കൊ​ച്ചി: എ​റ​ണാ​കു​ളം സൗ​ത്തി​ല്‍ ആ​ക്രി ഗോ​ഡൗ​ണി​ലു​ണ്ടാ​യ തീ​പി​ടി​ത്ത​ത്തി​ല്‍ 15 ല​ക്ഷ​ത്തി​ല​ധി​കം രൂ​പ​യു​ടെ ന​ഷ്ട​മു​ണ്ടാ​യ​താ​യി പ്രാ​ഥ​മി​ക വി​ല​യി​രു​ത്ത​ല്‍. സം​ഭ​വ​ത്തി​ല്‍ എ​റ​ണാ​കു​ളം സൗ​ത്ത് പോ​ലീ​സ് കേ​സ് ര​ജി​സ്റ്റ​ര്‍ ചെ​യ്തു.​ ഞാ​യ​റാ​ഴ്ച പു​ല​ര്‍​ച്ചെ ര​ണ്ടോ​ടെ സൗ​ത്ത് മേ​ല്‍​പ്പാ​ല​ത്തി​ന് സ​മീ​പ​ത്തെ സി​നി​മാ നി​ര്‍​മാ​താ​വ് രാ​ജു ഗോ​പി​യു​ടെ ഉ​ട​മ​സ്ഥ​ത​യി​ലു​ള്ള ആ​ക്രി ഗോ​ഡൗ​ണി​ലാ​യി​രു​ന്നു വ​ന്‍ തീ​പി​ടി​ത്ത​മു​ണ്ടാ​യ​ത്. ആ​ക്രി ഗോ​ഡൗ​ണ്‍ ഉ​ട​മ​യു​ടെ പ​രാ​തി​യി​ലാ​ണ് കേ​സ് ര​ജി​സ്റ്റ​ര്‍ ചെ​യ്ത​ത്. ഇ​യാ​ളു​ടെ മൊ​ഴി രേ​ഖ​പ്പെ​ടു​ത്തി.

ഷോ​ര്‍​ട്ട് സ​ര്‍​ക്യൂ​ട്ടാ​ണെ​ന്നാ​ണ് പ്രാ​ഥ​മി​ക നി​ഗ​മ​ന​ത്തി​ലാ​ണ് പോ​ലീ​സ്. ഇ​ന്ന് ഫോ​റ​ന്‍​സി​ക് വി​ദ​ഗ്ധ​ര്‍ ഗോ​ഡൗ​ണി​ലെ​ത്തി പ​രി​ശോ​ധ​ന ന​ട​ത്തു​മെ​ന്ന് പോ​ലീ​സ് അ​റി​യി​ച്ചു. ഇ​ല​ക്ട്രി​ക്ക​ല്‍ ഇ​ന്‍​സ്‌​പെ​ക്ട​റേ​റ്റ് ഉ​ദ്യോ​ഗ​സ്ഥ​രും ഇ​ന്ന് പ​രി​ശോ​ധ​ന ന​ട​ത്തും. ഫ​യ​ര്‍​ഫോ​ഴ്‌​സ് ഉ​ദ്യോ​ഗ​സ്ഥ​രും ഇ​ന്ന​ലെ ഗോ​ഡൗ​ണി​ലെ​ത്തി പ​രി​ശോ​ധ​ന ന​ട​ത്തി​യി​രു​ന്നു. സം​ഭ​ത്തി​ല്‍ അ​ഗ്നി​ര​ക്ഷാ​സേ​ന ഫ​യ​ര്‍ റി​പ്പോ​ര്‍​ട്ട് ത​യാ​റാ​ക്കും. എ​ന്തെ​ല്ലാ​മാ​ണ് തീ​പി​ടി​ച്ച് ന​ശി​ച്ച​ത്, കാ​ര​ണം തു​ട​ങ്ങി​യ​വ​യാ​കും റി​പ്പോ​ര്‍​ട്ടി​ല്‍ ഉ​ണ്ടാ​യി​രി​ക്കു​ക.

തീ​പി​ടി​ത്ത​ത്തി​ല്‍ ഗോ​ഡൗ​ണ്‍ പൂ​ര്‍​ണ​മാ​യും ക​ത്തി ന​ശി​ച്ചി​രു​ന്നു. ഗോ​ഡൗ​ണി​ല്‍ സൂ​ക്ഷി​ച്ചി​രു​ന്ന 12ഓ​ളം സ്‌​ക്രാ​പ്പ് ഗ്യാ​സ് സി​ലി​ണ്ട​റു​ക​ള്‍ പൊ​ട്ടി​ത്തെ​റി​ച്ച​ത് തീ​പി​ടു​ത്ത​ത്തി​ന്‍റെ വ്യാ​പ്തി കൂ​ട്ടി. ഗോ​ഡൗ​ണി​ന് അ​ക​ത്തു​ണ്ടാ​യി​രു​ന്ന നേ​പ്പാ​ള്‍ സ്വ​ദേ​ശി​ക​ളാ​യ എ​ട്ടു തൊ​ഴി​ലാ​ളി​ക​ളെ​യും ഫ​യ​ര്‍​ഫോ​ഴ്‌​സും പോ​ലീ​സും ചേ​ര്‍​ന്ന് ര​ക്ഷ​പ്പെ​ടു​ത്തു​ക​യാ​യി​രു​ന്നു. ഗോ​ഡൗ​ണി​ന് സ​മീ​പ​ത്തെ വീ​ടി​ലേ​ക്കും തീ​പ​ട​ര്‍​ന്നി​രു​ന്നു.