അന്നമനട: ഇന്ത്യയിൽ വർഗീയ ഫാസിസ്റ്റ് ശക്തികൾക്കെതിരെയുള്ള രണ്ടാം സ്വാതന്ത്ര്യസമരത്തിന്റെ കാഹളം മുഴങ്ങേണ്ടതു യുവാക്കളിൽ നിന്നാണെന്ന് കെപിസിസി രാഷ്ട്രീയകാര്യ സമിതി അംഗം അഡ്വ. എം. ലിജു.
യൂത്ത് കോണ്ഗ്രസ് അന്നമനട മണ്ഡലം സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. "നീതി നിഷേധങ്ങളിൽ നിശബ്ദരാവില്ല, വിദ്വേഷ രാഷ്ട്രീയത്തോടു വിട്ടുവീഴ്ചയില്ല’ എന്നീ മുദ്രാവാക്യങ്ങൾ ഉയർത്തി യൂത്ത് കോണ്ഗ്രസിന്റെ യൂണിറ്റ് തലം മുതൽ സംസ്ഥാനതലം വരെ നടക്കുന്ന സമ്മേളനങ്ങളുടെ ഭാഗമായി അന്നമനട മണ്ഡലം കമ്മിറ്റിയുടെ നേതൃത്വത്തിൽ പ്രകടനവും പൊതു സമ്മേളനവും നടന്നു.
യൂത്ത് കോണ്ഗ്രസ് അന്നമനട മണ്ഡലം പ്രസിഡന്റ് മിഥുൻ മുരളീധരൻ അധ്യക്ഷനായി. ജില്ലാ പ്രസിഡന്റ് ഒ.ജെ. ജെനീഷ് മുഖ്യാതിഥിയായി. കെപിസിസി വൈസ് പ്രസിഡന്റ് വി.പി സജീന്ദ്രൻ, യൂത്ത് കോണ്ഗ്രസ് സംസ്ഥാന ജനറൽ സെക്രട്ടറി വൈശാഖ് ദർശൻ, ജില്ലാ സെക്രട്ടറി ജെറോം ജോണ്, നിയോജകമണ്ഡലം പ്രസിഡന്റ് നിഷാദ് കുര്യാപ്പിള്ളി, മാള ബ്ലോക്ക് കോണ്ഗ്രസ് പ്രസിഡന്റ് പി.ഡി. ജോസ്, ഡിസിസി ജനറൽ ജനറൽ സെക്രട്ടറിമാരായ വി.എ. അബ്ദുൾകരീം, എ.എ. അഷറഫ്, മണ്ഡലം കോണ്ഗ്രസ് പ്രസിഡന്റ് നിർമൽ സി. പാത്താടൻ എന്നിവർ പ്രസംഗിച്ചു.
പ്രകടനത്തിന് യൂത്ത് കോണ്ഗ്രസ് ഭാരവാഹികളായ അഖിൽ പോൾ, ശരത് മോഹൻ, രാഹുൽ വിജയൻ, ഹഫീസ് കാസിം, അജേഷ് നിധിൻ, ഗോഡ്സെൻസ്, വിഷ്ണു എന്നിവർ പ്രസംഗിച്ചു.