ഇരിങ്ങാലക്കുട: നവകേരള സദസിന് അനുബന്ധമായി വയോസ്മിതം എന്ന പേരില് ക്ഷേമ സ്ഥാപനങ്ങളിലെ മുതിര്ന്ന പൗരന്മാര്ക്കായി വയോജന കൂട്ടായ്മ സംഘടിപ്പിച്ചു.
ഇരിങ്ങാലക്കുട ആര്.ഡി.ഓ. എം.കെ ഷാജി. ഉദ്ഘാടനം ചെയ്തു. കാട്ടൂര് പഞ്ചായത്ത് പ്രസിഡന്റ് ടി.വി.ലത അധ്യക്ഷത വഹിച്ചു.
മുനിസിപ്പല് കൗണ്സിലര്മാരായ ഷെല്ലി വിന്സെന്റ്, രാജി കൃഷ്ണകുമാര്, ഗ്രാമപഞ്ചായത്ത് അംഗങ്ങളായ ഓമന ജോര്ജ്, സവിത ബിജു, ആര്ദ്രം പാലിയേറ്റീവ് അംഗം പി.എല് ജോര്ജ്, ഓര്ഫനേജ് കൗണ്സിലര് ദിവ്യ അബീഷ്, വയോമിത്രം ഡോക്ടര് ഫാസിദ്, എന്എസ്എസ് പ്രോഗ്രാം കോര്ഡിനേറ്റര് സന്ധ്യ ടീച്ചര് എന്നിവര് പ്രസംഗിച്ചു.