തൃശൂർ: ഫെഡറേഷൻ ഓഫ് കേരള ഹോട്ടൽസ് അസോസിയേഷന്റെ ആഭിമുഖ്യത്തിലുള്ള ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെനന്റ് നടത്തുന്ന ഒരു വർഷ സൗജന്യ ഡിപ്ലോമ കോഴ്സിന് അപേക്ഷിക്കാം. എസ്എസ്എൽസി, വിഎച്ച്എസ്ഇ ആണ് അടിസ്ഥാന യോഗ്യത. പരിശീലന കാലത്ത് ട്യൂഷൻ ഫീ, ഭക്ഷണം, താമസം എന്നിവ സൗജന്യമായിരിക്കും. പ്രാക്ടിക്കൽ അടക്കമുള്ള റഗുലർ ക്ലാസ് തുടങ്ങുമ്പോൾ 4000 രൂപ സ്റ്റൈപ്പന്റും ലഭിക്കും. വിജയികൾക്ക് കേന്ദ്രവിദേശകാര്യ മന്ത്രാലയത്തിന്റെ അംഗീകാരമുള്ള സ്റ്റെഡ് കൗൺസിലിന്റെ സർട്ടിഫിക്കറ്റും ഫെഡറേഷന്റെ ഹോട്ടലുകളിൽ പ്ലേസ്മെന്റും നൽകും.
ഓൺലൈനായും ഓഫ്ലൈനായും അപേക്ഷ നൽകാം. ihm.fkha.in എന്ന വെബ്സൈറ്റിൽ അപ്ലെ ഒാൺലൈൻ ലിങ്ക് വഴി അപേക്ഷിക്കാം. വെബ്സൈറ്റിൽനിന്നു ഡൗൺലോഡ് ചെയ്ത് എടുക്കുന്ന അപേക്ഷ ഫോം പൂരിപ്പിച്ച് യോഗ്യത സർട്ടിഫിക്കറ്റിന്റെ പകർപ്പ് സഹിതം ഐഎച്ച്എം സെന്ററുകളിൽ നേരിട്ട് അപേക്ഷിക്കാം. തിരുവനന്തപുരം, കൊല്ലം, കോട്ടയം, എറണാകുളം, തൃശൂർ, കോഴിക്കോട് എന്നിവിടങ്ങളിലാണ് ഐഎച്ച്എം സെന്ററുകൾ പ്രവർത്തിക്കുന്നത്.
അപേക്ഷകൾ ജൂലായ് 30 വരെ നൽകാം. ഓഗസ്റ്റിൽ ക്ലാസുകൾ ആരംഭിക്കും. വിവരങ്ങൾക്ക്: 9946941942 (തിരുവനന്തപുരം), 8714215600 (കൊല്ലം), 9447216520 (കോട്ടയം), 9539446677 (എറണാകുളം), 8281386600 (തൃശൂർ), 8592973973 (കോഴിക്കോട്) 9846936211 പ്രിൻസിപ്പൽ), 9074066693 (എച്ച്ഒ).