പി​റ​വം: കെ​എ​സ്ആ​ർ​ടി​സി ഡി​പ്പോ പ​രി​സ​ര​ത്ത് മാ​ലി​ന്യം കു​മി​ഞ്ഞു​കൂ​ടു​ന്നു. മ​ഴ​ക്കാ​ല​മാ​യ​തോ​ടെ കൊ​തു​കു ശ​ല്യ​വും രൂ​ക്ഷ​മാ​യി​രി​ക്കു​ക​യാ​ണ്. കെ​എ​സ്ആ​ർ​ടി​സി ഡി​പ്പോ​യൊ​ടൊ​പ്പം വ​ർ​ക്ക് ഷോ​പ്പും ഇ​വി​ടെ പ്ര​വ​ർ​ത്തി​ക്കു​ന്നു​ണ്ട്. ഇ​വി​ടെ നി​ന്നു​ള്ള മാ​ലി​ന്യ​ങ്ങ​ളും പി​ൻ​വ​ശ​ത്ത​ട​ക്കം വി​വി​ധ ഭാ​ഗ​ങ്ങ​ളി​ൽ കു​മി​ഞ്ഞു​കൂ​ടി കി​ട​ക്കു​ക​യാ​ണ്.

യ​ഥാ​സ​മ​യം നീ​ക്കം ചെ​യ്യു​ന്ന​തി​നു​ള്ള സം​വി​ധാ​നം ഇ​വി​ടെ സ​ജ്ജ​മാ​ക്കി​യി​ട്ടി​ല്ലാ​ത്ത​താ​ണ് പ്ര​ശ്നം. ഇ​തു​മൂ​ലം ദു​ർ​ഗ​ന്ധ​വും വ​മി​ക്കു​ന്നു​ണ്ട്. ക​ഴി​ഞ്ഞ​യി​ടെ തോ​രാ​ത്ത മ​ഴ പെ​യ്ത​പ്പോ​ൾ സ്റ്റാ​ൻ​ഡ് വെ​ള്ള​ത്തി​ൽ മു​ങ്ങി​യി​രു​ന്നു.

ഡി​പ്പോ​യു​ടെ താ​ഴ്‌​ത്തെ നി​ല​യി​ലെ ഓ​ഫീ​സ് മു​റി​ക​ളി​ലും മ​ഴ വെ​ള്ളം ക​യ​റി. ഇ​തി​നു കാ​ര​ണം ഓ​ട അ​ട​ഞ്ഞു പോ​യ​താ​ണ്. പി​ന്നീ​ട് ന​ഗ​ര​സ​ഭ​യി​ലെ ശു​ചീ​ക​ര​ണ തൊ​ഴി​ലാ​ളി​ക​ളെ​ത്തി താ​ത്ക്കാ​ലി​ക​മാ​യി ഓ​ട ശു​ചി​യാ​ക്കി വെ​ള്ള​മൊ​ഴു​കി പോ​കാ​ൻ സം​വി​ധാ​ന​മൊ​രു​ക്കു​ക​യാ​യി​രു​ന്നു. പൂ​ർ​ണ​മാ​യും ശു​ചി​യാ​ക്ക​ൽ ജോ​ലി​ക​ൾ ഇ​വി​ടെ ന​ട​ന്നി​ട്ടി​ല്ല.

ഡി​പ്പോ​യു​ടെ പി​ൻ​ഭാ​ഗ​ത്ത് ഓ​ട​യി​ൽ മ​ലി​ന​ജ​ലം കെ​ട്ടി​ക്കി​ട​ക്കു​ന്നു​ണ്ട്. വാ​ഹ​ന​ങ്ങ​ളു​ടെ പാ​ഴ്‌​വ​സ്തു​ക്ക​ൾ അ​ട​ക്ക​മു​ള്ള സാ​ധാ​ന​ങ്ങ​ൾ ഇ​വി​ടെ​യാ​ണ് ഇ​ടു​ന്ന​ത്. ഡി​പ്പോ​യു​ടെ പ​രി​സ​ര​ത്ത് നി​ര​വ​ധി കു​ടും​ബ​ങ്ങ​ൾ താ​മ​സി​ക്കു​ന്നു​ണ്ട്. ഇ​തു സം​ബ​ന്ധി​ച്ച് ഇ​വ​ർ ഡി​പ്പോ അ​ധി​കൃ​ത​രെ അ​റി​യി​ച്ചെ​ങ്കി​ലും ന​ട​പ​ടി സ്വീ​ക​രി​ച്ചി​ട്ടി​ല്ല. തു​ട​ർ​ന്ന് ന​ഗ​ര​സ​ഭ​യി​ൽ പ​രാ​തി ന​ൽ​കി​യി​ട്ടു​ണ്ട്.