ഇരിങ്ങാലക്കുട: കേരളത്തിലെ പ്രധാന ഉരുൾപൊട്ടലുകൾ അശാസ്ത്രീയമായ റോഡ് കട്ടിംഗുമായി ബന്ധപ്പെട്ടിരിക്കുന്നതായി പഠന റിപ്പോർട്ട്.
ഇരിങ്ങാലക്കുട ക്രൈസ്റ്റ് കോളജ് ഓട്ടോണമസ് ജിയോളജി ആൻഡ് എൻവയോണ്മെന്റൽ സയൻസ് ഡിപ്പാർട്ട്മെന്‍റ് സംഘടിപ്പിച്ച ജിയോളജി എമർജിംഗ് മെത്തേഡ്സ് ആൻഡ് ആപ്ലിക്കേഷൻസ് എന്ന വിഷയത്തിലുള്ള മൂന്നാമത് അന്താരാഷ്ട്ര കോണ്ഫറൻസിൽ ഐഐഎസ്ഇആർ മൊഹാലിയിലെ അസിസ്റ്റന്‍റ് പ്രഫ. ഡോ. യൂനസ് കേരളത്തിൽ മണ്ണിടിച്ചിൽ ഉണ്ടാകാനുള്ള പ്രധാന കാരണങ്ങളെക്കുറിച്ചു സംസാരിച്ചു.
2018-2019 ലെ മണ്ണിടിച്ചിലിന് കാരണമായ മഴയുടെ പാറ്റേണും നരവംശപരമായ അസ്വസ്ഥതകളെയും കുറിച്ച് ചർച്ച ചെയ്തു. വലിയ ഉരുൾപൊട്ടൽ അപകടങ്ങൾ ലഘൂകരിക്കുന്നതിനു തോട്ടങ്ങളുടെ ചരിവുകളിലും റോഡ് നിർമാണത്തിലും ഡ്രെയിനേജ് വികസനത്തിന്‍റെ പ്രാധാന്യം ബന്ധപ്പെട്ടിരിക്കുന്നുണ്ട്.
കേരള സംസ്ഥാന ദുരന്ത നിവാരണ അഥോറിറ്റി മെന്പർ സെക്രട്ടറിയും തലവനുമായ ഡോ. ശേഖർ ലൂക്കോസ് കുര്യാക്കോസ്, "കേരളം- ഒരു സുരക്ഷിത സംസ്ഥാനം ദുരന്തനിവാരണം'എന്ന വിഷയം അവതരിപ്പിച്ചു.
തിരുവനന്തപുരത്തെ ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജി രജിസ്ട്രാറും പ്രഫ. ഡോ. കുരുവിള ജോസഫ് ഉദ്ഘാടനം ചെയ്തു.
ഫാ. ജോളി ആൻഡ്രൂസ്, ക്രൈ സ്റ്റ് കോളജ് പ്രിൻസിപ്പൽ ഡോ. ജിയോളജിക്കൽ സർവേ ഓഫ് ഇന്ത്യ, സംസ്ഥാന യൂണിറ്റ് മഹാരാഷ്ട്ര സെൻട്രൽ റീജിയൻ, നാഗ്പൂർ ഡയറക്ടർ ഡോ. വി.വി. ശേഷ സായ് ഭൂമിയുടെ പുറംതോടിന്റെ പരിണാമത്തെക്കുറിച്ച് മുഖ്യപ്രഭാഷണം നടത്തി.
നാഷണൽ സെന്‍റർ ഫോർ എർത്ത് സയൻസ് സ്റ്റഡീസ്, തിരുവനന്തപുരം, മിനിസ്ട്രി ഓഫ് എർത്ത് സയൻസ്, ഗവ. ഓഫ് ഇന്ത്യ, കേരള സ്റ്റേറ്റ് ഡിസാസ്റ്റർ മാനേജ്മെന്‍റ് അഥോറിറ്റി (കെഎസ്ഡിഎംഎ), കേരള സ്റ്റേറ്റ് കൗണ്‍സിൽ ഫോർ സയൻസ്, ടെക്നോളജി ആൻഡ് എൻവയോണ്മെന്റ്, പോളിഷ് അക്കാദമി ഓഫ് സയൻസസ്, പോളണ്ട്, കറ്റാലൻ ഇൻസ്റ്റിറ്റ്യൂട്ട് ഓഫ് ക്ലാസിക്കൽ ആർക്കിയോളജി, സ്പെയിൻ, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എഡ്യൂക്കേഷൻ ആൻഡ് റിസർച്ച്, പൂനെ, ഇന്ത്യൻ ഇൻസ്റ്റിറ്റ്യൂട്ട് ഓഫ് റിമോട്ട് സെൻസിംഗ്, ഐഎസ്ആർഒ എന്നിവയുൾപ്പെടെ രാജ്യത്തും വിദേശത്തുമുള്ള സ്ഥാപനങ്ങളിൽ നിന്നുള്ള ഗവേഷകരും ശാസ്ത്രജ്ഞരും സമ്മേളനത്തിൽ പങ്കെടുത്തിരുന്നു.
ബീർബൽ സാഹ്നി ഇൻസ്റ്റിറ്റ്യൂട്ട് ഓഫ് പാലിയോസയൻസസിലെ ശാസ്ത്രജ്ഞയും എഒക്യുആർ സെക്രട്ടറിയുമായ ഡോ. ബിനിത ഫാർതിയാൽ അധ്യക്ഷത വഹിച്ചു.
മികച്ച പേപ്പർ പ്രസന്‍റേഷൻ അവാർഡ് കേരള സർവകലാശാല ജിയോളജി വിഭാഗത്തിലെ എം. ആർ. നന്ദു, മികച്ച പോസ്റ്ററിനുള്ള അവാർഡ് പൊന്നാനി എംഇ എസ് കോളജിലെ ഷബാന ഇബ്രാഹിം എന്നിവർക്കു നൽകി. പ്രഫ. ആർ. തരുണ്‍, ഡോ. ലിന്‍റോ ആലപ്പാട്ട് എന്നിവർ പ്രസംഗിച്ചു.