നെല്ലായി: പൊതുവിദ്യാഭ്യാസ വകുപ്പിന്‍റെ ലഹരി വിരുദ്ധ ബോധവത്കരണ പരിപാടിയുടെ ഇരിങ്ങാലക്കുട വിദ്യാഭ്യാസ ജില്ലാതല ഉദ്ഘാടനം ആനന്ദപുരം ശ്രീകൃഷ്ണ ഹയർ സെക്കൻഡറി സ്കൂളിൽ സംഘടിപ്പിച്ചു. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്‍റ് ലളിത ബാലൻ ഉദ്ഘാടനം ചെയ്തു. മുരിയാട് പഞ്ചായത്ത് പ്രസിഡന്‍റ് ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു.
ജില്ലാ പഞ്ചായത്ത് സ്റ്റാന്‍ഡിംഗ് കമ്മിറ്റി ചെയർമാൻ ലത ചന്ദ്രൻ, പഞ്ചായത്ത് അംഗങ്ങളായ കെ.യു. വിജയൻ, വി. വൃന്ദകു മാരി, ഡിഇഒ ജസ്റ്റിൻ വി. തോമസ്, പ്രിൻസിപ്പൽ ബി. സജീവ്, പ്രധാന അധ്യാപകൻ ടി. അനിൽകുമാർ, പിടിഎ പ്രസിഡന്‍റ് എ.എം. ജോണ്സൻ, മാതൃസംഗമം പ്രസിഡന്‍റ് സുനിത വിനോദ്, എം.എ. മോഹൻദാസ്, സോമൻ മുത്രത്തിക്കര, ശ്രീജിത്ത് പട്ടത്ത്, ടി.വി. വൽസൻ, സുമി എന്നിവർ സംസാരിച്ചു. ലഹരിക്കെതിരെ വലിയ കാൻവാസിൽ ഒപ്പുശേഖരണം, പ്രതിജ്ഞ, ഫ്ലാഷ് മോബ്, റാലി എന്നിവയുമുണ്ടായി.