പെരിഞ്ചേരി: തിരുഹൃദയ തീർഥാടന കേന്ദ്രത്തിലെ ഈശോയുടെ തിരുഹൃദയ തിരുനാളിന് തീർഥാടന കേന്ദ്രം റെക്ടർ ഫാ. പോൾ താണിക്കൽ കൊടിയേറ്റി. തിരുനാൾ ദിനം വരെ രാവിലെ ആറിനും വൈകീട്ട് 5.30നും പാട്ടുകുർബാന, ലദീഞ്ഞ്, തിരുഹൃദയ നൊവേന എന്നിവ ഉണ്ടാകും. ജൂണ് രണ്ട് മാസാദ്യ വെള്ളിയാഴ്ച തീർഥാടന കേന്ദ്ര പ്രഖ്യാപനത്തിന്റെ വാർഷിക ദിനത്തിൽ തിരുഹൃദയ ഉൗട്ടുതിരുനാൾ ആഘോഷിക്കും.
രാവിലെ 5.45നും 7.15നും വൈകീട്ട് ആറിനും പാട്ടു കുർബാന, ലദീഞ്ഞ്, തിരുഹൃദയ നൊവേന, രാവിലെ പത്തിന് ആഘോഷമായ പാട്ടുകുർബാന, തിരുഹൃദയ സന്ദേശം, ആരാധന, പ്രത്യേക പ്രാർഥനാ ശുശ്രൂഷകൾ, ദിവ്യകാരുണ്യ പ്രദക്ഷിണം, ദിവ്യകാരുണ്യ സൗഖ്യ ആശീർവാദം, കൈവെപ്പു ശുശ്രൂഷ എന്നിവ നടക്കും.
തുടർന്ന് ആയിരങ്ങൾക്ക് സൗഖ്യദായക തിരുഹൃദയ ഉൗട്ട് നൽകും. ശനിയാഴ്ച വൈകീട്ട് 5.30ന് ലദീഞ്ഞ്, പാട്ടുകുർബാന, തിരുഹൃദയ സന്ദേശം, ആഘോഷമായ കൂടുതുറക്കൽ, തിരുഹൃദയ രൂപം എഴുന്നള്ളിപ്പ്, പ്രദക്ഷിണം എന്നിവയുണ്ടാകും. തുടർന്ന് വർണ മഴ, സമർപ്പിത സംഗമം, തിരുനടയിൽ ബാൻഡ് മേളം. ഞായർ തിരുനാൾ ദിനം രാവിലെ 5.45 നും 7.15 നും വൈകിട്ട് 5.30 നും വിശുദ്ധ കുർബാന, ലദീഞ്ഞ്, തിരുഹൃദയ നൊവേന. രാവിലെ പത്തിന് ആഘോഷമായ തിരുനാൾ പാട്ടുകുർബാന, തിരുഹൃദയ നൊവേന എന്നിവയ്ക്ക് ഫാ. വിൽസണ് പിടിയത്ത് മുഖ്യകാർമികനാകും. ഫാ. ജിബിൻ താഴേക്കാടൻ തിരുഹൃദയ സന്ദേശം നൽകും.
ഉച്ചയ്ക്ക് 12ന് തിരുനാൾ പ്രദക്ഷിണം, വർണവിസ്മയം, വൈകീട്ട് ഏഴിന് നൂറോളം ഇടവകാംഗങ്ങൾ പങ്കെടുക്കുന്ന നാടകം - "നായിനിലെ ഇവാൻ' അരങ്ങേറും. 120 ാം തിരുനാളിനോടനുബന്ധിച്ച് 120 വൃക്ക രോഗികൾക്ക് ഒല്ലൂർ വിൻസന്റ് ഡി പോൾ ഹോസ്പിറ്റലിൽ സൗജന്യ ഡയാലിസിസ് നൽകുമെന്ന് തീർഥാടന കേന്ദ്രം റെക്ടർ ഫാ. പോൾ താണിക്കൽ, അസി. വികാരി ഫാ. ഡേവിസ് പുലിക്കോട്ടിൽ എന്നിവർ അറിയിച്ചു.