പുതുക്കാട്: സെന്റ് ആന്റണീസ് ഫൊറോന പള്ളിയിലെ വിശുദ്ധ സെബസ്ത്യാനോസിന്റെ അന്പുതിരുനാൾ ആഘോഷിച്ചു. രാവിലെ നടന്ന തിരുനാൾ പാട്ടുകുർബാനയ്ക്ക് ഫാ. ജിമ്മി എടക്കളത്തൂർ മുഖ്യകാർമികത്വം വഹിച്ചു.
ഫാ. ഡൊമിനിക് തലക്കോടൻ സന്ദേശം നൽകി. വിശുദ്ധ കുർബാനയ്ക്ക് ഫാ. ആന്റണി അമ്മുത്തൻ കാർമികത്വം വഹിച്ചു. തുടർന്ന് തിരുനാൾ പ്രദക്ഷിണം. പ്രദക്ഷിണം സമാപനം, തുടർന്ന് വർണകാഴ്ച. ഇന്ന് രാവിലെ ഏഴിന്, മരിച്ചവർക്കുവേണ്ടിയുള്ള റാസ കുർബാന ഉണ്ടായിരിക്കും.
പഴയന്നൂർ: പുലാക്കോട് സെന്റ് മേരീസ് യാക്കോബായ സുറിയാനി പള്ളിയുടെ പ്രധാന പെരുന്നാളിന് വികാരി ഫാ. വികാസ് വടക്കൻ കൊടികയറ്റി. ഇന്നും നാളെയുമാണ് പെരുന്നാൾ ആഘോഷിക്കുന്നത്. തൃശൂർ ഭദ്രാസനാധിപൻ ഡോ. മോർ ക്ലീമിസ് കുര്യാക്കോസ് മെത്രാപോലീത്ത പെരുന്നാൾ ശുശ്രൂഷകൾക്കു മുഖ്യകാർമികത്വം വഹിക്കും.
എരനെല്ലൂർ: പരിശുദ്ധ കൊന്ത മാതാവിന്റേയും വിശുദ്ധ സെബസ്ത്യനോസിന്റെയും സംയുക്ത തിരുനാൾ കൊണ്ടാടി.
വികാരി ഫാ. ജോസഫ് മുരിങ്ങാത്തേരി കൈക്കാരന്മാരായ സി.വി. സണ്ണി, എ.എൽ. പത്രോസ്, മാർട്ടിൻ പനയ്ക്കൽ, ജനറൽ കണ്വീനർ ഡൊമിനിക് ഫ്രാൻസിസ് എന്നിവർ നേതൃത്വംവഹിച്ചു. ഫാ. ബേബി ഷപേഡ് പ്രദക്ഷിണത്തിന്റെ മുഖ്യകാർമികനായി.
കൈപ്പറന്പ്: കിരാലൂർ മൗണ്ട് കാർമൽ ദേവാലയത്തിൽ പരിശുദ്ധ കർമല മാതാവിന്റെയും വിശുദ്ധ സെബസ്ത്യാനോസിന്റെയും തിരുനാൾ ഇന്ന് സമാപിക്കും.
തിരുനാൾ ദിനമായ ഇന്നലെ വിശുദ്ധ കുർബാന ഉണ്ടായിരുന്നു. ആഘോഷമായ തിരുനാൾ പാട്ട് കുർബാനയ്ക്ക് ഫാ. ജിജോ തട്ടിൽ സിഎംഐ മുഖ്യകാർമികനായി. ഫാ. പ്രസാദ് കുരിശിങ്കൽ തിരുനാൾ സന്ദേശം നൽകി. വൈകീട്ട് തിരുനാൾ പ്രദക്ഷിണവും ഗാനമേളയും അരങ്ങേറി. ഇന്ന് രാവിലെ നടക്കുന്ന, മരിച്ചവർക്കുവേണ്ടിയുള്ള വിശുദ്ധ കുർബാനയ്ക്കും പൊതു ഒപ്പീസോടും കൂടി തിരുനാളിന് സമാപനമാകും. വികാരി ഫാ. ഫ്രാങ്കോ പുത്തിരി, കൈക്കാരൻമാരായ എ.ടി. ഫ്രാൻസിസ്, ടി.വി. ജോയ്, പി.ജെ. ജോഫി, കണ്വീനർമാരായ ഇ.ജെ. ജോർജ്, എ.പി. ജോയ്, സ്മിത ജോയ്, സിസ്റ്റർ സുബിനി എന്നിവരും മറ്റ് ഭാരവാഹികളും ചടങ്ങുകൾക്ക് നേതൃത്വം നൽകി.
വേലൂർ: വേലൂർ പഴയങ്ങാടി സെന്റ് സെബാസ്റ്റ്യൻസ് ദേവാലയത്തിൽ തിരുനാളിന് ഇന്ന് സമാപനം.
തിരുനാൾ ദിനമായ ഇന്നലെ രാവിലെ 6.30നും 10നും വിശുദ്ധ കുർബാനയുണ്ടായിരുന്നു. ആഘോഷമായ തിരുനാൾ കുർബാനയ്ക്ക് ഫാ. റോജർ വാഴപ്പിള്ളി മുഖ്യ കാർമികനായിരുന്നു. ഫാ. സിജോ പുത്തൂർ തിരുനാൾ സന്ദേശം നൽകി. തുടർന്ന് തിരുനാൾ പ്രദക്ഷിണവും നടന്നു. വൈകുന്നേരം ആറിന് ഇടവക ദിനവും ആഘോഷിച്ചു. ഇന്ന് രാവിലെ 6.30ന് മരിച്ചുപോയവർക്ക് വേണ്ടിയുള്ള പ്രത്യേക അനുസ്മരണ കുർബാനയ്ക്കും ഒപ്പീസിനും ശേഷം തിരുനാളിന് സമാപനമാകും.
വികാരി ഫാ. ഡേവിസ് ചെറയത്ത്, അസി. വികാരി ഫാ. പ്രകാശ് പുത്തൂർ, കൈക്കാരന്മാരായ ജോബി സി.ജോർജ്, വി.ഡി. തോമുണ്ണി, ഒ.പി. സൈമണ്, കണ്വീനർമാരായ വി.പി. ജെയിംസ്, സി. ജിജോ ജേയ്ക്കബ്, പി.ഒ. തോമസ് എന്നിവർ നേതൃത്വം നൽകി.