ചേർപ്പ്: തായംകുളങ്ങര ശ്രീ സുബ്രഹ്മണ്യസ്വാമി ക്ഷേത്രം തൈപ്പൂയ മഹോത്സവത്തിനൊരുങ്ങി. തൈപ്പൂയ ദിവസമായ നാളെ പുലർച്ചെ മൂന്നിനു ഗണപതി ഹോമം, ഉഷപ്പൂജ എന്നിവയ്ക്കുശേഷം അഞ്ചുമുതൽ ഉച്ചതിരിഞ്ഞ് രണ്ടുവരെ തന്ത്രി പടിഞ്ഞാറേടത്ത് വിഷ്ണു ഭട്ടതിരിപ്പാടിന്റെ മുഖ്യകാർമികത്വത്തിൽ പാൽ, പഞ്ചാമൃതം, പനിനീർ, ഇളനീർ, തേൻ, എണ്ണ, നെയ്യ്, കുങ്കുമം, ഭസ്മം അഭിഷേകങ്ങൾ നടക്കും. തുടർന്ന് തായംകുളങ്ങര കാവടിസംഘം, ചേർപ്പ് ബാലസംഘം, പെരുന്പിള്ളിശേരി കാവടിസമാജം, ഉൗരകം ശ്രീനാരായണ കാവടിസമാജം, ചേർപ്പ് കാവടിസമാജങ്ങളുടെ കാവടിയാട്ടം ഉണ്ടാ യിരിക്കും. എഴുന്നള്ളിപ്പ്, പെരുവനം സതീശൻമാരാരുടെ നേതൃത്വത്തിൽ പഞ്ചവാദ്യം, പെരുവനം കുട്ടന്മാരാരുടെ നേതൃത്വത്തിൽ പാഞ്ചാരിമേളവും ഉണ്ടാകും. കേന്ദ്രസംഗീത നാടക അക്കാദമി അവാർഡ് ലഭിച്ച പെരുവനം കുട്ടൻമാരാരെ ആദരിക്കും. ഇന്ന് രാത്രി ക്ഷേത്രനടയിൽ തായംകുളങ്ങര കാവടിസമാജം, ചേർപ്പ് ബാലസംഘം കാവടിസമാജങ്ങളുടെ ഭസ്മ കാവടിയാട്ടം ഉണ്ടാകും.