വ​ർ​ണ​ങ്ങ​ളു​ടെ നി​റ​ക്കൂ​ട്ട് ത​ങ്ങ​ൾ​ക്കും വ​ഴ​ങ്ങു​മെ​ന്ന് തെ​ളി​യി​ച്ച് ജി​എം​ആ​ർ​എ​സ് വി​ദ്യാ​ർ​ഥി​ക​ൾ
Tuesday, December 6, 2022 12:40 AM IST
വ​ട​ക്കാ​ഞ്ചേ​രി: ത​ങ്ങ​ളു​ടെ ത​ന​തു സം​സ്കാ​ര​ത്തി​ന്‍റെ കൈയൊ​പ്പ് ചാർത്തിയ ജീ​വ​നു​ള്ള ചി​ത്ര​ങ്ങ​ളു​ടെ പ്ര​ദ​ർ​ശ​ന​ത്തി​ന് ഒ​രു​ങ്ങു​ക​യാ​ണ് പ​ട്ടി​ക​ജാ​തി വി​ക​സ​ന വ​കു​പ്പി​ന്‍റെ കീ​ഴി​ലു​ള്ള വ​ട​ക്കാ​ഞ്ചേ​രി​യി​ലെ വി​ദ്യാ​ർ​ഥി​ക​ൾ. പ​ര​ന്പ​രാ​ഗ​ത തൊ​ഴി​ലും ആ​ചാ​രാ​നു​ഷ്ഠാ​ന​ങ്ങ​ളും കോ​ർ​ത്തി​ണ​ക്കി​യ അ​വ നി​റ​ക്കൂ​ട്ടു​ക​ളാ​ലും രൂ​പ വൈ​വി​ധ്യ​ത്താ​ലും വ്യ​ത്യ​സ്ത​മാ​ണ്.
ആ​കു​ല​ത​ക​ളും നൊ​ന്പ​ര​ങ്ങ​ളും പേ​ടി​സ്വ​പ്ന​ങ്ങ​ളും ന​ഷ്ട സ്വ​പ്ന​ങ്ങ​ളും മു​ഖ്യ പ്ര​മേ​യം ആ​കു​ന്പോ​ൾ അ​ത്ത​രം ചി​ത്ര​ങ്ങ​ളി​ലെ മു​ഖ്യ ക​ഥാ​പാ​ത്ര​ങ്ങ​ളാ​യി വ​രു​ന്ന​ത് ആ​ന​ക​ളും പ​ക്ഷി​ക​ളും മ​ര​ങ്ങ​ളും അ​ച്ഛ​നും അ​മ്മ​യും ഉ​ൾ​പ്പെ​ടെ ത​ന്‍റെ ഗ്രാ​മ​ത്തി​ലെ വീ​ടു​ക​ൾ വ​രെ​യു​ണ്ട്.
ജ്യാമി​തീ​യ രൂ​പ​ങ്ങ​ളും ഇ​രു​ണ്ട വ​ർ​ണ​ങ്ങ​ളു​ടെ വ​ശ്യ​ത​യു​മാ​ണ് ഇ​വ​രു​ടെ ചി​ത്ര​ങ്ങ​ൾ മ​റ്റു​ള്ള ചി​ത്ര​ങ്ങ​ളി​ൽ നി​ന്ന് വ്യ​ത്യ​സ്ത​മാ​ക്കു​ന്ന​ത്. അ​ഞ്ചു മു​ത​ൽ പ്ല​സ് ടു ​വ​രെ​യു​ള്ള കു​ട്ടി​ക​ളാ​ണ് സ്കൂ​ൾ ഹോ​സ്റ്റ​ലി​ൽ താ​മ​സി​ച്ച് ഇ​വി​ടെ പ​ഠ​നം ന​ട​ത്തു​ന്ന​ത്.
ന​ഷ്ട​സ്വ​പ്ന​ങ്ങ​ൾ​ക്കു നി​റം ന​ൽ​കി ഭാ​വ​ന​യു​ടെ മാ​യാലോ​ക​ത്തേ​ക്കു പ​റ​ക്കാ​ൻ ത​യാ​റാ​യി​രി​ക്കു​ക​യാ​ണ് കു​രു​ന്നു​ക​ൾ. അ​തി​ര​പ്പി​ള്ളി​യി​ലെ കൊ​ന്പ​ൻ, കാ​ത്തി​രി​പ്പ്, ജീ​വി​ത ചി​ത്ര​ങ്ങ​ൾ, വാ​ഴ​ച്ചാ​ൽ, പ്ര​കൃ​തി വ​ർ​ണ​ങ്ങ​ൾ എ​ന്നി​ങ്ങ​നെ വ​ർ​ണ​ന​ക​ളു​ടെ മ​ഹാവി​സ്മ​യം ത​ന്നെ​യാ​ണ് അ​വ.
സീ​നി​യ​ർ സൂ​പ്ര​ണ്ട് എ​സ്.വി. ​സ​ലി​ത, പ്ര​ധാ​നാ​ധ്യാ​പ​ക​ൻ സി. ​ഗോ​പി, ചി​ത്ര​ക​ലാ അ​ധ്യാ​പി​ക കെ.​ജി. പ്രി​യ എ​ന്നി​വ​രാ​ണു കു​ട്ടി​ക​ളു​ടെ ക​ലാ പ്ര​വ​ർ​ത്ത​ന​ങ്ങ​ൾ​ക്കു നേ​തൃ​ത്വം ന​ൽ​കു​ന്ന​ത്.
ത​ങ്ങ​ളു​ടെ ചി​ത്ര​ങ്ങ​ൾ പ്ര​ദ​ർ​ശി​പ്പി​ക്കു​ന്ന​തി​നു​ള്ള ഒ​രു പൊ​തു​വേ​ദി ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണു വി​ദ്യാ​ർ​ഥിക​ൾ.

Copyright @ 2022 , Rashtra Deepika Ltd.