പുന്നംപറന്പ്: മച്ചാട് മാമാങ്കം പ്രധാന ദേശമായ മണലിത്തറ ദേശം കാഴ്ചപന്തൽ കാൽനാട്ടു കർമം ക്ഷേത്രം മേൽശാന്തിയുടെ മുഖ്യകാർമികത്വത്തിൽ മണലിത്തറ അയ്യപ്പൻകാവിൽ നടന്നു. വേലാഘോഷ കമ്മിറ്റി പ്രസിഡന്റ് സുരേഷ് ഒറ്റയിൽ, സെക്രട്ടറി വിനയൻ പൂവന്തറ, പഞ്ചായത്ത് അംഗങ്ങളായ എ.ആർ. കൃഷ്ണൻകുട്ടി, പി.ടി. മണികണ്ഠൻ, അനീഷ് കണ്ടംമട്ടിൽ, കൃഷ്ണൻ കോക്കൂരി, ശ്രീജേഷ് പതിയപറന്പിൽ, രാജീവൻ മൂത്തമന, ഹേമചന്ദ്രൻ പുന്നോംപറന്പിൽ, മണി ആച്ചത്ത്, രാജേഷ് പറന്പത്ത്, വാസുദേവൻ വിളന്പത്ത്, ശ്രീകൃഷ്ണൻ ഒറ്റയിൽ എന്നിവർ പങ്കെടുത്തു.
മച്ചാട് മാമാങ്കത്തോടനുബന്ധിച്ച് സംഘടിപ്പിക്കുന്ന കാർണിവലിന്റെ ബ്രോഷർ പ്രകാശനംചെയ്തു. തെക്കുംകര കാർണിവൽ സ്വാഗതസംഘം ഓഫീസിൽ ചേർന്ന യോഗത്തിൽ വടക്കാഞ്ചേരി നഗരസഭ ചെയർമാൻ പി.എൻ. സുരേന്ദ്രൻ, പബ്ലിസിറ്റി കണ്വീനർ വി.സി. സജീന്ദ്രന് നൽകി ഉദ്ഘാടനംചെയ്തു. പൂരകമ്മിറ്റി പ്രസിഡന്റ് രഘു പാലിശേരി അധ്യക്ഷതവഹിച്ചു. പഞ്ചായത്ത് പ്രസിഡന്റ് ടി.വി. സുനിൽകുമാർ, വൈസ് പ്രസിഡന്റ് ഇ. ഉമാലക്ഷ്മി, പഞ്ചായത്ത് മെന്പർ കെ. രാമചന്ദ്രൻ, കെ.എൻ. രാജൻ, പഞ്ചായത്ത് അംഗങ്ങൾ, രാഷ്ട്രിയകക്ഷി പ്രതിനിധികൾ, പൂരകമ്മിറ്റി ഭാരവാഹികൾ തുടങ്ങിയവർ പങ്കെടുത്തു.
മച്ചാട് വ്യാപാരി വ്യവസായി ഏകോപന സമിതിയും മച്ചാട് മാമാങ്കം തെക്കുംകര വിഭാഗവും സംഘടിപ്പിക്കുന്ന മച്ചാട് മാമാങ്കത്തിന്റെ ഒരു ക്ലിക്ക് മൊബൈൽ ഫോട്ടോഗ്രാഫി മത്സരം സംഘടിപ്പിക്കും. ഒന്നാം സമ്മാനം 3001 രൂപയും രണ്ടാംസമ്മാനം 2001 രൂപയും മൂന്നാംസമ്മാനം 1001 രൂപയുമാണ് നൽകുക. 2023ലെ മച്ചാട് മാമാങ്കത്തിന്റെ ഫോട്ടോകളാണ് അയക്കേണ്ടത്. ഫോട്ടോ അയക്കുന്ന വ്യക്തിയുടെ പേര്, സ്ഥലം എന്നിവ നൽകണമെന്ന് സംഘാടക സമിതി ഭാരവാഹികളായ വിത്സൻ നീലങ്കാവിൽ, രഘു പാലിശേരി എന്നിവർ അറിയിച്ചു. ഫോട്ടോകൾ അയക്കേണ്ട നന്പർ: 7012814797.