കാളമുറി: നൂറുദിന കർമപരിപാടിയുടെ ഭാഗമായി കയ്പമംഗലം പഞ്ചായത്തിലെ വിവിധ വാർഡുകളിൽ കുളങ്ങൾ നിർമിച്ചു. പന്ത്രണ്ടാം വാർഡിൽ പാറപ്പുറത്ത് വീട്ടിൽ സുബൈർ, പതിനഞ്ചാം വാർഡിൽ പള്ളത്ത് വീട്ടിൽ സുധൻ എന്നിവരുടെ പറന്പുകളിലാണ് കുളം നിർമിച്ചത്.
ഇ. ടി. ടൈസൻ എംഎൽഎ ഉദ്ഘാടനം നിർവഹിച്ചു. പഞ്ചായത്ത് പ്രസിഡന്റ് ശോഭന രവി അധ്യക്ഷയായി. മതിലകം ബ്ലോക്ക് വൈസ് പ്രസിഡന്റ് സി. എസ്. സലീഷ്, ജനപ്രതിനിധി കല്യ ജയന്തി ടീച്ചർ, സൈനുൽ അബിദീൻ, പി.എ. ഇസ്ഹാക്, യു.വൈ. ഷമീർ, സുകന്യ ടീച്ചർ, പഞ്ചായത്ത് അസിസ്റ്റന്റ് സെക്രട്ടറി രതീഷ്, രാജേഷ്, എ.ഇ. ശരണ്യ, ഓവർസീയർ സജിലി, ഐടി അസിസ്റ്റന്റ് ബിന്ദ്യ, വിഇഒ ബീന, വിഇഒ സജിത തുടങ്ങിയവർ പ്രസംഗിച്ചു. 13, 15 എന്നീ വാർഡുകളിലെ തൊഴിലുറപ്പ് തൊഴിലാളികളും പങ്കെടുത്തു.
സത്യവാങ്മൂലം ഹാജരാക്കണം
മതിൽമൂല: വിമുക്തഭടൻമാരുടേയും അവരുടെ ഭാര്യമാരുടേയും/ വിധവകളുടേയും യഥാർത്ഥ താമസത്തിനുപയോഗിക്കുന്ന വാസഗൃഹങ്ങൾക്ക് 2023-2024 വർഷത്തേക്ക് കെട്ടിടനികുതി ഇളവ് ലഭിക്കുന്നതിന് ബന്ധപ്പെട്ട രേഖകളുടെ പകർപ്പ് സഹിതം മതിലകം പഞ്ചായത്ത് സെക്രട്ടറി മുൻപാകെ 31 നകം സത്യവാങ്മൂലം ഹാജരാക്കേണ്ടതാണ്.