ഒ​ളി​വി​ൽ താ​മ​സി​ക്കാ​നെ​ത്തി​യ വീ​ട്ടി​ൽ നി​ന്നും പോ​ലീ​സി​നെ ക​ണ്ട് പ്ര​തി ഓ​ടി ര​ക്ഷ​പ്പെ​ട്ടു
Thursday, August 8, 2024 3:36 AM IST
കോ​ട്ട​യം ന​ഗ​ര​സ​ഭാ മു​ൻ കൗ​ൺ​സി​ല​ർ രേ​ഖ രാ​ജേ​ഷ് അ​റ​സ്റ്റിൽ

ആ​ലു​വ: വ​ള​ർ​ത്തു​നാ​യ​യെ അ​ഴി​ച്ചു​വി​ട്ട് കോ​ട്ട​യ​ത്തു​നി​ന്ന് ര​ക്ഷ​പ്പെ​ട്ട ല​ഹ​രി​ക്കേ​സി​ലെ പ്ര​തി പോ​ലീ​സി​നെ വെ​ട്ടി​ച്ച് ആ​ലു​വ​യി​ൽ നി​ന്നും ര​ക്ഷ​പ്പെ​ട്ടു. ആ​ലു​വ എ​ട​യ​പ്പു​റ​ത്ത് ഒ​ളി​വി​ൽ താ​മ​സി​ക്കാ​നെ​ത്തി​യ വീ​ട്ടി​ൽ നി​ന്നാ​ണ് സൂ​ര്യ​ൻ (24) എ​ന്ന പ്ര​തി ര​ക്ഷ​പ്പെ​ട്ട​ത്.

ഒ​ളി​വി​ൽ താ​മ​സി​ക്കാ​ൻ എ​ട​യ​പ്പു​റ​ത്തെ വീ​ട്ടി​ൽ സൗ​ക​ര്യ​മൊ​രു​ക്കി​യ മാ​താ​വും കോ​ട്ട​യം ന​ഗ​ര​സ​ഭാ മു​ൻ കൗ​ൺ​സി​ല​റു​മാ​യ രേ​ഖ രാ​ജേ​ഷി​നെ പോ​ലീ​സ് അ​റ​സ്റ്റ് ചെ​യ്തു. പ്ര​തി​യു​ടെ സ​ഹാ​യി​ക​ളെ​ന്ന് സം​ശ​യി​ക്കു​ന്ന നാ​ല് യു​വാ​ക്ക​ളെ​യും ര​ണ്ട് വാ​ഹ​ന​ങ്ങ​ളും പോ​ലീ​സ് ക​സ്റ്റ​ഡി​യി​ലെ​ടു​ത്തു.

ഇ​ന്ന​ലെ വൈ​കി​ട്ട് നാ​ലോ​ടെ​യാ​ണ് സം​ഭ​വം. കീ​ഴ്മാ​ട് പ​ഞ്ചാ​യ​ത്തി​ലെ എ​ട​യ​പ്പു​റം മ​ന​ക്ക​ത്താ​ഴം ക​വ​ല​യ്ക്ക് സ​മീ​പം ഒ​രു മാ​സ​മാ​യി താ​മ​സി​ക്കു​ന്ന യു​വ​ദ​മ്പ​തി​ക​ളു​ടെ വാടകവീ​ട്ടി​ലാ​ണ് ല​ഹ​രി​ക്കേ​സ് പ്ര​തി സൂ​ര്യ​നും മാ​താ​വ് രേ​ഖ രാ​ജേ​ഷു​മെ​ത്തി​യ​ത്.

ഇ​വ​ർ​ക്കൊ​പ്പം മ​റ്റൊ​രു കാ​റി​ൽ നാ​ല് യു​വാ​ക്ക​ളും എ​ത്തി​യി​രു​ന്നു. പി​ന്നാ​ലെ​യെ​ത്തി​യ കോ​ട്ട​യം ജി​ല്ലാ പോ​ലീ​സ് മേ​ധാ​വി​യു​ടെ സ്ക്വാ​ഡ് വീ​ടു​വ​ള​ഞ്ഞ് പി​ടി​കൂ​ടാ​ൻ ശ്ര​മി​ക്കു​മ്പോ​ഴാ​ണ് മു​ഖ്യ​പ്ര​തി ഓ​ടി ര​ക്ഷ​പ്പെ​ട്ട​ത്.


മു​ഖ്യ​പ്ര​തി​യു​ടെ മാ​താ​വി​നെ അ​റ​സ്റ്റ് ചെ​യ്യു​ന്ന​ത് ത​ട​യാ​ൻ വീ​ട്ടി​ലു​ണ്ടാ​യി​രു​ന്ന ദ​മ്പ​തി​ക​ൾ വി​ഫ​ല​ശ്ര​മം ന​ട​ത്തി. ആ​ലു​വ ടൗ​ൺ സ്റ്റേ​ഷ​നി​ൽ നി​ന്നും വ​നി​താ പോ​ലീ​സി​നെ വി​ളി​ച്ചു​വ​രു​ത്തി​യാ​ണ് രേ​ഖ​യെ ക​സ്റ്റ​ഡി​യി​ലെ​ടു​ത്ത് അ​റ​സ്റ്റ് രേ​ഖ​പ്പെ​ടു​ത്തി​യ​ത്.

മ​റ്റൊ​രു​കാ​റി​ൽ ഇ​വ​ർ​ക്കൊ​പ്പം എ​ട​യ​പ്പു​റ​ത്തെ വീ​ട്ടി​ലെ​ത്തി​യ യു​വാ​ക്ക​ളെ​യും കോ​ട്ട​യം പോ​ലീ​സ് ക​സ്റ്റ​ഡി​യി​ലെ​ടു​ത്തി​ട്ടു​ണ്ട്. വാ​ഗ​മ​ണ്ണി​ൽ വി​നോ​ദ​യാ​ത്ര​യ്ക്ക് പോ​കാ​നെ​ന്ന പേ​രി​ലാ​ണ് സൂ​ര്യ​ൻ എ​ട​യ​പ്പു​റ​ത്തേ​ക്ക് വി​ളി​ച്ചു​വ​രു​ത്തി​യ​തെ​ന്നാ​ണ് കാ​റി​ലു​ണ്ടാ​യി​രു​ന്ന​വ​ർ പ​റ​യു​ന്ന​ത്. മു​ഖ്യ​പ്ര​തി​യും മാ​താ​വും എ​ട​യ​പ്പു​റ​ത്തെ​ത്തി​യ ഇ​ന്നോ​വ കാ​ർ പോ​ലീ​സ് ലോ​റി​യി​ൽ ക​യ​റ്റി ആ​ലു​വ സ്റ്റേ​ഷ​നി​ലേ​ക്ക് മാറ്റി.

പ്ര​തി​യു​ടെ കോ​ട്ട​യ​ത്തെ വാ​ട​ക വീ​ട്ടി​ൽ​നി​ന്നും കാ​ൽ കി​ലോ ക​ഞ്ചാ​വും, ആ​റു ഗ്രാം ​എം​ഡി​എം​എ​യും പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. സൂ​ര്യ​ൻ നി​ര​വ​ധി ക്രി​മി​ന​ൽ കേ​സു​ക​ളി​ലെ പ്ര​തി​യാ​ണ്. ക​ഞ്ഞി​ക്കു​ഴി ഭാ​ഗ​ത്ത് സ്വ​ന്തം വീ​ടു​ണ്ടാ​യി​ട്ടും പ്ര​തി വാ​ട​ക വീ​ട്ടി​ൽ ത​നി​ച്ച് താ​മ​സി​ക്കു​ന്ന​ത് ല​ഹ​രി ഇ​ട​പാ​ടി​നാ​ണെ​ന്നാ​ണ് സൂ​ച​ന.