ഹോളി ഗ്രേസിൽ അന്താരാഷ്ട്ര റോളര് ഹോക്കി റിംഗ് ഉദ്ഘാടനം
1336836
Wednesday, September 20, 2023 1:17 AM IST
മാള: ഹോളി ഗ്രേസ് അക്കാദമിയില് അന്താരാഷ്ട്ര നിലവാരമുള്ള റോളര് ഹോക്കി റിംഗിന്റെ ഉദ്ഘാടനവും ജില്ലാ റോളര് ഹോക്കി ചാമ്പ്യന്ഷിപ്പും നടന്നു. പൊതുസമ്മേളനത്തിന്റെ ഉദ്ഘാടനം അഡ്വ. വി. ആര്. സുനില്കുമാര് എംഎല്എ നിര്വഹിച്ചു. ഹോക്കി റിംഗിന്റെ ഉദ്ഘാടനവും വെബ്സൈറ്റ് പ്രകാശനവും കേരള റോളര് സ്കേറ്റിംഗ് അസോസിയേഷന് സംസ്ഥാന പ്രസിഡന്റ് കെ.എം. അനില്കുമാറും തൃശൂര് ജില്ലാ റോളര് ഹോക്കി ചാമ്പ്യന്ഷിപ്പിന്റെ ഉദ്ഘാടനം കേരള സ്പോര്ട്സ് കൗണ്സില് മെമ്പര് കെ. ശശിധരനും നിര്വഹിച്ചു. ജില്ലാ പഞ്ചായത്ത് പ്രസിഡന്റ് പി.കെ. ഡേവിസ് അധ്യക്ഷത വഹിച്ചു.
കേരള റോളര് സ്കേറ്റിംഗ് അസോസിയേഷന് സീനിയര് പ്രസിഡന്റ് ബിവിഎം റെഡി റോളര് ഹോക്കി ദേശീയ മെഡല് ജേതാക്കളെ ആദരിച്ചു. റോളര് സ്കേറ്റിംഗ് അന്തര്ദേശീയ തലത്തില് ഗോള്ഡ് മെഡല് ജേതാവായ അഭിജിത്ത് അമല് രാജ് മുഖ്യാതിഥിയായിരുന്നു.
ഹോളി ഗ്രേസ് അക്കാദമി ചെയര്മാന് അഡ്വ. ക്ലമന്സ് തോട്ടാപ്പിള്ളി, ജില്ല റോളര് സ്കേറ്റിംഗ് അസോസിയേഷന് പ്രസിഡന്റ് ചിഞ്ചു ചന്ദ്രശേഖര്, സെക്രട്ടറി എം.വി. റോയ്, ഹോളി ഗ്രേസ് അക്കാദമി പ്രിന്സിപ്പല് ജോസ് ജോസഫ് ആലുങ്കല്, ലിജോ പയ്യപ്പിള്ളി, ജെറിന് ബാബു എന്നിവര് പ്രസംഗിച്ചു. റോളര് ഹോക്കി ചീഫ് കോച്ച് എം. എസ്. സുരേഷ്, റോളര് സ്കേറ്റിംഗ് ജില്ലാ ഭാരവാഹികളായ എം.പി. ജിന്നി, എം.ബി. രാജേഷ് തുടങ്ങിയവര് നേതൃത്വം നല്കി.