ക്രി​മറ്റോ​റി​യ​ത്തി​ലെ ആ​ധു​നി​ക ചേം​ബ​ർ പ്ര​വ​ർ​ത്തി​പ്പി​ക്കാ​ൻ ന​ട​പ​ടി​ക​ൾ ആ​രം​ഭി​ച്ചു
Wednesday, February 8, 2023 12:54 AM IST
മേ​ലൂ​ർ: ക്രി​മറ്റോ​റി​യ​ത്തി​ലെ ആ​ധു​നി​ക ചേം​ബ​ർ പ്ര​വ​ർ​ത്തി​പ്പി​ക്കാ​ൻ ന​ട​പ​ടി​ക​ൾ ആ​രം​ഭി​ച്ചു. ഗ്രാ​മ​പ​ഞ്ചാ​യ​ത്തി​നു കീ​ഴി​ൽ കു​ന്ന​പ്പി​ള്ളി​യി​ൽ പ്ര​വ​ർ​ത്തി​ക്കു​ന്ന ക്രി​മറ്റോ​റി​യ​ത്തി​ൽ മൂ​ന്നു​വ​ർ​ഷം മു​ന്പാ​ണ് ആ​ധു​നി​ക ചേം​ബ​ർ സ്ഥാ​പി​ച്ച​ത്.
18 ല​ക്ഷം രൂ​പ വി​നി​യോ​ഗി​ച്ച് നി​ർ​മി​ച്ച സം​വി​ധാ​ന​ത്തി​ൽ ഉ​ദ്ഘാ​ട​ന​ത്തി​നു​ശേ​ഷം ആ​കെ 20 മൃ​ത​ദേ​ഹ​ങ്ങ​ൾ മാ​ത്ര​മാ​ണ് സം​സ്കരി​ക്കാ​ൻ സാ​ധി​ച്ച​ത്. ജ്വാ​ല എ​ക്യു​പ്മെ​ന്‍റ്സി​നാ​യി​രു​ന്നു നി​ർ​മാ​ണ ചു​മ​ത​ല. ദി​വ​സ​വും പ​ത്ത് മൃ​ത​ശ​രീ​ര​ങ്ങ​ൾ ദ​ഹി​പ്പി​ക്കാ​ൻ സാ​ധി​ക്കു​മെ​ന്നാ​യി​രു​ന്നു അ​വ​കാ​ശ വാ​ദം. ജൈ​വ രീ​തി​യി​ൽ ഇ​ൻ​സു​ലേ​ഷ​ൻ, സോ​ണി ഫ​യ​ർ​ക​ട്ട​ക​ൾ ഉ​പ​യോ​ഗി​ച്ചാ​ണ് ചേം​ബ​ർ നി​ർ​മി​ച്ചി​രി​ക്കു​ന്ന​ത്. അ​തു​കൊ​ണ്ട് താ​പ​നി​ല കൂ​ടു​ത​ലാ​യി​രി​ക്കും.
മ​ണി​ക്കൂ​റു​ക​ളോ​ളം ചൂ​ട് നിലനി​ർത്താ​ൻ സാ​ധി​ക്കു​ക​യും ചെ​യ്യും. പു​ക​യെ വാ​ട്ട​ർ സ്ക​ബ​ർ ബ്ലോ​യ​ർ ഉ​പ​യോ​ഗി​ച്ച് ഫി​ൽ​ട്ട​ർ ചെ​യ്ത് കു​ഴ​ലി​ലൂ​ടെ പു​റ​ത്തേ​ക്ക് വി​ടു​ന്ന​തി​നാ​ൽ പ​രി​സ​ര മ​ലി​നീ​ക​ര​ണം ഉ​ണ്ടാ​വു​ക​യി​ല്ലെ​ന്നും പ​റ​ഞ്ഞി​രു​ന്നു.
പ്ര​വ​ർ​ത്ത​നം പ​റ​ഞ്ഞ​തു​പോ​ലെ ന​ട​ക്കാ​ത്ത​തി​നാ​ൽ ദ​ഹി​പ്പി​ക്ക​ൽ ഇ​ട​ക്കാ​ല​ത്തു​വ​ച്ച് നി​ർ​ത്തി​വ​ച്ചു. പു​തി​യ സം​വി​ധാ​ന​ത്തി​ന് വേണ്ട നടത്തിപ്പുകാരുടെ എ​ണ്ണ​വും കൂ​ടു​ത​ലാ​ണെ​ന്നും അ​ത് പ്രാ​യോ​ഗി​ക​മ​ല്ലെ​ന്നും അ​ധി​കാ​രി​ക​ൾ പ​റ​യു​ന്നു.
ഗ്രാ​മ​പ്ര​ദേ​ശ​മാ​യ​തു കൊ​ണ്ടു​ത​ന്നെ ഒ​രാ​ൾ​ക്ക് ചെ​യ്തു തീ​ർ​ക്കാ​ൻ സാ​ധി​ക്കും വി​ധ​ത്തി​ലു​ള്ള സം​വി​ധ​മാ​ണ് പ​ഞ്ചാ​യ​ത്തി​ന് ആ​വ​ശ്യം. ബ​ന്ധ​പ്പെ​ട്ട അ​ധി​കാ​രി​ക​ളു​ടെ ഇ​ട​പെ​ട​ലി​ൽ ക​ഴി​ഞ്ഞ​ദി​വ​സം മു​ത​ൽ അ​വ​ശേ​ഷി​ക്കു​ന്ന ത​ക​രാ​റു​ക​ൾ പ​രി​ഹ​രി​ക്കാ​ൻ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​താ​യും പ​റ​യു​ണ്ട്. പ​ണി​ക​ൾ ന​ട​ക്കു​ന്ന​തി​നാ​ൽ വ​രു​ന്ന ഏ​താ​നും ആ​ഴ്ച​ക​ൾ നി​ല​വി​ലു​ള്ള ചേം​ബ​ർ പ്ര​വ​ർ​ത്ത​നം ഉ​ണ്ടാ​വി​ല്ലെ​ന്ന് പ​ഞ്ചാ​യ​ത്ത് അ​ധി​കാ​രി​ക​ൾ അ​റി​യി​ച്ചു.
ര​ണ്ടു ചേം​ബ​റു​ക​ളും പ്ര​വ​ർ​ത്ത​ന സ​ജ്ജ​മാ​യ​ശേ​ഷം സ​മീ​പ പ​ഞ്ചാ​യ​ത്തു​ക​ൾ​ക്കും ഇ​വ ഉ​പ​യോ​ഗി​ക്കാ​ൻ അ​നു​മ​തി ന​ൽ​കും.

Copyright @ 2022 , Rashtra Deepika Ltd.