അന്നമനട: നാഷണൽ എംപ്ലോയ്മെൻറ് വകുപ്പ്, ജില്ലാ എംപ്ലോയ്മെൻറ് എക്സ്ചേഞ്ച്, തൃശൂർ എംപ്ലോയബിലിറ്റി സെന്‍റർ, അന്നമനട ഗ്രാമപഞ്ചായത്ത് എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച മെഗാ ജോബ് ഫെയറിൽ ഉദ്യോഗാർഥികളുടെ വൻ പങ്കാളിത്തം.
അന്നമനട വിഎം ഓഡിറ്റോറിയത്തിൽ നടന്ന പ്രതീക്ഷ - 2022 മെഗാ ജോബ് ഫെയർ വി.ആർ. സുനിൽകുമാർ എംഎൽഎ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്‍റ് പി.വി. വിനോദ് അധ്യക്ഷനായി. ജില്ലാ എംപ്ലോയ്മെൻറ് ഓഫീസർ എം. ശിവദാസൻ പദ്ധതി വിശദീകരണം നടത്തി.
ആരോഗ്യ മേഖല, ടെലികോം, ഓട്ടോമൊബൈൽ, ബിപിഒ, ഐ ടി സ്ഥാപനങ്ങൾ, സെയിൽസ് ആൻഡ് മാർക്കറ്റിംഗ്, ബാങ്കിംഗ്, നോണ് ബാങ്കിംഗ്, ഓഫീസ് അഡ്മിനിസ്ട്രേഷൻ തുടങ്ങി 32 കന്പനികളാണ് ജോബ് ഫെയറിൽ പങ്കെടുത്തത്.
1631 ഉദ്യോഗാർഥികൾ പങ്കെടുത്തതിൽ 346 പേരെ സെലക്ട് ചെയ്തതായും 540 പേരെ ഷോർട്ട് ലിസ്റ്റ് ചെയ്തതായും പഞ്ചായത്ത് അധികൃതർ പറഞ്ഞു. ഭക്ഷണം അടക്കമുള്ള ക്രമീകരണങ്ങളും ഒരുക്കിയിരുന്നു.
ബ്ലോക്ക് പഞ്ചായത്ത് പ്രസിഡൻറ് സന്ധ്യ നൈസൻ, വൈസ് പ്രസിഡന്‍റ് ഒ.സി. രവി, ജനപ്രതിനിധികളായ ടെസി ടൈറ്റസ്, ടി.കെ. സതീശൻ, സിന്ധു ജയൻ, കെ.എ. ഇക്ബാൽ, ലളിത ദിവാകരൻ, ആനി ആന്‍റു, സുനിത സജീവൻ, ഷീജ നസീർ, മോളി വർഗീസ്, എം.യു. കൃഷ്ണകുമാർ, കെ.എ. ബൈജു, ഡേവിസ് കുര്യൻ, എംപ്ലോയ്മെന്റ് ഓഫീസർ എസ്. സിജു, വി.എം. ഹംസ എന്നിവർ പ്രസംഗിച്ചു.