ങ​ൾ ടോ​ള്‍​പ്ലാ​സ​യി​ല്‍ കു​ടു​ങ്ങി.