കയ്പമംഗലം: 203 കുടുംബങ്ങളിലെ വയോജനങ്ങൾക്ക് കട്ടിലുകൾ നൽകി മതിലകം ഗ്രാമ പഞ്ചായത്ത്. വിവിധ വാർഡുകളിലായി 60 വയസ് കഴിഞ്ഞ വയോജനങ്ങൾക്ക് 5,70,430 രൂപ ചെലവഴിച്ചാണ് കട്ടിലുകൾ വിതരണം ചെയ്തത്. ഗ്രാമ പഞ്ചായത്ത് പ്രസിഡന്റ് സീനത്ത് ബഷീർ വിതരണ ഉദ്ഘാടനംനിർവഹിച്ചു.
വൈസ് പ്രസിഡന്റ് വി എസ് രവീന്ദ്രൻ അധ്യക്ഷനായി. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ എം.കെ. പ്രേമാനന്ദൻ , മെന്പർമാരായ ടി.എസ്. രാജു , പ്രിയ ഹരിലാൽ , സംസാബി സലീം , മാലതി സുബ്രഹ്മുണ്യൻ , സഞ്ജയ് ശാർക്കര , അസിസ്റ്റന്റ് സെക്രട്ടറി എം ജെ സീന , ഐസിഡിഎസ് സൂപ്പർവൈസർ എൻ.ഹൃദ്യ തുടങ്ങിയവർ പ്രസംഗിച്ചു.
ശ്രീനാരായണപുരം: ഗ്രാമ പഞ്ചായത്തിൽ പട്ടികജാതി വിഭാഗത്തിൽ ഉൾപ്പെട്ട 35 വയോജനങ്ങൾക്ക് കട്ടിലുകൾ വിതരണം ചെയ്തു. 2022 -23 വാർഷിക പദ്ധതിയുടെ ഭാഗമായി 1,46,125 രൂപ ചെലവഴിച്ച് നൽകിയ കട്ടിലുകളുടെ വിതരണ ഉദ്ഘാടനം പ്രസിഡന്റ് എം.എസ് .മോഹനൻ നിർവഹിച്ചു. വൈസ് പ്രസിഡന്റ് സി.സി. ജയ അധ്യക്ഷയായി. സെക്രട്ടറി രഹന പി .ആനന്ദ്, അസിസ്റ്റന്റ് , സെക്രട്ടറി എ. രതി , സീനിയർ ക്ലർക്ക് ഖാലിദ് നിസാർ തുടങ്ങിയവർ പ്രസംഗിച്ചു.